VOV4.K’ho - Bơh nam 2014 tus tu\ do,  bơh khà pria\ tam brê ơla, ala\ cau tờm bơcri neh ta\ pria\ mut tàm  Kes pria\ sền gàr mờ bơtàu tơngguh brê càr Kon Tum, ala\ mpồl geh jàu khà neh tam brê  di mờr 1.500 lồ brê pơ gồp bal geh lơh  glòm tơlir ù làc, bơnơm ờ geh chi mờ cèng wơl cồng nha  geh  pria\ ua\ ngan làng bol in.

Nam 2016,  Kong ti TNHH Một thành viên chi brê Đăk Tô geh jàu tam pa 540 l brê ơla,  mờ khà pria\ la 43 tơlak tàm dùl lồ bơh cau tờm bơcri ala\ broa\ lơh jàu pria\ bơh Kes pria\ sền gàr mờ bơtàu tơngguh brê càr Kon Tum. Jat atbồ Kong ti, nàng tam geh brê mờ brê geh sền gàr, bơtàu tơngguh niam bè tu\ do,  mo tơn bơh sơnrờp Kong ti neh geh gùng pal trơ gùm tàm làng bol geh tus bal.

Kơnờm nhap nhar mblàng pơlam, lam sồr,  làng bol tàm ala\ [òn geh ù tiah  nàng  tam brê ơla, bè Ngọc Tụ bơh kơnhòal Đăk Tô, Đăk Tờ Kan, Đăk Rơ Ông kơnhòal tu Mrong neh nhap nhar dờp broa\ lơh tam brê mờ Kong ti. Ờ mìng bè hơ\,  dờp go\ broa\ tam brê geh pria\ ndang tềng đap mat mờ geh kuơ jo\ jòng, geh ua\ hìu nha\ làng bol neh lơh is dan cih mat mờ Kong ti tam brê tàm ala\ ba\ ù mờ lài do he sơ gràm nàng lơh mìr. Bi A Nghinh, xã Đăk Rơ Ông, kơnhòal Đăk Tô đơs bè do:

Làng bol git wa\ tam brê geh kuơ la bơta kuơ he dê. Geh sền gàr brê hơ\ sồng geh tam brê den cồng nha ai kòn sau tơnơ\ do in. Bè bơta kuơ lài jơh la làng bol geh pria\ mus pès ru\ rơm mờ tờ bơtô. Dơ\ 2 la pria\ tam brê, Dilah chi dờng Kong ti chi brê Đăk Tô jàu làng bol in atbồ dờp geh pria\ sền gàr brê tai.

Mùl màl ai go\ tàm 3 nam do, broa\ tam brê ơla bơh ala\ mpồl, bè Kong ti TNHH Một thành viên chi brê Đăk Tô, Brê dà lơgar Cư\ Mom Ray, Kong ti TNHH Một thành viên chi brê Kon Braih… kung gơbàn  ua\ ngan kal ke. Trồ tiah den tơngai mìu  nisơna, anih tam brê ngài [òn làng bol ơm kis, kơh bơnơm, thòng hơ\ sồng tus anih tam drờm pal geh mut lơh mờ sa\  cau lơm.

Nàng tam geh brê jat di bơta lam lơh nàng gàr niam khà chi kis, ala\ mpồl neh pal dùl tu\ lơh niam ala\ kal ke. Ồng Lê Hữu Diễn, drơng broa\ atbồ Lâm trường Đăk Ruồng, Kong ti TNHH Một thành viên chi brê Kon Braih ai git:

Nàng lơh gơs broa\ tam brê geh jàu, bol a` neh  lơh lài  lơh gùng mut tàm tiah tam brê. Dơ\ 2 tai la tam brê ua\ ngan la lơh mờ tê, gơ lơh bè  100% lơh mờ sa\, mờ tê,  bol a` geh lơh lài  geh  lơh broa\ bal mờ  gơnoar atbồ [òn lơgar,  xã,  [òn nàng bơyai lơh ai cau lơh broa\. Phan sa, phe sa bol a` geh pơndiang lài tàm anih  he trơ gùm tàm ala\ kù sàl gơ ơm tơn tàm anih tam nàng tơl phan sa  cau tam in.

Kờp  bơh nam 2014 tus tu\ do,  càr Kon Tum  neh tam geh mờr 1.500 lồ brê ơla,  bơh cau tờm lơh ala\ broa\ lơh jào pria\ bơh kes pria\ sền gàr mờ bơtàu tơngguh brê [òn  lơgar. Bal mờ ua\ ngan broa\ lơh kràn ngan nàng sền gàr ba\ brê tu\ do gam geh, broa\ ala\ mpồl bơh càr Kon Tum mut lơh tam, sền gàr geh cồng nha ba\ ù  brê tam ơla gam pơ gồp bal lơh glòm tơlir  ù làc, bơnơm gời ờ geh chi mờ lơh brê slơ tơlir gơs.

                                      Cau cih mờ yal tơnggit K’ Brọp