VOV4.K’ho-Lơh jat jơnau sồr gơhòi gơ jà bơcri priă tàm kơnhoàl Kon Plông, dùl tàm pe tiah lơh sa pràn bơh càr Kon Tum dê, gơnoar atbồ mờ gah lơh broă geh gơnoar tiah do dê neh geh uă ngan bơta niam, lơh geh tơl ală bơta [ươn, tàm hơ\ geh broă tam gơl gi\t nđờ rhiang lồ ù brê lơh sa jàu ai mpồl lơh sa kă bro in lơh rơndăp broă lơh.

Mơya bơta geh ngan pà go\, bal mờ bàr pe rơndăp broă lơh bơcri priă geh cồng nha, ngui geh bơta pràn bè trồ tiah, ù tiah den kung geh sơl ờ dùl êt rơndăp broă lơh tơnơ\ tu\ bơyai lơh dơ\ sơnđờm lơh broă dờng ngan den gơ ơm tơn tàm jơnau lời sơrbì halà lơh broă dùl bă ờ bơtàu tơnguh dùl êt lơi.

Rơndăp broă lơh geh ù tiah ơnàng mờr 200 lồ tam tờm macca bơh Công ty TNHH Đăng Vinh dê, geh UBND càr Kon Tum geh kơrnoat dờp cau bơcri priă tàm nhai 8 nam 2015. Rơndăp broă lơh geh ù tiah niam ngan ơm rềp kềng tơn gah gùng rơndeh dờng 24, gơl lòt gan xã Đăk Long, kơnhoàl Kon Plông.

Tơngai cau lơh báo geh mat tàm rơndăp broă lơh ờ sền go\ geh dùl nă cau lơi. Bơh gùng rơndeh dờng 24 sền tus, tềng ngkời jrong nhàr gah gùng rơndeh tơn là dùl nơm dòr bơnơm gơtìp cò pơnring jơh ù rơnhah rơnhơ ờ niam ngan. Lòt jrô tàm đah dơlam, tềl lời wơl bơta lơh broă bơh rơndăp broă lơh dê là 2 nơm hìu lơh mờ mpàn, rơkàng tìm mờ sơ lo ờ geh cau ơm bơh jo\, mpồng hìu ờ go\ khuă, bal mờ bàr pe bào sơmang neh kră tài gơmu\t uă dà mìu.

Tềl tơngo\ lơh broă bơh rơndăp broă lơh dê

Tềng ală dòr bơnơm, Công ty ai măy mok cò gơ gơs gùng, hơ\ sồng tam chi dùl bă gơlềng gơlàng mờ ờ geh tềl tơngo\ chi tam geh sơngka sền gàr. Tàm bàr pe dòr bơnơm ơm rềp kềng gah gùng rơndeh dờng geh 2 bơta chi neh geh tam, hơ\ là tờm macca sơntìl OC mờ tờm plai bung kơmhò tơlir kơ nồng dum phồng.

Yal bè rơndăp broă lơh do, ồng Lê Đức Tín, Phó Chủ tịch UBND kơnhoàl Kon Plông pà gi\t.

Gơ wèt mờ rơndăp broă lơh do gơ wèt càr dê atbồ. Tàm ù tiah kơnhoàl kung geh pơgồp bal mờ ală sở, gah sơnah lơh broă mờ gi\t yal sùm. Tơngai pơrgon lơh rơndăp broă lơh den lơyaì ngan. Kơnhoàl kung geh sơl sră nggal sồr pơ jal ngan mơkung geh sră yal sơl mờ càr, mờ ală sở, gah sơnah lơh broă càr in. Tu\ do, rơndăp broă lơh do kung gam geh sră nggal lơh tam gơl wơl rơndăp broă lơh. Khi tam gơl dùl bơnah nàng tam wơl tờm chi tam ndai. Mờ tờm macca đơs bơh sơnrờp den sền go\ digơlan gơ ờ geh bơta kơ\p kơnờm kis dờng pràn ờ.

Ù ờ hềt tam gơl jơnau kờ` ngui neh geh cò pơnring tơnơ\ lời sơrbì 

Nàng hòi jà mpồl lơh sa kă bro bơcri priă tàm rơndăp broă lơh mờ kờp jơh priă là 48 tơmàn, nhai 1/2017 lài do, UBND càr Kon Tum ai gơnoar ai wơl, tam gơl jơnau kờ` ngui ù rlau 200 lồ ù brê (ù brê lơh sa) tàm tiểu khu 481, xã Đăk Long, kơnhoàl Kon Plông.

Cau tờm brê là Công ty TNHH Một thành viên lâm nghiệp Kon Plông neh pal kơl jơh ală tờm nho 20 sơnam, tăc gơ jă gơ jal rlau 4 rbô khối dơm chi nàng jàu ù ai mpồl lơh sa kă bro in. Bơta lơh niam nùs tàm broă gơhòi gơ jà bơcri priă bơh gơnoar atbồ tiah do dê gam geh tơngo\ tàm broă ngui broă dong kờl mờ ai lài tàm broă bơsong sră nggal bơcri priă dùl bă [ươn [oài ngan.

Chi geh tam gơlềng gơlàng mờ ờ go\ geh sền gàr 

Công ty TNHH Đăng Vinh neh ờ roh dùl đong dùl cak priă lơi nàng geh dùl rơndăp broă lơh geh bă ù ơnàng mờr 200 lồ mờ tơngai ai ngui là 50 nam. Pah nam, Công ty do pal tơm priă apah ù mờr 86 tơlak priă, mơya gờ` ngan rlau jơh kung pal tus nam 2032 den mpồl lơh sa kă bro hơ\ sồng sơnđờm tơm priă do. Ồng Lữ Quốc Tuấn, Phó Kuang atbồ Cục Dia càr Kon Tum dê pà gi\t.

Priă dia ù do den kờp bè hơ\ lơm gời, mờ khi den là geh ai ờ tơm tai gơ dê. Tềng đap mat, tu\ do khi gam ờ gơtìp sồr pal tơm priă tàm tơngai bơ\t bơtàu bơh sơnrờp tus dì nhai 12 nam 2021. Tơngai bơcri priă bơ\t bơtàu bơh sơnrờp jơh lơh den khi geh pơn jat tai lơh sră nggal nàng ờ tă tai priă jat kơnhoàl ù tiah [òn lơgar geh broă lơh sa- mpồl bơtiàn kal ke uă ir. Êt ngan den khi kung geh ờ gơtìp sồr pal tă priă 11 nam tai.

Krơi is wơl mờ ală bơta dong kờl, kơ\p kơnờm bè dùl rơndăp broă lơh “Pơgồp bơnah pơlam gùng bơtàu tơnguh tờm macca tàm ù tiah càr Kon Tum; ai geh broă lơh tơnguh priă lơh geh ai cau lơh broă in; lơh geh priă jền ai kes priă tiah do in”…lồi nhai 5 nam 2018 pa do, ală gah lơh broă geh gơnoar càr Kon Tum dê bơh lòt sền đơs ngan: ală broă nàng lơh rơndăp broă lơh gam lơyaì; Công ty ờ hềt geh ki\ kes priă bơcri priă nàng hơ pơrgon lơh rơndăp broă lơh bơcri priă.

Broă lơh bơtơ\t dơng dà gơtìp ù bồr tơ\p te\ tàm ală tu\ Công ty cò pơnring ù

Bơta geh ngan kung pà go\, bulah ờ hềt lơh sră nggal tam gơl jơnau kờ` ngui ù nàng lơh hìu đơng lam, hìu ơm công nhân in, hìu [làng ơn phơng sih, mơya Công ty Đăng Vinh neh ai cò pơnring is pơgăp 2 lồ ù tơnơ\ hơ\ sồng lời sơrbì te\. Bal mờ hơ\ tàm ală tu\ cò pơnring, ù gơ lòt jat dà mìu gơ pơrdô lơh dùl bơtơ\t dơng dà bơh xã Đăk Long dê gơtìp ù bồr tơ\p mờr jơh tơn.

Broă lơh blac pơrlồm bơh sơnrờp neh geh Công ty TNHH Đăng Vinh lơh hơ\ là broă dan lơh tơn jo\ tơngai bơcri priă, dan tam gơl dùl bơnah rơndăp broă nàng tam chi tam ndai bal mờ uă ngan jơnau đơs, bè là: tài bơh ù tiah kơh bơnơm ir kal ke tàm broă tam phan, sơngka sền gàr; tờ bơtô mờ măy lơh tơnguh priă tă lơh uă pơndrờm mờ kờp du\ lài bơh sơnrờp; tơngai pơrgon lơh gơs broă gơtìp gơrềng tài bơh cau lơh broă tàm do lời sơrbì broă lơh…

Ală tềl tơngo\ do pà go\, rơndăp broă lơh tam mờr 200 lồ macca tu\ do neh jơh tơngai gơkờ` ngan. Ồng Nguyễn Tấn Liêm, Phó Kuang atbồ Sở Nông nghiệp mờ Phát triển Nông thôn càr Kon Tum đơs bè do.

Bơh bơta sền bơh Sở dê lơh jat jơnau sồr bơh UBND càr dê den kung là jơh nùs jơh tồr ngan dong kờl ai ală cau bơcri priă in nàng khi lơh. Kung geh kơnòl tàm broă mờ dilah jàu ù ai khi in mờ khi ờ lơh mờ khi sơrbì, khi tăc, do kung là jơnau mờ bol a` sền gròi, kơlôi rơcang ngan là gơrềng tus brê.

Gơprah gơpring jơh ù mờ brê tơnơ\ tu\ tam gơl jàu rơndăp broă lơh ai mpồl lơh sa kă bro in

Tàm ală nam do tàm kơnhoàl Kon Plông, dùl tàm pe tiah lơh sa pràn bơh càr Kon Tum dê, gơnoar atbồ tiah do neh tam gơl gi\t nđờ rhiang lồ ù brê lơh sa jàu ai mpồl lơh sa kă bro in lơh ală rơndăp broă lơh lơh broă sa sươn sre brê bơnơm

Bal mờ bàr pe rơndăp broă lơh bơcri priă geh cồng nha, den kung geh ờ dùl êt rơndăp broă lơh tơnơ\ tu\ sơnđờm bơyai lơh mu\t lơh broă là neh lời sơrbì tơn halà lơh broă ờ go\ bơtàu tơnguh dùl êt lơi.

Bơta geh ngan do gơ sồr gơnoar atbồ tiah do mờ gah lơh broă geh gơnoar càr Kon Tum pal kơrhia ngan mờ ală rơndăp broă lơh pơn jat tai, tài bơh dilah ờ den geh gơlik geh uă ngan jơnau gơlời wơl aniai ờ niam.

Cau mblàng Lơ Mu K’Yến