VOV4.K’ho- Bơ\t bơtàu [òn lơgar pa, tàm xã Phú Hội, kơnhoàl Đức Trọng, càr Lâm Đồng, rài kis làng bol neh bơtàu tơnguh sơrbac mhar ngan. Ală gùng lòt geh lơh mờ bê tông làm gùt ală thôn, [òn. Uă hìu bơnhă neh lơh geh niam đam hàng, geh priă jền ròng oh kòn lòt bơsram tus gùng tus dà…

Ală cồng nha do lơh geh là kơnờm bơh bơta tam gơl bồ tơngoh kơlôi sơnơng, dùl nùs dùl tồr bal đah làng bol mờ gơnoar atbồ tiah do.

            Lòt còp xã Phú Hội tàm ală ngai bồ sơnam pa, bol a` gơlơh nrơ\t ndơl ngan tềng đap bơta tam gơl bơh tiah làng bol kòn cau dê. Ală broă bơ\t bơtàu kuơmàng, bè gùng lòt, hìu bơsram, hìu sơnơm ndrờm geh bơcri priă lơh pa mờ lơh niam wơl. Uă hìu sơmang pa lơh niam bơne\ ngan, tàm bơrlu\ bal tàm ală sươn hìu jàl tam biăp, tam bơkàu…

Bi Ha Nan Thamy, Kuang atbồ Mpồl cau lơh broă sa xã Phú Hội, kơnhoàl Đức Trọng, càr Lâm Đồng pà gi\t, bơta tam gơl do là kơnờm bơh làng bol neh tơrgùm sơngka sền gàr phan tam lơh sa tàm bă ù gam geh.

Đơs bè bơta lơh sa den xã Phú Hội neh geh bơta bơtàu tơnguh loh làng ngan. Lài do, tiah làng bol kòn cau lơh sa ờ kơ\ kơl jăp, bồ tơngoh gi\t wa\ ờ jak chài bè oh mi cau yoan dê.

Mơya, tu\ do, làng bol tàm do neh gi\t lùp bơsram đòm jat broă lơh sa cèng wơl cồng nha uă bơh oh mi cau Yoan dê. Làng bol tu\ do kung neh bơtàu tơnguh ndrờm bal sơl bè oh mi cau yoan kung bè jơh ală bơta bơh rài kis dê.

            Bi K’ Nễu là dùl nă cau pơnrơ bè cau kòn cau klàs bơh rài kis r[ah tàm xã Phú Hội. Kòn đời mè bèp bơh gam dềt, bi neh pal lòt lơh broă apah làm bă tiah. Rơhời bi tềm pềr geh priă jền blơi geh dùl bă ù dềt nàng tam kơphê mờ lơh kòi dùl kàl. Hơ\ sồng bi khin cha tam gơl jơh ală bă ù nàng tam la ghim, lơh geh priă jền ngai sơlơ uă.

Lài do, r[ah lơ ời ngan, mìng lơh kòi, lơh tơngời lơm ờ go\ geh sa, lơh ờ tơl nàng ngui sa, tu\ do den tam gơl jơh tam la ghim lơm cèng wơl cồng nha gơguh tus bơh 4 tus 5 dơ\. Sền go\ rài kis tu\ do neh bơtàu tơnguh rlau mờ lài uă ngan.

            Là xã geh rlau 46% khà kờp làng bol là cau kòn cau (mìng là cau K’ho mờ cau Chru), nàng bơtàu tơnguh rài kis làng bol in, tàm ală nam do, gơnoar atbồ xã Phú Hội sùm jòi ală broă lơh sa dipal nàng đòm jat tàm bơta geh ngan. Gah lơh broă sa sươn sre mờ ală mpồl cau neh pờ uă ngan ơdu\ bơto pơlam làng bol in bơta chài tam phan, ròng phan.

Kuơmàng, broă lơh lơh broă sa sươn sre công nghệ cao geh sền gròi mu\t lơh, bal mờ ală broă lơh ai cồng nha lơh sa uă. Tus tu\ do, jơh gùt  xã geh bă ù lơh sa sươn sre ngui công nghệ cao là 2.570 lồ, bè tam biăp, tam bơkàu tàm hìu krơh, hìu jàl, [ồm is dà…Priă lơh geh kờp bal dùl nă cau tàm nam 2018 pa do geh 58 tơlak. Priă geh bơh lơh sa sươn sre kờp bal geh 185 tơlak dùl lồ. Uă bă ù lơh kòi dùl kàl ờ lơh geh cồng nha geh tam gơl nàng tam phan tam geh priă jền lơh sa uă.

Ồng Ha Bang, Bí thư Chi bộ thôn R’Chai 1, xã Phú Hội chờ hờp ngan tềng đap bơta tam gơl rài kis hờm ram bơh làng bol kòn cau tàm do dê.

Bè bơta lơh sa pơndrờm mờ uă nam den nam 2018 pa do là geh bơta bơtàu tơnguh uă ngan, oh kòn geh lòt bơsram tus gùng tus dà, geh uă hìu bơnhă geh priă jền nàng lơh hìu pa niam bơne\ mờ dờng ngan, bơta kloh niam geh lơh sàng goh bơh tàm hìu tus dì gùng, lơngăp lơngai chính trị tàm tiah do sùm geh gàr kơ\. Đơs bal là bơtàu tơnguh bè jơh ală bơta.

Mò Kră Jan K’Suynh, Phó Chủ tịch Ủy ban Nhân dân xã Phú Hội pà gi\t, geh bơta tam gơl sơrbac mhar bơh xã dê là kơnờm làng bol sùm lùp bơsram iat kơno ală jơnau bơto pơlam bơta gi\t wa\ drơng tàm gah broă lơh sa sươn sre, tam gơl is bồ tơngoh kơlôi sơnơng tàm lơh broă lơh sa.

Nam 2015, xã Phú Hội neh lơh jơh tơl 19 broă bơ\t bơtàu [òn lơgar pa. Làng bol kòn cau tàm do geh tus rlau 46%, mìng là cau K’ho mờ cau Chru. Tu\ do, làng bol neh tam gơl bơta gi\t wa\ tàm bơtàu tơnguh lơh sa, bè sùm iat kơno jơnau yal tơngi\t bơto pơlam broă lơh sa geh cồng nha, lòt còp sền ală broă lơh sa gơcèng wơl cồng nha uă. Làng bol tàm do mìng là tam kơphê mờ la ghim lơm.

Tơngai mờr tus den xã kung geh pơn jat tai pơlam gùng ai làng bol in rề ơnàng bă ù tam phan cèng wơl cồng nha lơh sa uă, nàng di tu\ jat thàn bơta bơtàu tơnguh bal bơh dà lơgar dê.

Nàng pơn jat tai gàr kơ\ 19 broă bơ\t bơtàu [òn lơgar pa mờ wèt tus gơ gơs là xã [òn lơgar pa lam lài bơh càr Lâm Đồng dê tơngai bơh nam 2018- 2020, Đảng ủy, Gơnoar atbồ xã Phú Hội sền pơn jat tai dong kờl, lòt bal mờ làng bol lơh geh bơta bơtàu tơnguh sơrbac mhar.

Ală kấp, ală gah, mờ mpồl cau tàm xã lơh jat niam broă lơh mblàng yal, hòi jà, tơrgùm hòi jà ală bơta pràn, lơh geh bơta pràn tơrgùm bal tàm bơ\t bơtàu [òn lơgar pa. Tàm hơ\, kuơmàng pal sền dờng màng lơh jat niam jơnau đơs “Làng bol lơh broă, Dà lơgar dong kờl” nàng [òn lơgar ngai sơlơ tam gơl pa!

Cau mblàng Lơ Mu K’Yến