VOV4.K’ho- Drim ngai 29/7, AstraZeneca neh jun rê tai hờ ƀòn dờng Hồ Chí Minh 659 rbô 900 ding sơnơm vaccine rơcang sơndră kòp Covid-19. Do là dơ̆ jàu sơnơm vaccine dơ̆ 6 gơwèt sră pơrgon dan blơi lài đah AstraZeneca Việt Nam mờ Kong ti Cổ phần vaccine Việt Nam (VNVC), bơh bơta dong kờl bơh Bộ Y tế dê.

Tŭ do, jơnau ring bal do neh cèng rê ai Việt Nam in mờr 3 tơlak 800 rbô ding, ndrờm mờ mờr 41% kờp jơh khà sơnơm vaccine rơcang sơndră kòp Covid-19 bơh AstraZeneca dê tàm lơgar. Kờp jơh neh geh mờr 9 tơlak 300 rbô ding sơnơm vaccine rơcang sơndră kòp Covid-19 bơh AstraZeneca dê geh jun rê tus Việt Nam. Ồng Nitin Kapoor, Chủ tịch mờ là Kuang atbồ dờng AstraZeneca Việt Nam mờ ală drà kă bro châu Á pa pơn rơ pà git, geh pơn jat tai lơh broă bal mờ Bộ Y tế, WHO, UNICEF mờ VNVC nàng jun sơnơm vaccine rê hờ Việt Nam dùl bă mhar mờ ờdo ờdă ngan rlau jơh dilah gơtùi, nàng làng bol in mhar rê wơl rài kis bè ờs mờ bơ tờm tơrgùm wơl mờ hìu bơnhă.

Cau mblàng K’Duẩn