VOV4.K’ho - Nàng pơn jăt tai chồl pràn broă lơh bal mờ lơgar ndai sơnơm vaccine, Chủ tịch lơgar ồng Nguyễn Xuân Phúc pa geh pang sră pơyoa tus ồng Charles Michel, Chủ tịch Hội đồng châu Âu (EU) dong kờl, tam pà sơnơm vaccine ai lơgar Việt Nam in.

Tàm pang sră, Chủ tịch lơgar ồng Nguyễn Xuân Phúc neh ưn ngài broă sền gròi mờ dong kờl bơh mpồl tam klăc châu Âu ai lơgar Việt Nam in tàm tơngai do, tàm hơ̆ uă ngan là neh dong kờl 2 tơlăk 400 rơbô ding sơnơm vaccine bơh cơ chế COVAX. Chủ tịch lơgar đơs uă lơgar Việt Nam gam gơtìp uă kal ke nàng geh tơl sơnơm vaccine ai mờr 100 tơlăk nă làng bol mờ phan lơh sơnơm rơcang sơndră mờ kòp gơtờp in. Jăt mờ hơ̆, tàm tơngu me broă lơh bal kuơ màng mờ lơh broă bal tơl ală bơta gam tơnguh bơtàu niam bơnĕ ngan đah lơgar Việt Nam mờ mpồl EU, Chủ tịch lơgar neh dan mpồl EU dong kờl uă ngan ai lơgar Việt Nam in bơh ală broă dong kờl, ai sơnơm vaccine, tam pà công nghệ, ai phan lơh sơnơm sơm cau kòp Covid-19 mờ tam pà bal broă mờng chài tàm broă rơcang sơndră mờ kòp gơtờp.

Cau mblàng Ndong Brawl