VOV4.K’ho - La dùl xã pa crơng gơs, di la xã ua\ ngan kal ke, geh  gal ngan làng bol kòn cau ơm kis, mơya kơnờm geh chồl guh bơta pràn bơh mpồl tam klac jờng jơi bơtìan kòn cau,  lơh pràn ala\ srơh broa\ lơh tơngguh lơh sa, sang sơbì jơgloh tơmù rbah, lơh sa-mpồl bơtìan bơh xã Dà Quyn, kơnhoàl Đức Trọng, càr  Lâm Đồng neh sùm bơtàu tơngguh pa, brồ guh pah ngai. Lồi nam 2018,  pa do, Dà Quyn ngan ngồn geh dờp la xã tơl khà [òn lơgar pa. den tàng, sa tềp nam do,  làng bol ala\ kòncau tàm tiah do neh wa\ dùl sơnam pa sa tềp hờm ram mờ  tơl wil tàm bơta chờ hờp pa.

            Nam do la nam sa tềp sơnrờp mờ hìu nha\ ồng Y Păm Ayun kis tàm thôn Chơ Rung, xã Dà Quyn, kơnhoàl Đức Trọng, Lâm Đồng bơyai lơh sa tềp chờ hờp sơnam pa tơl sir,  hờm ram mờ chờ hờp rlau jơh.  Chờ hờp ngan tu\ mờ kàl tam biap pa do geh tac tàm drà ka\ bro sa tềp hìu nha\ geh tơnhàu ua\, ờ kờp  ala\ pria\ ngui tàm lơh sa den hìu nha\ gam  geh cồng rlau 100 tơlak pria\. Cồng nha do geh tus bơh broa\ ồng Ya Pam khin cha tam gơl 3 sào ù tam kơphe neh kra gơs tam biap, bùm ala\ bơta tàm hìu krơh, hìu jàl jat broa\ sa công nghệ cao mờ khà pria\ geh bơh  ròng kơnrồ. Lơh sa phan bơna bơtàu tơngguh jơnhua den tàng tàng sa tềp do neh geh hìu nha\ bơyai lơh nền nòn mờ chờ hờp rlau:

             Rài kis hìu nha\ lài do den kal ke ngan,  bơh broa\ lơh  [òn lơgar pa den ala\ broa\ lơh bơh xã neh tus geh mờ làng bol, kung bơh hơ\ hìu nha\ neh khin cha tam gơl gơs tam biap, lơh sa geh cồng nha, rài kis tu\ do neh bơtàu tơngguh rlau ua\ ngan. Go\ cồng nha den he gen lam sồr làng bol tàm [òn lơh jat. Kơnờm geh tam gơl broa\ lơh sa bơrngơl  rài yau,  mut lơh sa jat bơta pa mờ rài kis lơh sa neh tam gơl, bơtàu tơngguh jơnhua rlau.

            Jat lo\ Ka Să K’ Uy kis tàm thôn Chơ Ré, xã Dà Quyn, rài kis  bơh làng bol tàm tiah do neh sơnđờm bơtàu tơngguh go\ loh ngan bơh nam 2011, tu\ mờ srơh broa\ lơh bal bơt bơtàu [òn lơgar pa ngan ngồn geh lơh. Kơnờm bơh tam gơl tàm sơnơng, broa\ lơh jat bơtàu tơngguh pa  làng bol neh nhap nhar tam gơl rơndap lơh sa chi tam,  bơsram broa\ lơh  sa, geh lơh lài tơngguh lơh sa mờ brồ guh tàm rài kis lik klàs rbah. Mìng is hìu nha\ Ka Să K’ Uy la hìu di la hìu nha\ geh trờn  hìu ơm jat broa\ lơh ơm kis pa lơh broa\ sa,  mơya tu\ do rài kis  neh tơl niam mờ brồ guh bal  mờ làng bol [òn lơgar:

             Tu\ pa tus tàm do den rài kis lơh sa gơbàn ua\ gan kal ke, kơnờm geh Đảng mờ Dà lơgar dong kờl pria\, sơntìl, bơcri lơh sa mờ ròng phan den rài kis lơh sa hìu nha\ tu\ do neh rhời tơl mờ sùm brồ guh, Ngan la bơh tu\ geh srơh broa\ lơh bơt bơtàu [òn lơgar pa, làng bol neh lơh jat tus bal ta\ pria\ kung bè ngai lơh broa\ nàng bơt bơtàu [òn lơgar pa. Nền nòn la   broa\ lơh gùng lòt [òn lơgar pa geh  lơh mờ bê tông, ala\ phan bơna ndai bè ồs đèng, gùng lòt, hìu bơsram, hìu sơnơm geh lơh niam pơ gồp bal ai  lơh sa mpồl bơtìan  geh brồ guh.

             Dà Quyn la xã tiah sar lơgar ngài bơh kơnhoàl Đức Trọng geh crơng gơs nam 2009. Gùt  xã geh rlau 1 rbô hìu nha\ mờ mờr 4.300 na\ cau, tàm hơ\ làng bol kòn cau geh tus 83%. Bơh dùl xã geh bơta bơtàu tơngguh lơyah, lơh sa mpồl bơtìan kal ke, mơya tus lồi nam 2018, Dà Quyn neh  geh dờp la xã  tơl khà [òn lơgar pa mờ la xã lồi dut bơh kơnhoàl Đức Trọng lơh gơs  broa\ lơh [òn lơgar pa. Dilah nam 2009 geh kờp bal tơl na\ cau bơh Dà Quyn mìng tus 7 tơlak pria\ dùl na\ dùl nam  den tus tu\ do neh gơguh tus 35 tơlak 8 rhiang rbô pria\, gùng lòt tàm [òn neh geh lơh mờ bê tông jơh, gùng lòt tàm blàng sre kung neh lơh kơljap 70%, hìu rbah bơh 48% tàm nam 2011, den tu\ do mìng gam 6%.

            Ồng Ya Thương, Chủ tịch UBND xã Đa Quyn đơs la,  nàng lơh geh xã  [òn lơgar pa la dùl broa\ lơh lơh ngan tơl làm bơh xã dê, tàm hơ\ geh broa\ lơh mblàng pơlam, lam sồr nàng làng bol wa\ mờ attê bal mut lơh geh sền kuơ bơh sơnrờp:

            Bơyai lơh mblàng pơlam, lam sồr làng bol nàng làng bol git wa\ bè [òn lơgar pa la mbè lơi. Bơh hơ\  làng bol git wa\ geh, làng bol hơ\ sồng kờ` bal mờ mut lơh niam. Sa\ tờm geh ta\ pơ gồp,  ta\ pơ gồp pria\ jền hơ\ sồng lơh is gùng, ồs đèng pờ àng gùng [òn, crap is bong đèng pờ àng jat gah gùng. Nàng la làng bol ờ ơm kơp tàm dà lơgar pah tu\ gùng gơbàn ờ diơng, làng bol  geh lơh is lơh niam wơl, ta\ is pria jền mờ lơh is jơh. Pal đơs la a` chờ ngan tài làng bol neh  geh git wa\.

             Jat ồng Hồ Đặng Thành, Bí thư Đảng uỷ xã Dà Quyn, tài bơh xã pal lơh gơs broa\ lơh bơt bơtàu [òn lơgar pa, den tàng gam ua\ ngan bơta kal ke  hờ lài. Nàng chồl guh ala\ cồng nha neh lơh geh, chul chồl lơh sa mpồl bơtìan bơh Dà Quyn pơnjat tai bơtàu tơngguh di gùng mờ kơljap, Đảng bộ, gơnoar atbồ mờ làng bol Dà Quyn kờ` pal lơh ngan tai mờ attê bal mut lơh dơle\ bal  ua\ broa\ lơh:

             Dà Quyn la xã gal ngan làng bol kòn cau den tàng  bol a` sền gròi ngan pơnjat tai bơtàu tơngguh git wa\ bơh làng bol bè bơt bơtàu [òn lơgar pa nàng trơgùm bơta pràn. Pơnjat tai geh bơtàu tơngguh tai ròt phan bơna tàm [òn lơgar pa nàng chul chồl bơtàu tơngguh lơh sa. Ngan la, bol a` geh ua\ bơta pràn, bơta kuơ hơ\ la ù tiah gam ơnàng, di pal ngan tàm broa\ tam bơkào biap, den tàng  bol a` geh lơh ngan tơngguh ba\ ù lơh sa. Bal mờ hơ\,  pờ ơnàng broa\ lơh bal lơh sa mờ ala\ mpồl lơh sa ka\ bro nàng ka\ bro ala\ phan bơna lơh geh dùl ba\ kơljap ngan.

             Mờ ala\  cồng nha neh lơh geh,  bal mờ dùl nus bal tàm  srơh bơt bơtàu [òn lơgar pa, pin la tàm rài kis bơh làng bol tàm Dà Quyn geh pơnjat tai geh tam gơl pa pràn ngan rlau kờp bơh sơnam pa do, pơ gồp bal  geh cồng nha bal bơh kơnhoàl [òn lơgar pa Đức Trọng, càr Lâm Đồng.

          Cau mblàng K’ Brọp