VOV4.K’ho - Gơrềng tus mờ broă tơm ntrờn ù tiah, tàm càr Kon Tum gơnoar atbồ tàm càr do neh pal sơbì broă lơh sră nggal tơm ntrờn ù tiah tàm bàr rơndăp broă lơh kuơ màng là gơl gùng tơrbo\ gùng Hồ Chí Minh lòt gan gùng 24 mờ gơl gùng pleh gùng Hồ Chí Minh lòt gan [òn dờng Kon Tum tài go\ gơbàn tìs tàm broă lơh sră tơm ntrờn ù tiah. Bu\ lah geh kơrian di tu\, mơya broă do gơbàn kal ke ngan lơh UBND càr Kon Tum pal jào broă do tus mờ anih lơh broă kuang àng kờ` lùp khào, lơh loh ală kuang bàng lơh tìs.

Gơl gùng tơrbo\ gùng Hồ Chí Minh lòt gan gùng 24 mờ gơl gùng pleh mờ gùng Hồ Chí Minh lòt gan [òn dờng Kon Tum là bàr rơndăp broă lơh gùng lòt kuơ màng càr Kon Tum dê tàm nam 2018.

                       Sàl kơ\p tơm ntrờn geh lơh tàm rơndăp broă gơl gùng Hồ Chí Minh tơrbo\ mờ gùng 24

Tu\ do, jơh bàr rơndăp broă lơh do ndrờm ờ hềt gơtùi mu\t lơh tài broă lơh sră nggal tơm ntrờn ù tiah gơbàn uă tìs. Geh pơnrơ ngan bè broă kuang bàng lơh sră tơm ntrờn ù tiah mờ khà priă kas ngan, geh tơngo\ bơta sơgràm kờ` geh kuơ is, pơgồp bal kờ` tam jào tăc ù, lơh gơrềng tus tàm broă ờ dờp khà priă ù mùl màl, ai tơngo\ bơta kal ke tàm broă tơm ntrờn ù tiah.

Broă gơbàn kal ke ngan tu\ tus nhai 9 lài do, UBND càr Kon Tum pal tơn jơh tơngai ai ngui khà priă ù, ơm ing broă tơm ntrờn kờ` lơh wơl. Tàm pơrjum HĐND càr Kon Tum pa geh lơh, ồng Thái Văn Ngọc, kuang atbồ Ban pháp chế ờ su\k ơm ngan tềng đăp mờ bơta tìs do:

-Di lah broă do mờ ờ lơh niam mờ di tu\. Ờ go\ ơm wơl mơ mờ pơn jăt tai tơm priă làng bol in den hoàc huơr ờ g^t bè lơi. A` ờ su\k ơm broă do là ală broă lơh sră nggal ndrờm di pal lơm, bơh broă lơh sơnrờp ngan tus mờ broă tơn jơh ndrờm di lơm, ndrờm geh broă tus bal bơh uă gah, mpồl lơh broă tàm hơ\ lơm mờ lời geh dùl bơta tìs dờng màng gơbàn geh.

Jăt gùng dà broă tơm ntrờm ù tiah mờ mpồl lơh broă geh gơnoar càr Kon Tum lơh, den kờp jơh khà priă tơm ntrờn geh tus rơlao 50% pơpn drờm mờ khà priă bơcri lơh bơh tơl rơndăp broă lơh. Uă bơta ù, phan bơna geh lơh sră nggal tơm ntrờn mờ khà priă kas ngan.

Mùl màl bè 1 lồ ù tam phan jo\ nam hờ bơdìh [òn, gùng lòt kal ke mờ tơm ntrờm tus 1 tơmàn 410 tơlăk priă, tàm tu\ broă lòt sền mùl màl mìng di pơgăp 600 tơlăk priă. 1 lồ ù tam tòm cao su nam dơ\ 3 tơm 1 tơmàn 460 tơlăk priă, uă rơlao mờ khà priă mù, màl di pơgăp 600 tơlăk priă. Geh pơnrơ ngan geh cau tơm 870 thơ\k vuông ù lơh wàng sur mờ khà priă kas rơlao mờ mùl màl mờr 700 tơlăk priă…

Ồng Phạm Đức Hạnh, kuang atbồ Sở Tài nguyên mờ Môi trường càr Kon Tum dờp, ală tìs do lơh kal ke, lơh lơyài broă lơh rơndăp broă, lơh ờ niam tus mờ nùs nhơm, jơnau đơs tàm [òn lơgar mờ lơh kal ke tàm broă pơn jăt tai ală broă lơh bơh rơndăp broă do dê. Ồng Hạnh kung pà g^t, UBND càr Kon Tum neh jào broă do tus mờ anih lơh broă kuang àng kờ` lùp khào lơh loh, geh broă lơh glài nền nòn gơwèt mờ kuang bàng lơi tìs:

-UBND càr kung neh dờp go\ tàm broă bơyai lơh geh ală kuang bàng, ală cau sơgràm tàm broă tơm ntrờn ù tiah do kờ` lơh geh kuơ să tòm is; kờ` pơgồp bal tàm broă tam jào tăc ù, lơh geh bơta kal ke bè broă lơh jăt broă tơm ntrờn ù tiah.

Geh ală kuang bàng, công chức tàm ală tiah, bơh gah lơh jăt kơnòl den neh lơh gơrềng bal ờ niam tàmbroă ờ dờp khà priă ù mùl màl. Ală broă do UBND càr neh jào anih lơh broă kuang bàng [òn dờng mờ kuang àng càr lùp khào kờ` g^t loh mờ geh ală broă lơh glài nền nòn di jăt mờ adăt boh lam.

Tơnơ\ mờ tu\ go\ kuang bàng lơh sră tơm ntrờn ù tiah mờ khà priă kas ngan; geh tơngo\ bơta sơgràm kờ` geh kuơ is, pơgồp bal kờ` tam jào tăc ù; lơh geh gơrềng bal tàm broă ờ dờp khà priă ù mùl màl, ai geh bơta kal ke tàm broă tơm ntrờn ù tiah tàm bàr rơndăp broă lơh gùng lòt kuơ màng càr dê là gơl gùng tơrbo\ bơh gùng Hồ Chí Minh lòt gan gùng 24 mờ gơl gùng pleh mờ gùng Hồ Chí Minh gơl lòt gan [òn dờng Kon Tum, UBND càr Kon Tum kung neh ai lùp khào wơl broă tơm ntrờn ù tiah gơwèt mờ 8 rơndăp broă lơh tàm tiah rềp bal mờ bàr rơndăp broă lơh do.

Cau mblàng Ndong Brawl