VOV4.K’ho - Poh lài, tàm Hà Nội geh bơyai lơh pơrjum gùt lơgar bè broă sơndră, tam dră mờ sa kuề sa koà. Sền wơl 2 nam do, gơtùi đơs: ờ geh tiah kơrian, ờ geh bơta bơdìh bơlìng tàm broă sơndră, tam dră mờ sa kuề sa koà, cồng nha geh là tơl ală bơta, niam, lời wơl uă bơta tơngo\ niam, geh làng bol ring nùs, đơs niam.

Mờ broă “Tam dră mờ ling iơh tàm dơlam dà lơgar sò tơm” pal pơn jăt tai geh lơh pràn rơlao tus mờ ală cấp. Làng bol Tây Nguyên tơl^k nùs nhơm pin dờn mờ kơ\p kờ` tàm broă sơndră, tam dră mờ sa kuề sa koà geh pơn jăt tai geh cồng nha uă rơlao, pơgồp bal tàm broă bơ\t bơtàu dà lơgar sơlơ ngai sơlơ pràn kơl dang.

Tơnơ\ mờ rơlao 2 nam nggùl bơh pơrjum dờng Đảng dơ\ 12, gùt lơgar geh mờr 1 rơbô 300 nă cau geh Đảng gơbàn lơh glài tài sa kuề sa koà mờ lơh ờ di mờ adăt boh lam. 52 dơ\ yă, 33 broă sa kuề sa koà, lơh sa gơbàn aniai uă, kal ke gơwèt mpồl đơng lam Dà lơgar bè sơndră, tam dră mờ sa kuề sa koà sền gròi, lam sồr neh geh bơsong. Tàm hơ\, neh cah rơ`a 21 broă, tơl^k jơnau lơh glài tus chơ\t 3 nă cau, 9 nă cau jàm tus jơh rài.

Geh pơnrơ ngan bè broă lơh gơbàn hoàc huơr 800 tơmàn priă bơh Tập đoàn Dầu khí Việt Nam, poh lài, Mpồl duh broă cah rơ`a tàm anih cah rơ`a làng bol dờng rơlao jơh tàm [òn dờng Hà Nội neh ai cau gơbàn yă Đinh La Thăng mờ 6 nă kuang bàng đơng lam dờng màng ndai neh tìs lơh ờ di mờ kơrnoăt bơh dà lơgar bè broă atbồ lơh sa, lơh hoàc huơr uă ngan.

Mpồl duh broă cah rơ`a neh tơl^k jơnau yă: Đinh La Thăng 30 nam jàm, tơm bơtơl wơl hoàc huơr 600 tơmàn priă; Ninh Văn Quỳnh 23 nam jàm, tơm bơtơl wơl 100 tơmàn priă; Vũ Khánh Trường 5 nam jàm, tơm bơtơl wơl 40 tơmàn priă; Nguyễn Xuân Sơn gơbàn yă lơh glài gơsơ\t să mờ tơm bơtơl 15 tơmàn priă; Nguyễn Xuân Thắng 22 nhai jàm, tơm bơtơl 15 tơmàn priă; Nguyễn Thanh Liên 20 nhai cải tạo ờ jàm, tơm bơtơl 15 tơmàn priă.

Bơh tu\ sền broă tam dră mờ sơndră mờ sa kuề sa koà tàm tơngai do, ồng Trương Duy Cảnh, kis tàm sơnah [òn Lê Lợi, [òn dờng Kon Tum, càr Kon Tum đơs là, Đảng pal pơn jăt tai lơh jăt nền nòn mờ lơh jơh rơlao tai:

-Gùng dà broă sơndră mờ sa kuề sa koà bơh Đảng, lam bồ là Tổng Bí thư Nguyễn Phú Trọng, jăt a` là di pal ngan mờ jơnau kơ\p kờ` bal mờ nùs nhơm làng bol dê. Cau lơi kung kờ` lơm. Bơh broă sền tàm ti vi, iăt rơjô, sền tàm pang [ăo, nùs nhơm kơ\p kờ` a` dê kung bè làng bol là dơ\ sơndră, tam dră mờ sa kuề sa koà do ờ gơtùi tơnjo\.

Di lah lơh rơhời den tu do gơbàn chơ\t, tăp tu deh gơs tu kòn ndai den bè hơ\ dơ\ tam dră mờ sa kuề sa koà lơh jo\ jòng ngan. Mờ lơh jo\ tus kàr lơi den dà lơgar gơbàn hoàc huơr tus kàr hơ\, bơngă pin dờn mờ Đảng gơbàn ờ niam. Dơ\ sơndră mờ sa kuề sa koà do là pal geh nùs nhơm lơh pràn ngan. Pal geh ală broă lơh glài pràn hơ\ sồng di pal.

Ồng Hà Văn Quang, kis tàm sơnah [òn Hội Thương, [òn dờng Pleiku, càr Gia Lai pin tàm broă Đảng dà lơgar he neh tam dră pràn mờ cau sa kuề sa koà. Broă lơh glài nền nòn uă kuang bàng, cau geh đảng tìs, ờ mìng neh pơgồp bal tàm broă lơh kloh niam mpồl Đảng mờ gam ai geh wơl nùs nhơm pin dờn làng bol dê:

-Sền [ăo, mờ jơnau yal tàm ti vi, rơjô, a` go\ Đảng neh geh uă tam gơl rơlao jăt mờ tơngai lơh broă lài. Đảng neh sền gròi rơlao tus mờ broă tam dră mờ sa kuề sa koà. Tàm tơngai do, a` kơlôi là pal lơh kloh mpồl kuang bàng lơh broă Dà lơgar mờ Đảng he dê. A` pơn jờng ngan broă lơh bơh Đảng. ală bơta do dong kờl tơnơ\ do geh ai wơl nùs nhơm pin dờn làng bol dê gơwèt mờ Đảng.

Cau geh đảng Thái Văn Mai, kis tàm thị trấn Nam Ban, kơnhoàl Lâm Hà, càr Lâm Đồng den kơ\p kờ`, broă sơndră, tam dră mờ sa kuề sa koà geh chồl pràn ờ mìng tàm dà lơgar mờ geh bal tàm ală tiah:

-Tàm ală nam do, neh lơh glài ală dơ\ sa kuề sa koà dờng. Bơh ală broă do neh bơsong mờ neh lơh cơng go\ broă lơh pràn bơh Đảng mờ Dà lơgar, den tàng neh ai geh nùs nhơm pin dờn làng bol in. Gơwèt mờ ală tiah, bol a` go\ broă tam gơl niam, mơya 1 bơnah lơi hơ\ gam ờ hềt geh kờ` làng bol pin dờn ngan. A` dan di tàm dơ\ Đảng, Dà lơgar bơyai lơh tơn jơh broă đơng lam sơndră, tam dră mờ sa kuề sa koà, a` kơ\ kờ` Dà lơgar bal mờ ală tiah pơn jăt tai lơh pràn rơlao broă sơndră, tam dră mờ sa kuề sa koà tàm tơngai tus.

Di nùs ngan mờ broă lơh ngan tam dră mờ sa kuề sa koà bơh Đảng dê, ồng Y Thuôn Niê, kis tàm sơnah [òn Ea Tam, [òn dờng Buôn Ma Thuột, càr Dak Lak dan, bơdìh mờ ală broă dờng dà lơgar bơsong ală broă tàm ală càr kung gờ` geh cồng nha, yal làng bol in g^t bal:

-Cau te\ khà bol a` tàm càr Dak Lak di nùs mờ kờ` ngan mờ broă Đảng, Dà lơgar tam dră pràn mờ sa kuề sa koà, hoàc huơr. Kuang màng là ală broă sa kuề sa koà lơh hoàc huơr g^t nđờ rơbô tơmàn priă tàm Tập đoàn Dầu khí Việt Nam, ha là ală dơ\ sa kuề sa koà tàm gah Ngân hàng.

Gam 1 broă cau te\ khà tàm [òn dờng Buôn Ma Thuột bol a` sền gròi là rơlao 1 nam lài, Phó Thủ tướng Chính phủ Trương Hoà Bình neh đơng lam Thanh tra Chính phủ lơh loh tìs geh lah ờ geh broă Công ty TNHH MTV Đô thị mờ Mội trường Dak Lak lơh hoàc huơr mờr 400 tơmàn priă. Bol a` kơ\p kờ` Đảng, Dà lơgar gờ` lơh loh broă do.

Cau mblàng Ndong Brawl