VOV4.K’ho - Rơlao 30 hìu làng bol kis tàm [òn Pai Ar, xã Dak Phơi, kơnhoàl Lăk, càr Dak Lak uă nam do kơ\p kờ` kơnhoàl, càr bơcri priă lơh wơl gùng che ồs đèng kờ` drơng tàm rài kis mờ lơh sa làng bol in. Tài gùng che ồs đèng neh ờ pràn tai, lơh rài kis làng bol tàm do tìp uă ngan kal ke.

Tu\ tus kàl prang là làng bol kis tàm [òn Pai Ar ờ su\k ơm tu\ phan puh càl mờ ồs đèng ờ gơtùi pơrlăc, glah tru\ piang mờ ồs đèng ờ sin, măy [ồm dà ờ tus dà, ti vi ờ gơtùi sền tài ồs đèng ờ tơl pràn.

                             Gùng che ồs đèng tus tàm [òn Pai Ar neh ờ niam ngan

Pah mang, ală hìu mìng lời 1 [ong đèng kờ` kòn in bơsram sră. Lo\ H’ Loan Liêng geh rơndăp broă pờ hìu măy kòi kờ` drơng làng bol tàm [òn in den sơlơ ờ gơtùi lơh:

-Mơya làng bol kis tàm [òn do kờ` ngui ồs đèng tuh dà kơphe, mờ di lah lơh hìu măy kòi den ờ gơtùi ngan, tài ồs ờ pràn. Di lah ai ồs đèng bơh đah ne den làng bol kis tàm [òn do ờ geh priă lơh, ờ tơl den tàng kal ke ngan bè ồs đèng.

Mờ lo\ H’ Hoen den đơs:

-Kơ\p kờ` bơh làng bol dê là geh tơrbo\ gùng che ồs đèng 3 pha. Tài tàm do kàl tuh dà kơphe, làng bol tru\ piang ờ sin piang, ồs đèng ngui àng kung ờ gơtùi sơl. Làng bol kơ\p kờ` geh dà lơgar dong kờl lơh gùng che ồs đèng 3 pha kờ` rài kis làng bol geh niam rơlao, drơng broă lơh sa niam rơlao.

Tu\ do, [òn Pai Ar geh rơlao 30 hìu ơm kis, lơh sa hờ đah ne croh dà Dak Liêng. Tài gùng che ồs đèng 1 pha neh lơh bơh jo\ nam lài, mờ bơta ngài rơlao 1 kơi sồ den tàng ồs đèng ờ pràn ngan. Uă làng bol ờ gơtùi [ồm dà bơh tàm tơlung kờ` ngui sa mờ pal lòt à` dà bơh croh.

                             Gùng che ồs đèng ờ tơl đèng kờ` ngui mờ lơh broă sa

Ồng Nguyễn Văn Đô, Bí thư chi bộ [òn Pai Ar pà g^t, tu\ do công ty điện lực neh tam jrong kờ` du^ che ồs đèng, mơya làng bol tìp ờ uă kal ke den tàng neh lời ing wơl:

-Tàm bồ nam, đah điện lực neh lơh gùng che ồs đèng 3 pha. Mơya geh 2 hìu hờ bơdìh thị trấn ờ ai cau du^ gùng che ồs đèng lòt gan tàm suơn. Den tàng tu\ do đah lơh ồs đèng neh ơm wơl. Dan mờ gơnoar atbồ bal mờ UBND kơnhoàl tus bal sền broă lơh mờ 2 hìu do, kờ` đah lơh ồs đèng geh du^ gùng che ồs đèng gan tàm suơn den hơ\ sồng làng bol geh ồs đèng ngui niam.

Tu\ do Tây Nguyên gam mu\t tàm kàl prang, làng bol kờ` ngan geh ồs đèng ngui tàm broă [ồm dà tuh phan tam mờ lơh broă sa. Làng bol tàm [òn Pai Ar, xã Dak Liêng, kơnhoàl Lăk, càr Dak Lak kơ\p kờ` gơnoar atbồ ală cấp bal mờ Công ty Điện lực Dak Lak gờ` sền wơl mờ bơsong kal ke, di tu\ lơh ồs đèng làng bol in.

Cau mblàng Ndong Brawl