VOV4.K’ho - Satềp Kỷ Hợi nam 2019 neh mờr tus, bal mờ nùs nhơm ờ su\k ơm bè piang sào ào soh, g^t nđờ rơhiang hìu làng bol tàm xã Đăk Cấ\m, [òn dờng Kon Tum, càr Kon Tum gam sùm geh dùl jơnau ờ su\k ơm tai, hơ\ là ờ tơl dà ngui sa. Bơta kờ` đơs ngan là tàm g^t nđờ rơhiang hìu làng bol gơtìp tàm bơta do, geh 130 hìu neh ngui dà bơh Công ty Cổ phần ai dà Kon Tum bơh mờr 10 nam do.

Mờr 12 jơ ngai, tê cèng lơ-I ơn biăp, nggui sền dà măi hòr, bi Võ Văn Cường, kis tàm [òn 8, xã Dăk Cấm, kòn dờng Kon Tum ờ su\k ơm, pơgăp mờ do 8 nam, hìu nhă bi bal mờ 15 hìu ndai rềp bal neh tă bal priă crăp ding dà măi.

                                                       Bi Võ Văn Cường kơ\p dà rào biăp

Jàng lah geh dà măi geh tơn jơh broă ờ tơl dà ngui tàm kàl prang, mơya ờ geh cau lơi g^t 8 nam do kung bè hơ\ sùm, tu\ tus mờr satềp den gơbàn ờ tơl dà ngui sa:

-Ngui dà măi bơh Công ty, mơya ờ geh ngui tơl. Pờ neh bơh nti kung ờ hềt bềng rơsô sơl, ờ g^t tus tu\ lơi hơ\ sồng geh dà ngui tơl do. Lồi nam, tus tàm ngai 20 satềp den ờ geh dà. Ờ tơl dà kloh niam den kal ke ngan. Pìh phan, rào phan tu\ rê lơh broă den pờ dà sùm ờ kung ờ go\ tơl dà ngui sơl.

Tài dà ờ sơr mờ gơbàn mbring tai, broă ngui dà bơh tơlung tờ mờ tơlung khoàng bơh mờr 1 rơbô 500 hìu làng bol kis tàm xã Đăk Cấm, kòn dờng Kon Tum ờ uă ngan tàm kàl prang. Jăt jơnau kờp bơh xã do dê pà go\ geh rơlao 600 hìu tàm xã kàl prang lơi kung gơbàn ờ tơl dà ngui sa. Kờ` jơh bơta kal ke bè dà ngui sa, 130 hìu kis tàm [òn 1, [òn 8 mờ [òn 9 neh blơi dà bơh Công ty Cổ phần ai dà Kon Tum kờ` crăp ding dà măi tus. Mơya bơta kal ke ngan là priă neh tă, mơya dà kung gam ờ tơl kờ` ngai. Lo\ Nguyễn Thị Nhạn đơs:

-Dà kal ke ngan, tàm hơ\ uă ngan là tus kàl prang, tàm hơ\ uă ngan là tàm ală ngai satềp tus, dà ờ geh kờ` ngui. Tus 2, 3 jơ drim mờ ùr bơklao a` gàr dà kờ` tuh tàm thùng kung ờ geh. Tus tàm broă rào bơngào, jùt hìu kung pal tềm dà sơl. Bol a` kung neh dan uă dơ\, mơya Công ty dà đơs là pơrgon sùm bơh ngai do tus ngai tơnơ\. Mờ đơs sùm là ơi, lài kơ\p tus sền, sền ding dà, sền broă do broă ne hơ\ sồng du\t ndơl kung ờ lơh geh bơta niam bol a` in sơl.

Tềng đăp mờ bơta 130 hìu tàm xã Đăk Cấm mờr 10 nam do gơbàn ờ tơl dà ngui sa di tàm satềp, ồng Văn Hải Chánh, Phó kuang atbồ Công ty Cổ phần ai dà Kon Tum pà g^t, geh bơta do là tài lài do xã Đăk Cấm ờ geh tàm rơndăp broă ai dà măi. Tu\ broă kờ` ngui dà làng bol gơguh uă, công ty neh crăp ding dà lơh ai làng bol in, mơya ding dà dềt ir dà ờ pràn. Kờ` tơmù bơta do, tu\ do Công ty neh geh broă lơh:

-Tu\ do bol a` neh crăp bàr măi [ồm krơi is ai xã Đăk Cấm in. Mờ tu\ do kung gam lơh gơl ding dà dờng 160 mm kờ` tơrbo\ bal. Tu\ do, ding dà dờng 160 mm ờ hềt lơh gơs mơya bol a` kung neh lơh gơs măi [ồm dà mờ bol a` neh ngui tơlòng geh tơl niam broă ai dà tàm xã Đăk Cấm in.

Công ty Cổ phần ai dà Kon Tum kung hơ geh lơh gơs broă crăp ding dà mờ ai tơl dà măi ngui sa 130 hìu làng bol tàm xã Đăk Cấm in lài mờ satềp. Tu\ do, bal mờ broă kơ\p dà, kơ\p kờ` jơnau hơ bơh Công ty gơs mùl màl, den 130 hìu làng bol ngui dà măi mờ g^t nđờ rơhiang hìu làng bol ndai tàm xã Đăk Cấm, [òn dờng Kon Tum gam ngai pah ngai pal blơi dà ngui sa bơh rơndeh pơn diang tus tàm [òn tăc mờ khà bơh 70 tus 100 rơbô priă tàm 1 khối dà. Ală hìu gơtìp kal ke mìng geh ngui dà tàm broă sào sa, gam tàm broă ngui pìh phan, rào phan, jùt hìu den tus croh dà Đăk Cấm tàm gùl [làng sre xã bơ\ hơ\ sồng geh.

Cau mblàng Ndong Brawl