VOV4.K’ho- Tàm khà 272 nă cau gam ơm kis, lơh broă, bơsram sră tàm ƀòn dờng Hồ Chí Minh pa geh càr Kon Tum rò rê, geh 4 nă cau bơtờp mờ virus Sars CoV-2. Tàm hơ̆ geh 2 nă cau tàm ƀòn dờng Kon Tum mờ 2 nă cau tàm kơnhoàl Tu Mơ Rông. Jơh 4 nă cau do ndrờm neh geh Anih tờm gròi sền kòp tê jê să càr Kon Tum lơh xét nghiệm đơs nền dơ̆ 1 mờ broă lơh RT-PCR ai cồng nha bơtờp mờ virus Sars CoV-2.

Tơnơ̆ tŭ git gŏ, ală cau do ndrờm geh jun tus anih tam cah is nàng sơm. Gah lơh sơnơm tàm ală tiah do kung neh đal git geh 24 nă cau F1 bơh 4 nă cau bơtờp kòp dê. Sở Y tế càr Kon Tum kung pà git, tàm càr pa geh 1 nă cau lơh sơnơm bơtờp kòp Covid-19 bơh cau kòp mờ 1 nă cau bơtờp wơl mờ virus Sars CoV-2.

Cau mblàng K’Duẩn