VOV4.K’ho-Bi Liêng Jrang K’Sáu, cau K’ho Cil, Kuang atbồ Mpồl cau lơh broă sa xã Dà Sar, kơnhoàl Lạc Dương, càr Lâm Đồng dipal ngan là dùl nă cau lam bồ lài tàm broă lơh sa sươn sre tàm xã dê.

Mờ bơta kơlôi sơnơng bơr đơs pal gơ lòt jat bal mờ broă lơh, “he pal lơh lài mờ lơh geh cồng nha den tơnơ\ hơ\, hơ\ sồng bơto yal uă ai làng bol in”, bi neh pơgồp bơnah bal mờ mpồl cau lơh broă sa, gơnoar atbồ xã mờ làng bol lơh geh jơh 19 broă bơ\t bơtàu [òn lơgar pa tàm xã Dà Sar.

Deh mờ dờng bơh tàm dùl hìu bơnhă r[ah, bi Liêng Jrang K’Sáu mìng gơtùi bơsram tus ơdu\ 12 lơm, tơnơ\ hơ\ ơm tàm hìu dong kờl mè bèp lơh broă sươn mìr. Bulah bè hơ\, mờ nùs nhơm hàm kờ` bơsram, lơh broă jak, broă lơh sơrbac mhar, bi geh gơnoar atbồ xã mờ làng bol pin dờn jàu lơh cau lơh broă bal bơto pơlam lơh broă sa sươn sre bơh thôn dê.

Lơh niam broă lơh, lam lài lơh krơh niam tàm rài kis, bi neh chờ hờp geh tơmu\t tàm Đảng Cộng sản Việt Nam. Mờ ờ hềt tus 30 sơnam, bi Liêng Jrang K’Sáu geh pin dờn jàu at gơnoar broă Bí thư Chi bộ thôn. Bơh bàr tơngai at gơnoar broă Bí thư Chi bộ thôn, bi neh dờp lơh gơnoar broă Chủ tịch Mpồl cau lơh broă sa xã Dà Sar, kơnhoàl Lạc Dương, càr Lâm Đồng tu\ rơ\p 32 sơnam.

Broă lơh gơ lòt jat bal mờ jơnau đơs, bulah at gơnoar broă lơi, bi kung sùm lơh gơs mờ sơrlèt broă geh jàu. Ờ bài kờ` kong mờ rài kis kal ke, bi Liêng Jrang K’Sáu sùm kơlôi sơnơng jòi gùng dà lơh sa ai làng bol he dê in nàng bơtàu tơnguh rài kis.

A` sền go\ làng bol kung bè mè bèp a` dê lài do mìng tam tơngời lơm, cồng nha lơh geh ờ tơl ngui sa tàm rài kis. Tơnơ\ hơ\ jat jơnau sồr bơh Đảng mờ Dà lơgar dê, bol a` tam gơl tam kơphê. Lài do, tu\ kơphê tăc yòm den làng bol geh priă jền nàng lơh hìu niam đam hàng.

Mơya, bàr pe nam rềp ndo, tờm kơphê tăc ờ yòm bè lài tai, priă lơh geh ờ tơl nàng ngui sa tàm rài kis. A` sền go\ làng bol cau Yoan bơh tàm Dà Làc ne tus tàm do lơh sa khi tam ală biăp, bơkàu lơh geh cồng nha ngan.

 A` kơlôi sơnơng is tàm nùs “`chi gơlơh oh mi cau yoan dê lơh geh mờ làng bol kòn cau he lơh gơtùi taih?”. Bơh nam 2015, hìu bơnhă a` lơh lài bơh broă tam gơl dùl bơnah ù tam kơphê ờ lơh geh cồng nha nàng ai tam biăp, bơkàu…

Kơphê kung gam là tờm chi tam tờm ngan bơh xã dê. Bol a` hòi jà làng bol tam gơl bă ù tam kơphê neh kra ờ geh tơnhàu uă, halà bă ù tam tơngời ờ lơh geh cồng nha nàng tam biăp, bơkàu ală bơta…

Tus tu\ do, dilah mìng kờp is làng bol kòn cau den neh geh rlau 120 hìu tus bal tam bơkàu, biăp, mơya rơ\p mìng tam đah bơdìh lơm, mờ ờ hềt geh priă jền nàng lơh hìu jàl, hìu krơh bè cau yoan dê…

Ùr bơklau bi K'Sáu gam jì nhơ\t tàm sươn biăp hìu bơnhă bi dê

Broă tam biăp, tam bơkàu bơh làng bol kòn cau dê bulah ờ hềt lơh geh cồng nha ngan bè oh mi cau Yoan dê tam tàm hìu jàl, hìu krơh, mơya neh geh ală cồng nha lơh geh bơh sơnrờp, gơ cèng wơl lơh sa kơ\ kơl jăp ai làng bol in. Mìng is hìu bơnhă bi sùm jòi sơnơng đòm jat bơta chài tam phan den tàng lơh sa geh cồng nha uă, bi geh dờp uă sră jờng rơ là cau lơh broă sa lơh sa jak kấp càr.

Bơh ală broă lơh ngan ngồn bơh hìu bơnhă dê, bi Liêng Jrang K’Sáu mờ ală oh mi tàm mpồl cau lơh broă sa xã neh jơh nùs hòi jà làng bol tam gơl bồ tơngoh kơlôi sơnơng, tam gơl broă lơh.

Mờ bulah broă lơi làng bol kờ` tus he, bi ndrờm jơh nùs ngan dong kờl. Bè, bi neh jòi uă priă jền nàng dong làng bol geh priă bơcri tàm broă lơh sa, pleh càn priă đah bơdìh gơtìp cau sa priă cồng uă. Bơdìh hơ\ tai, bi gam dong làng bol geh càn uă phan ngui drơng tàm broă lơh sa mờ khà priă di pal. Bi Kon Sơ Ha Đoang, ơm tàm thôn 6, xã Dà Sar, pà gi\t.

Lo\ neh geh uă tă pơgồp dong làng bol tàm mpồl cau lơh broă sa geh càn priă ờ sa priă cồng uă, pơnyơu bè priă dong kờl bơh mpồl cau lơh broă sa dê. Să tờm lo\ kung là dùl nă cau lơh sa jak, lo\ sùm lơh niam tàm jơh ală broă, lo\ dong oh mi tàm mpồl cau lơh broă sa nàng bơtàu tơnguh bal broă lơh sa…

Bi K'Sáu (cau soh àu bò) bal mờ oh mi tàm mpồl cau lơh broă sa lòt còp sươn bơkàu atiso bơh cau tàm mpồl dê

Mờ ală lơh ngan bơh làng bol bal mờ gơnoar atbồ xã dê, xã Dà Sar neh geh dờp lơh jơh 19 broă bè bơ\t bơtàu [òn lơgar pa. Ồng Liêng Jrang Ha Kim, Kuang atbồ Ủy ban Nhân dân xã Dà Sar, kơnhoàl Lạc Dương, càr Lâm Đồng pà gi\t, tàm cồng nha lơh geh do geh gơnoar broă lam lài bơh bi Liêng Jrang K’Sáu dê, kuơmàng là broă sồ 13 bè lam lơh sa tàm bơ\t bơtàu [òn lơgar pa.

 Lài mờ tu\ geh pồ lơh Kuang atbồ Mpồl cau ùr xã den lo\ K’Sáu neh geh đoàn ơruh pơnu sac rwah nàng Dà lơgar in jờng rơ. Tu\ dờp lơh gơnoar broă Kuang atbồ Mpồl cau lơh broă sa xã den lo\ jơh nùs jơh tồr ngan hòi jà làng bol lơh broă sa, kung bè bơto pơlam làng bol in bơta jak chài pa nàng đòm jat tàm broă lơh sa.

Lo\ là dùl nă cau sùm lơh niam ngan kơnòl broă geh jàu. Tàm ală tu\ bal mờ gơnoar atbồ xã lơh geh ală broă bè [òn lơgar pa, lo\ K’Sáu neh jơh nùs ngan bal mờ xã lơh geh broă sồ 13 bè lam lơh sa.

Pơn jat tai lòt bal mờ cau lơh broă sa tàm lơh sa sươn sre, bơtàu tơnguh rài kis, bi Liêng Jrang K’Sáu pà gi\t, geh jòi tai uă gùng dà pa nàng tam gơl bơta kơlôi sơnơng, broă lơh bơh làng bol dê, bơtàu tơnguh lơh sa kơ\ kơl jăp.

Bơdìh mờ broă dong kờl làng bol càn priă bơh ngân hàng chính sách xã hội dê, kes priă mpồl cau lơh broă sa dê, den Mpồl cau lơh broă sa xã kung neh dan mờ ală kấp hơđang, kung bè ki\ sră pơrgon mờ công ty Bình Điền dong làng bol càn phơng sih tơm priă dàr dàr…

Mìng is tàm nam pa do, bol a` kung neh ai làng bol in càn 194 tấn phơng NPK mờ phơng lân kờp mờ priă là rlau 1 tơmàn 400 tơlak nàng ơn kơphê in kung bè ơn biăp, bơkàu in…Mờ ală nam pơn jat tai bol a` kung geh pơn jat tai dong kờl làng bol, lòt bal mờ làng bol nàng lơh sa ngai sơlơ bơtàu tơnguh rlau.

Bi Liêng Jrang K’Sáu ngan ngồn là dùl nă cau jak tàm broă lơh sa geh làng bol xã Dà Sar pin dờn, kờ` gơboh ngan. Cau ùr kòn cau K’ho khin kơlôi khin lơh, bơh ală broă lơh ngan ngồn, dong kờl làng bol [òn lơgar ngai sơlơ bơtàu tơnguh jak chài rlau.

Cau mblàng Lơ Mu K’Yến