VOV4.K’ho- Kờp tus ngai 07/9,  càr Lâm Đồng geh 259 nă cau bơtờp kòp Covid-19. Tàm hơ̆ geh 187 nă cau kòp neh geh sơm bời mờ ai rê bơh hìu sơnơm. Lạc Dương là kơnhoàl mìng dùl lơm bơh càr Lâm Đồng dê ờ hềt geh cau bơtờp kòp Covid-19 lơi. Pal sền gròi ngan là, tàm khà cau bơtờp kòp Covid-19 tàm càr dê, geh rlau 70% khà cau kòp neh geh sơm bời mờ ai rê bơh hìu sơnơm. 72 nă cau kòp gam wơl gam geh kham să jan mờ sơm kòp tàm ală hìu sơnơm tàm càr dê.

Broă lơh gròi sền dịch tễ, yal mờ gah lơh sơnơm mpồl bơtiàn gam geh ală tiah làng bol ơm kis tàm càr Lâm Đồng lơh ngan lơh jat

Mơya bơta kòp tàm càr Lâm Đồng sền bal là neh geh gròi sền mơya kung gam gơlik geh kal ke sơl, Thường trực Tỉnh ủy Lâm Đồng geh jơnau yal sồr UBND càr, Mpồl đơng lam mờ Anih tờm đơng lam rcang sơndră kòp Covid-19 càr dê pơn jat tai tơrgùm đơng lam ală tiah, gah lơh broă, mpồl lơh broă bañ sền ờ sơ̆p mờ ờ rcang sền ngăc, ngan là sơlơ tơnguh broă atbồ mpồl cau măy rơndeh, cau drơng broă tàm rơndeh pơn diang phan bơna jat jơnau sồr.

Cau mblàng K’Hạnh