VOV4.K’ho - Gơnoar atbồ bal mờ ală gah, mpồl lơh broă geh gơnoar tàm kơnhoàl Ia Grai, càr Gia lai neh lơh uă broă lơh mùl màl dong kờl jơh 42 hìu geh sră dong kờl bơh dà lơgar, cau geh màng mờ dà lơgar geh tai bơta pràn klàs mờ rơ[ah tàm nam do.

Mò Rơmah Blem, kis tàm [òn Jam, thị trấn Ia Grai, kơnhoàl Ia Grai là mè cau ling chơ\t màng H’ Danh, chơ\t nam 1971 tàm rài tam lơh mờ ling lơgar Mỹ sò tơm tơnklàs dà lơgar. Hìu gal oh kòn, mơya mìng kơnờm tàm 1 bă ù ờ tơl 1 lồ, ờ geh broă lơh ndai tai, den tàng uă nam do ờ klàs mờ rơ[ah.

               Mò Rơmah Blem (cau dơ\ 4 kờp bơh đah ma) blơi 3 nơm kơnrồ bơh priă gơnoar atbồ jào pà

Pa do, UBND kơnhoàl Ia Grai neh pà 30 tơlăk priă kờ` blơi kơnrồ me deh kòn bal mờ 1 pang sră tềm pềr geh 15 tơlăk priă, hìu nhă mò Blem ngoh rơngăc mờ chờ hờp ngan. Mò Blem sồr oh kòn pal ròng kơnrồ niam, pràn, kờ` geh priă tơnguh bơtàu lơh sa hìu nhă:

-Hìu nhă a` rơ[ah. Pa do hìu nhă a` geh gơnoar atbồ pà priă blơi 3 ơm kơnrồ kờ` tơnguh bơtàu lơh sa. A` gam geh pà 1 pang sră tềm pềr priă tu\ sơnam neh kra. A` ưn ngài gơnoar atbồ neh sền gròi tus mờ a` bal mờ ală cau tàm hìu nhă. A` geh lơh ngan ròng kơnrồ niam kờ` deh kòn.

Jăt broă sền gròi bơh Phòng Lao động Thương binh mờ Xã hội kơnhoàl Ia Grai dê, tu\ do, kơnhoàl do gam geh rơlao 2 rơbô 700 hìu rơ[ah. Tàm hơ\ geh 42 hìu gơwèt hìu geh sră dong kờl bơh dà lơgar bal mờ hìu nhă cau geh màng mờ dà lơgar.

Geh uă cau geh màng mờ dà lơgar, cau pròc mhàm cau ling chơ\t màng ndrờm neh dờng sơnam, den tàng broă lơh sa ờ pràn, ờ tơl priă kờ` bơcri tàm broă tơnguh bơtàu lơh sa hìu nhă. Mờ broă lơh ngan kờ` tơn jơh rơ[ah ai jơh 42 hìu nhă geh sră dong kờl bơh dà lơgar bal mờ hìu nhă cau geh màng mờ dà lơgar tàm kơnhoàl do, UBND kơnhoàl Ia Grai neh sền wơl, tam cah is, bơh tu\ hơ\ geh kơlôi sơnơng geh broă kờ` bơsong.

Jăt mờ hơ\, ală hìu geh uă ù mơya ờ geh priă bơcri den geh dong kờl ală bơta phan tam di pal, geh bơta kuơ uă bè tòm pơnăt Thái Lan, [ơ booth, sầu riêng bal mờ phơng sih; hìu geh gal cau lơh broă den geh pà priă kờ` blơi is sur, kơnrồ ròng. Ồng Puih Uên là cau neh gơbàn jàm tàm rài tam lơh mờ ling lơgar Mỹ sò tơm, kis tàm [òn Ngai Ngó, xã Ia Hrung. Hìu nhă ồng geh ù lơh sa mơyai ờ geh priă bơcri. Pa do, geh UBND kơnhoàl Ia Grai pà rơlao 5 tơlăk priă kờ` blơi ală bơta sơntìl tòm chi sa plai, di pal mờ bơta pràn mờ bơta mùl màl hìu nhă ồng dê tai:

-A` geh 4, 5 sào ù lời gời mờ ờ hềt geh priă kờ` blơi sơntìl phan tam kờ` tam. Bơtoah ngan, a` geh gơnoar atbồ dong kờl sơntìl tòm [ơ, sầu riêng mờ pơnăt Thái kờ` tam. A` chờ hờp ngan. A` geh sền gàr suơn tam phan niam kờ` klàs mờ rơ[ah.

5 nam do, kơnhoàl Ia Grai neh lơh pa mờ lơh niam wơl mờr 280 nơm hìu ai ală hìu nhă geh sră dong kờl bơh dà lơgar, hìu cau geh màng mờ dà lơgar in.

Mìng is di tàm dơ\ tơnkah 71 nam ngai cau ling sồt să, cau ling chơ\t màng nam do, kơnhoàl do neh jào pà g^t nđờ rơhiang pò phan, g^t nđờ rơhiang nơm kơnrồ, sur ròng mờ g^t nđờ rơbô tòm sơntìl mờ kờp jơh khà rơlao 1 tơmàn 700 tơlăk priă, kờ` dong kờl ală hìu nhă geh sră dong kờl bơh dà lơgar bal mờ hìu nhă cau geh màng mờ dà lơgar geh tơl pràn kờ` klàs mờ rơ[ah.

Ồng Ngô Khôn Tuấn, Phó kuang atbồ Phòng Lao động Thương binh mờ Xã hội kơnhoàl Ia Grai pà g^t:

-Tơnơ\ mờ dơ\ do, ală gah, mpồl lơh broă, ală xã, thị trấn pơn jăt tai lam sồr ală hìu nhă geh pà kơnrồ kờ` ròng. Tàm ală [òn, ală hìu nhă geh tơl ngui tơl sa, g^t wă tàm broă lơh sa geh dong kờl, bơto sồr ală hìu rơ[ah bè ală gùng dà broă lơh sa.

Ală gah, mpồl lơh broă là cau tàm mpồl đơng lam tơmù rơ[ah kơnhoàl dê neh geh jào drơng broă tàm tơl xã, tơl hìu cau geh màng mờ dà lơgar gơtìp rơ[ah den bơ\t bơtàu rơndăp broă lơh kờ` dong kờl ală hìu rơ[ah jăt mờ tơl khà gam ờ tơl kờ` dong kờl ală hìu do klàs mờ rơ[ah kơl jăp.

Cau mblàng Ndong Brawl