VOV4.K’ho - Nam 2018, Kes pria\ sền gàr mờ bơtàu tơngguh brê càr Kon Tum geh rlau 272 tơmàn pria\, lơh tus rlau 109% broa\ lơh mờ do la cồng nha jơnhua ngan bơh lài tus tu\ do. Bal mờ lơh geh pria\ jền kơljap ai ala\ mpồl cau tờm brê kung bè gơnoar atbồ [òn lơgar ala\ kấp, chính sách jào pria\ sền gàr brê neh geh càr Kon Tum mut lơh mờr 8 nam do kung gam lơh geh broa\ lơh sa kơljap ai git nđờ rbô hìu nha\ làng bol, mpồl hìu mờ mpồl bơtìan tus bal atbồ sền gàr brê. Dơ\ lùp jơnau bơh cau ai tơnggit mờ ồng Hồ Thanh Hoàng, at bồ Kes pria\ sền gàr mờ bơtàu tơngguh brê càr Kon Tum pa geh lơh geh lơh loh rlau cồng nha  ngan ngòn mờ chính sách jào pria\ sền gàr brê gơ cèng wơl ai broa\ lơh atbồ sền gàr brê mờ rài kis bơh làng bol [òn lơgar.

-Ơ ồng, chính sách jào pria\ sền gàr brê geh mut lơh tàm càr Kon Tum neh lơh geh broa\ kuơ bè lơi tàm broa\ lơh atbồ, sền gar mờ bơtàu tơngguh brê bơh càr dê?

Ồng Hồ Thanh Hoàng:  Chính sách jào pria\ sền gàr brê neh lơh geh broa\ lơh kuơ  màng ngan tàm broa\ lơh atbồ, sền gàr mờ bơtàu tơngguh brê bơh càr dê, cèng wơl ala\ cồng nha niam tàm broa\ atbồ, sền gàr mờ bơtàu tơngguh brê tàm càr, pơ gồp bal bơtàu tơngguh git wa\, kơnòl bơh làng bol tàm broa\ atbồ sền gàr brê tàm càr. Nền nòn la pria\ jào sền gàr brê neh gàr niam tus broa\ lơh atbồ sền gàr bơh rlau 361 rbô lồ brê, geh di pơgap 63,5% kờp jơh ba\ brê tàm càr ờ kờp brê cao su mờ chi tam  pơrya bơkah is.

Lơh geh pria\ jền kơljap bè bơcri ai broa\ lơh atbồ sền mờ bơtàu tơngguh brê bơh ala\ cau tờm brê mờ gơnoar atbồ [òn lơgar ala\ kấp, rài kis bơh kuang bàng,  kong nhơn bơh ala\ mpồl geh bơtàu tơngguh go\ loh ngan bơh pah nam,  bơh hơ\ geh iang nùs  lơh broa\,  đềt mềr mờ brê. Rài kis bơh làng bol tus bal atbồ sền gàr brê geh bơtàu tơngguh loh ngan, ngan la làng bol kis tàm brê, rềp brê, tiah sar lơgar ngài, tiah ua\ ngan kal ke, git nđờ rbô na\ cau neh geh  broa\ lơh mờ bơta tus bal sền gàr  brê bơh ala\ broa\ lơh  dờp atbồ, sền gàr brê mờ geh jào pria\ sền gàr brê, trơ gùm gal ngan ala\ rnàng làng bol tus bal ngan tàm broa\ lơh atbồ sền gàr  brê, pơ gồp bal lơh ngan tơmù hìu nha\ rbah, gàr niam bơta kuơ mpồl bơtìan,  ngap lơngai chính trị mờ ờ do ờ da\ mpồl bơtìan niam  tàm ala\ tiah làng bol ơm kis, ngan la tàm tiah sar lơgar ngài càr dê.

-Ồng gơ tùi đơs wơl bè lơi bè cồng nha broa\  lơh bơh Kes pria\ sền  gàr mờ bơtàu tơngguh brê càr Kon Tum tàm nam 2018?

Ồng Hồ Thanh Hoàng: Tàm nam 2018, Kes pria\ sền gàr mờ bơtàu tơngguh brê càr Kon Tum neh lơh broa\ niam, ai go\ ngan tàm ala\ bơta tơnơ\ do: Ta\ pria\ sền gàr  brê  rlau mờ broa\  jào  geh UBND càr jào mờ neh  ai pria\ bơh ngân hàng di pal  ai ala\ cau tờm brê nàng mut lơh broa\ atbồ sền gàr brê. Nền nòn kờp tus ngai 10/12 bol a` neh ta\ geh rlau 272 tơmàn pria\,  geh 109% broa\ jào mờ neh ai pria\ bơh ngân hàng rlau 203 tơmàn pria\ ai ala\ cau tờm brê in.

Bol a` neh lơh niam broa\ lơh mblàng pơlam,  nền nòn mut lơh broa\ lơh yal tơnggit ‘’Lòt bal mờ oh tus hìu bơsram’’. Bơh ala\ oh neh  lơh gơ rề broa\ atbồ sền gàr brê tus mờ ala\ mè bèp kơnòm bơsram, ala\ cau pơgru mờ ala\ mpồl geh gơ rềng bơyai lơh 61 dơ\ pơrjum mblàng pơlam chính sách jào pria\ sền gàr brê bal mờ broa\ lơh atbồ, sền gàr brê lơh bal ai bơsram atbồ, ngui pria\ jào pria\ sền gàr brê tàm xã.

Bol a` neh lơh niam broa\ lơh lòt sền,  sền gròi mờ 12 cau tờm brê la mpồl dà lơgar bè broa\   ai git mờ jào pria\ ai cau dờp sền gàr brê.

-Bè ồng pa ai git,  tàm nam 2018,  Kes pria\ sền gàr  mờ bơtàu tơngguh brê càr Kon Tum trơ gùm geh khà pria\  ua\ ngan bơh lài tus tu\ do. Ala\ bơta lơi lơh   tờm ngan  geh cồng nha do mờ jat jơnau đơs ồng dê tàm nam tus 2019 khà pria\  ta\ tàm kes pria\ bè lơi?

Ồng Hồ Thanh Hoàng: Kờp tus ngai 10/12 nam 2018, kes pria\ sền gàr mờ bơtàu tơngguh brê càr Kon Tum neh trơ gùm geh rlau 272 tơmàn pria\ broa\ lơh sền gàr brê, lơh gơs broa\ jào  geh UBND càr jào lơh. Jat a` tàm nam 2019, kờp du\ khà pria\  sền gàr brê bơh Kes pria\ sền gàr mờ bơtàu tơngguh brê càr dê  geh pơgap 252 tơmàn pria\, drờm mờ 92% pơndrờm mờ nam 2018, tài bơh trồ tiah nam 2019 geh êt mìu rlau mờ nam 2018 den tàng ồs đèng  bơh ala\ hìu ma\y đèng geh lơyah rlau mờ nam 2018.

-Dùl tàm ala\ broa\ lơh kuơ màng tàm broa\ mut lơh jào pria\ sền gàr brê hơ\ la geh bơtàu tơngguh bơta lơh sa bơh làng bol cau lơh broa\ gah brê. Jat ồng broa\ lơh sa bơh cau lơh broa\ gah brê tàm Kon Tum neh geh bơtàu tơngguh mbè lơi tơnơ\ mờr 8 nam càr do mut lơh broa\ lơh do?

          Ồng Hồ Thanh Hoàng: Gơtùi đơs tờm ngan broa\ lơh jào pria\ sền gàr brê la broa\ lơh di pal ngan bơh Đảng mờ Dà lơgar pơ gồp bal  lơh geh tai pria\ jền làng bol sa\ tờm tus sền gàr brê mờ di pal mờ mùl màl broa\ lơh atbồ sền gàr  mờ bơtàu tơngguh brê  kơljap tàm  càr. Broa\ mut lơh chính sách neh ai geh roa\ lơh ai tus git nđờ rbô na\ làng bol tàm tiah sar  lơgar ngài geh dà lơgar jào ù, jào brê hala tus bal sền gàr brê bơh broa\ lơh dờp ba\ brê, sền gàr atbồ brê mờ geh dờp pria\ sền gàr brê. Tơngguh geh tai pria\ jền, bơtàu tơngguh rài kis, pơ gồp bal niam ngan tơmù hìu bah, gàr niam bơta kuơ mpồl bơtìan, ờ dơ ờ da\  chính trị  mpồl bơtìan, ngan la tàm tiah sar lơgar ngài càr dê. Bal mờ hơ\,  Kes pria\ sền gàr mờ bơtàu tơngguh brê càr dê neh bơyai lơh ai lòt bơsram ai làng bol in sền gàr,  ngui  ba\ brê nàng bơtàu tơngguh lơh sa,  bơtàu tơngguh broa\ lơh sa, den tàng làng bol neh git ngui pria\ jào sền gàr brê nàng bơtàu tơngguh lơh sa bè tam kơphe,  tam bời lời, ròng rpu, kơnrồ, iar, ơda pơ gồp bal bơtàu tơngguh lơh sa, bơtàu tơngguh rài kis.

            -Dan ưn ngài ồng Hồ Thanh Hoàng!

          Cau mblàng K’ Brọp