VOV4.K’ho- Bal mờ broă rò làng bol bơh tiah geh kòp ală càr tiah đah jum dà lơgar rê wơl mờ khà cau uă ngan, den tŭ do khà cau bơtờp kòp Covid-19 tàm anih tam cah is tàm càr Gia Lai kung gam sùm gơguh uă, lơh làng bol Gia Lai kơp kờñ geh cit sơnơm vaccine rơcang sơndră kòp Covid-19 gờñ. Càr Gia Lai kung neh lam lơh cit sơnơm vaccine dơ̆ 5 ai làng bol in mờ gam pơn jat tai tơnguh mhar broă cit sơnơm vaccine, hời rơ hời gàr bơta ờ bơtờp kòp tàm mpồl bơtiàn. Broă rơndap lơh neh geh bơt bơtàu tus nam 2022, gàr jat tơngai hơ pơrgon bơh dà lơgar dê nàng lơh gơlik bơta ờ bơtờp kòp mpồl bơtiàn tàm càr Gia Lai. Gơ wèt mờ làng bol tàm tiah sar lơgar ngài den kung geh cih mat mờ cit tàm ƀòn lơgar tơn, gàr lam lơh di broă rơndap lơh. Càr gam lơh ngan tus lồi nam 2021 khà cau cit sơnơm vaccine geh 70% khà kờp làng bol gùt càr. Dơ̆ cit sơnơm vaccine dut ndơl geh lơh tàm quý 1 nam 2022.

Cau mblàng K’Duẩn