VOV4.K’ho- Drim ngai 03/8, càr Kon Tum geh tai 2 nă cau bơtờp mờ virus Sars CoV-2 là cau rê bơh tiah geh kòp. Do là 2 nă cau bơtờp mờ virus Sars CoV-2 dơ̆ 15 mờ 16 geh git gŏ tàm càr Kon Tum. Jơh bal 2 nă cau do ndrờm bơh ƀòn dờng Hồ Chí Minh rê hờ càr Kon Tum mờ neh geh tam cah is tơrgùm bal tàm Anih sồ 1 hìu bơsram Cao đẳng Cộng đồng. Tơnơ̆ tŭ geh cồng nha xét nghiệm dơ̆ 3 bơtờp mờ virus Sars CoV-2 mờ broă lơh Realtime PCR, jơh bal 2 nă cau do geh jun tus Anih sồ 2 Hìu sơnơm Y dược cổ truyền- lơh pràn wơl să jan nàng tam cah is mờ sơm kòp. Kờp tus drim ngai 03/8, càr Kon Tum neh geh 16 nă cau bơtờp mờ virus Sars CoV-2 mờ ờ hềt geh cau bơtờp kòp Covid-19 tàm mpồl bơtiàn.

Cau mblàng K’Duẩn