VOV4.K’ho- Ngui niam bơta [ươn bè ù tiah, trồ tiah, bal mờ nùs nhơm gi\t ko\ng bòl glar kal ke, lùp bơsram, lơh jat broă lơh sa sươn sre jat gùng dà công nghệ cao, uă cau kòn cau K’ho tàm xã Dà Sar, kơnhoàl Lạc Dương, càr Lâm Đồng neh lơh ngan sơrlèt gan bơtàu tơnguh rài kis.

Bơta bơtàu tơnguh mhar tam gơl tàm broă lơh bơta kơlôi sơnơng bơh làng bol dê neh pơgồp bơnah ai Dà Sar gơ gơs là xã kòn cau dơ\ 2 lơh jơh ală broă lơh bơ\t bơtàu [òn lơgar pa bơh kơnhoàl Lạc Dương dê. Làng bol tàm tiah do gam chờ hờp wa\ rò dùl sơnam pa mờ sa tềp bềng bơta ram mhu\, lơngăp lơngai tàm bơta chờ hờp kơ\p kơnờm pa.

Tàm hìu sơmang dờng, niam ngan bal mờ tơl ngan phan ngui tàm rài kis, mò Liêng Jrang K’Sáu, ơm tàm thôn 4, xã Dà Sar, kơnhòal Lạc Dương, càr Lâm Đồng pà gi\t: 3 nam lài, hìu bơnhă mò kung gam gơ wèt là hìu bơnhă r[ah sơl.

Bơh tơngai khin cha tam gơl 3 sàu kơphê kra jo\ sơnam, cồng nha ờ geh uă nàng tam gơl tam wơl biăp sa ngui công nghệ cao den lơh sa bơtàu tơnguh loh làng ngan. Bal mờ broă tam gơl pa rài kis, hìu bơnhă mò gam prăp pềr geh dùl bơnah priă kung uă sơl nàng pơn jat tai rề ơnàng bă ù lơh sa.

Tu\ do, hìu bơnhă mò neh tơnguh jơh bă ù tam biăp sa gơguh tus mờr 1 lồ mờ rơcang tàm nam 2018 do geh pơn jat tai tam gơl dùl bơnah bă ù nàng tam bơkàu mờ tờm chi lơh sơnơm Atiso. Mò Liêng Jrang K’Sáu, pà gi\t:

Lài do, làng bol tàm xã Dà Sar do mìng tam uă ngan là tờm kơphê lơm. Nghị quyết bơh Đảng ủy xã dê neh hòi jà làng bol sang te\ ală sươn kơphê kra neh jo\ sơnam, sang jơh te\ ală tờm chi ờ gơdờp mờ ù tiah trồ tiah, mờ ai tam wơl ală tờm chi geh khà priă lơh sa uă, bè tam gơl tam ală tờm chi lơyah ngai: bè biăp, khuah, bơkàu…neh gơcèng wơl làng bol in rài kis bơtàu tơnguh rlau bè geh priă jền lơh hìu đam hàng, geh priă ròng siam oh kòn lòt bơsram tus gùng tus dà

Tu\ do, tàm tiah làng bol kòn cau tàm xã Dà Sar gam geh dùl jơnau tam gơl jơnau gi\t wa\ tàm lam lơh sa sươn sre jat gùng dà lơh gơlik phan kă bro. Bè neh geh rlau 120 hìu bơnhă làng bol tam gơl geh cồng nha bơh broă tam kơphê tus tam bơkàu, biăp ală bơta jat gùng dà ngui công nghệ cao, lơh geh priă jền lơh sa uă ngan.

Jat ồng Kră Ja` Ha Đời, ồng là cau kra [òn ơm tàm thôn 3, xã Dà Sar, den bơh broă đòm jat bơta jak chài pa tàm broă lơh sa neh lơh tơnguh uă priă lơh geh, tam gơl rài kis, làng bol gam jơh nùs ngan lơh jat ală srơh tàm pơrlòng kờ` gơboh dà lơgar, atbồ sền gàr brê, tă pơgồp priă jền phan bơna, pà ù nàng lơh ală broă lơh [òn lơgar…

Ală [òn lơgar pah ngai sơlơ niam bơne\ pas sơm rlau tai, kloh niam rlau tai. Ală adat bơhiàn bơngơl gơla ờ gam kuơ tai tàm rài kis tu\ do kung neh gơtìp lời te\ ờ gam ngui tai, nùs nhơm oh mi [òn lơgar ngai sơlơ niam rlau, mpồl tam klac dờng gùt jơi bơtiàn sơlơ ngai sơlơ lơh kơ\ kơl jăp mờ bơtàu tơnguh.

Tơngai lài, làng bol iat jat bơta hòi jà bơh Đảng mờ Dà lơgar dê neh gi\t đòm jat bơta jak chài tàm broă lơh sa, bè tàm ròng phan, tam tờm kơphê, tam ală tờm biăp…mờ pơgồp bal mờ broă sền gàr brê.

Kơnờm bơh Đảng, Dà lơgar hòi jà lam sồr tus tơl hìu bơnhă, tơl [òn lơgar den tàng jơnau gi\t wa\ bơh làng bol dê ngai sơlơ uă rlau tai. Kuơmàng là làng bol gi\t wa\ mờ lơh jat niam ngan ală srơh bơ\t bơtàu [òn lơgar pa. Làng bol kung chờ hờp ngan sơl wa\ rò sơnam pa, sa tềp bơhiàn yau bơh jơi bơtiàn Việt Nam he dê.

Jat ồng Bùi Quốc Huân, Bí thư Đảng ủy xã Dà Sar yal, bulah khà kờp làng bol bơh xã dê uă ngan mìng là cau kòn cau lơm, mơya tus tu\ do, khà hìu bơnhă r[ah mìng gam 6% lơm, priă lơh geh kờp bal dùl nă cau tàm nam pa do neh lơh geh rlau 35 tơlak.

Kơnờm tơrgùm bal pràn, dùl nùs bal ngui niam bơta pràn is, Dà Sar neh lơh ngan sơrlèt gan lơh geh jơh ală broă lơh bơ\t bơtàu [òn lơgar pa tàm lồi nam 2017. Bơta tờm ngan rlau jơh tàm tơngai tus là sền dờng màng uă tus broă lơh tam gơl tờm chi tam, dong bơtàu tơnguh lơh sa sươn sre jat gùng dà ngui công nghệ cao mờ sơlơ lơh bal blơi jơh phan lơh geh bơh sươn sre ai làng bol in.

Đảng bộ, gơnoar atbồ mờ làng bol ală kòn cau xã Dà Sar gi\t wa\ uă ngan là broă bơ\t bơtàu geh [òn lơgar pa là dùl broă kal ke, mơya nàng gàr mờ gàr kơ\ xã lơh geh jơh ală broă lơh bơ\t bơtàu [òn lơgar pa là broă sơlơ kal ke rlau tai.

Ngan den tàng bè hơ\, bol a` geh pơn jat tai tơrgùm tam gơl pràn rơndăp tăp sèng lơh sa, lơh niam broă lơh bal mờ ală công ty, mpồl lơh sa kă bro tàm broă blơi jơh phan bơna làng bol lơh broă sa in.

Mơkung sồr làng bol khin cha tam gơl bă ù lơh kơphê neh kra jo\ sơnam, ală tờm chi ờ geh cồng nha uă nàng tam gơl wơl tam ală tờm biăp, bơkàu jat gùng dà lơh broă sa sươn sre ngui công nghệ cao.

Mờ ală bơta tam gơl tàm broă lơh bơta kơlôi sơnơng bơh lànhg bol ală kòn cau dê, bơta tus bal jơh nùs ngan bơh gơnoar atbồ xã dê, pin dờn là tàm nam pa xã [òn lơgar pa Dà Sar geh pơn jat tai bơtàu tơnguh pràn rlau tai, nàng rài kis bơh làng bol dê ngai sơlơ hờm ram lơngăp lơngai chờ hờp.

Cau mblàng mờ yal tơngi\t- Lơ Mu K’Yến