VOV4.K’ho-Tàm ală ngai do ală kuang bàng, cau lơh broă măy mok lơh broă brê bơnơm bơh Kes priă Sền gàr mờ Bơtàu tơnguh brê càr Kon Tum dê gam lơh broă lòt sền, kờp sền bă brê geh broă lơh drơng broă sền gàr brê nam 2018 bơh ală cau tờm brê dê là hìu bơnhă, cau dùl nă să is mờ làng bol [òn lơgar, thôn mờ UBND ală xã, thị trấn să tờm atbồ. Do là broă lơh bòl glar mơkung gơ sồr bơta dipal uă.

  Nam do kàl prang tus gờ`, pa bồ nhai 11 mờ trồ neh tơngai duh tơ àl ngan bè ồs. Mờr 12 jiơ ngai, bi Nguyễn Thị Lệ, lơh broă tàm Phòng Kế hoạch mờ Kỹ thuật, Kes priă Sền gàr mờ Bơtàu tơnguh brê càr Kon Tum bal mờ mpồl lơh broă kuang gam jơh nùs ngan lòt jơng, hàu kơh hàu bơnơm.

Jơh gi\t nđờ jiơ, anih ơm rlô jơng bơh mpồl dê là tềng hơđăng bồ bơnơm gơtùi sền go\ jơh dùl kơnhoàl ù. Dơ\ sàu ngai khi jà gơ\p bal mìng dùl kơnâm mbar sơkul mờ khuah jù blơi bơh drim tàm Hìu bơyai tơr`a [òn Kon Lông Búc, xã Đăk Tờ Re, kơnhoàl Kon Braih.

Bi Nguyễn Thị Lệ pà gi\t, nàng lòt sền, kờp sền dipal geh bă brê den pal lòt tus anih tơn, mờ mat tờm pal sền go\ tơn. Tài bơh bè hơ\ mờ ală jơnau tàm pơndang đah bi mờ mpồl kiểm lâm xã Đăk Tờ Re U S Long bè bă brê geh ngan pơndrờm mờ sră wa\c rùp kung bè broă gơlik geh brê tu\ lơi kung duh hồl lơm, jòi swì tus gùng tus dà broă bulah broă lòt brê bòl glar kal ke ngan.

Bè hơ\ he ờ kờp 4 lồ do den gơ ơm tàm bă brê lơi heh? Do do, tềng hơđơm do do. Sră wa\c rùp do. Cih te\ bi, wa\c te\ ih. Puan phẩy nđờ do ơ bi, wa\c ih. Neh kờp bơh jo\ gơ di, neh kờp gơ dê. Hih `chi gơlơh uă ngan bè hơ\? Bă brê ồng hơ\ dê bơh hơđang mù tus gùng ờ huan mpờl ne. Do là he wa\c dùl êt gời nàng gi\t gơ dê. Do 4,99 là ồng mus brê tàm do, di ngan bè hơ\ ờ?

Jat Thông tư sồ 22 ngai 15/11/2017 bơh Bộ Nông nghiệp mờ Phát triển Nông thôn dê, Bơto pơlam bàr pe tơngume lơh jat broă lơh tă tơm priă drơng broă sền gàr brê, sơnđờm bơh nam do, ală Kes priă Sền gàr mờ Bơtàu tơnguh brê kấp càr geh kơnòl lòt sền, kờp sền bă brê geh broă lơh drơng broă sền gàr brê bơh ală cau tờm brê là hìu bơnhă, cau dùl nă să is, làng bol [òn lơgar, thôn mờ UBND ală xã, thị trấn să tờm atbồ.

Den tàng bè hơ\, tàm ală ngai do, [ươn ngan sền go\ ală kuang bàng, cau lơh broă bơh Kes priă Sền gàr mờ Bơtàu tơnguh brê càr Kon Tum dê tàm ală bă brê tàm càr. Geh jàu lòt sền, kờp sền bă brê geh broă lơh drơng broă sền gàr brê bơh thị trấn Đăk Tô, kơnhoàl Đăk Tô dê, bi Trương Thanh Hoàng, Phó Kuang atbồ Phòng Kế hoạch mờ Kỹ thuật pà gi\t.

Bol a` pơgồp bal mờ Hạt Kiểm lâm, mờ gơnoar atbồ tiah hơ\ là UBND xã mờ thị trấn lòt kờp sền bă brê bơh UBND xã, thị trấn dê. Bơh dơ\ lòt tus bàr pe xã den broă bal là ală gơnoar atbồ tàm tiah hơ\ atbồ brê là niam ngan. Mơya, bă brê bơh xã dê gơ ơm rah rài, dùl êt broă lơh lòt rê nàng kờp sền tìp uă ngan kal ke, bòl glar ai oh mi mờ gơnoar atbồ tiah hơ\ in.

Broă lòt sền, kờp sền ngan ngồn bă brê geh broă lơh drơng broă sền gàr brê bơh ală cau tờm brê dê là hìu bơnhă, cau dùl nă să is, làng bol [òn lơgar mờ thôn mờ UBND ală xã, thị trấn să tờm atbồ là bòl glar ngan.

Gơbàn jơnau do là tài bơh bă brê uă ngan là ơm ngài mờ tiah làng bol ơm kis, gùng lòt den kal ke ngan. Uă tiah rơndeh măy ờ gơtùi lòt tus, mìng geh dùl gùng lơm là lòt jơng.

Geh ală xã mìng geh pơgăp 100 lồ brê mơya gơ ơm wơl dùl êt mờ rah rài ngan tàm 5, 6 tiểu khu. Den tàng bè hơ\, ală kuang bàng, cau lơh broă lòt sền brê pal geh jơnau gi\t wa\ is mờ nùs nhơm geh kơnòl uă ngan.

Bi Nguyễn Anh Duy, cau lơh broă tàm Kes priă Sền gàr mờ Bơtàu tơnguh brê càr Kon Tum là cau geh uă ngan bơta mờng chài tàm gah lơh broă brê bơnơm, yal.

Kung mờ bơta mờng chài lơh kiểm lâm, kung lòt tàm [òn lơgar sơl, să tờm a` kung bè ală oh mi tàm mpồl sùm jơh nùs lơh ngan, kờp sền gơ in di ngan. Ală bă brê lơi dùl êt, rah rài, ală bă brê ờ tơl jơnau sồr geh broă lơh drơng broă sền gàr brê den ba` kờp bă brê hơ\.

Jat ală kuang bàng, cau lơh broă Kes priă Sền gàr mờ Bơtàu tơnguh brê càr Kon Tum yal, jơnau dong khi sơrlèt gan uă ngan kal ke, bòl glar tàm ală tu\ lòt sền, lòt kờp ngan ngồn bă brê geh broă lơh drơng broă sền gàr brê bơh ală cau tờm brê dê là hìu bơnhă, cau dùl nă să is, làng bol [òn lơgar, thôn mờ UBND ală xã, thị trấn să tờm atbồ là khi sùm dờp geh bơta pơndờm pơnđiang bơh kuang đơng lam bồ anih lơh broă dê.

Bơdìh hơ\ tai, gam geh bơta pơgồp bal, tus bal jơh nùs jơh tồr, mờ geh kơnòl bơh đah anih lơh broă geh gơnoar mờ mpồl cau tờm brê dê. Ồng Mai Thanh, Phó Kuang atbồ Hạt Kiểm lâm kơnhoàl Đăk Tô, pà gi\t.

Tơnơ\ tu\ dờp geh Broă rơndăp lơh bơh Kes priă Sền gàr mờ Bơtàu tơnguh brê càr dê, bol a` neh pơrjum mờ jàu kuang bàng mờng chài tàm broă lơh. Kiểm lâm tàm [òn lơgar geh kơnòl dan mờ UBND xã nàng ai mpồl lơh broă geh gơrềng bal bè lơh broă gah ù tiah, kuang bàng lơh broă brê bơnơm xã dê kung bè kiểm lâm [òn lơgar bal mờ kuang bàng lơh broă mờng chài bơh Hạt Kiểm lâm dê pơgồp bal mờ Kes priă.

Pơgồp bal niam ngan mờ Kes priă nàng lòt sền, kờp sền gơ in loh làng ală bă brê bơh ală cau tờm brê là UBND xã, hìu bơnhă, cau dùl nă să is nàng lơh broă lơh tă tơm priă drơng broă sền gàr brê gơ in dipal mờ jơnau ai bơh kơrnoat boh lam dê.

Cau mblàng Lơ Mu K’Yến