VOV4.K’ho- Ală nam do, lơh jat nùs nhơm tam klăc bal ling klàng mờ làng bol, Mpồl ling sền gàr tiah nhàr lơgar càr Dak Lak, sùm lơh jat niam nùs nhơm rơcang gàr lài sền gàr tiah nhàr lơgar gùt làng bol. Bơh hơ\, pơgồp bơnah gàr kơ\ lơngap lơngai chính trị, ờ do ờ dă gùt mpồl bơtìan tàm tiah nhàr lơgar.

Xã Krông Na, kơnhoàl Buôn Đôn, càr Dak Lak, geh gùng tiah nhàr lơgar mờr 47 kơi sồ, rềp mờ càr Mondulkiri, lơgar Campuchia. Xã geh 13 làng bol kòn cau ơm kis bal, tàm hơ\ uă ngan là làng bol ơm kis bơh yau tàm [òn. Uă hìu bơnhă geh cau pròc mhàm kis đah ne tiah nhàr lơgar, den tàng bè hơ\ broă lòt rê lòt còp cau pròc mhàm bal  geh lơh sùm. Ơm rềp mờ lơgar, mpồl ling sền gàr tiah nhàr lơgar bal mờ gơnoar atbồ [òn lơgar neh lòt tus tàm thôn, [òn nàng mblàng yal, yal tơng^t adat boh lam, dong làng bol tơnguh uă bơta g^t wă sền gàr gơnoar tờm ù tiah dà lơgar dê. Bơh hơ\, tu\ lòt còp đah ne tiah nhàr lơgar làng bol neh rcang lòt lơh sră cih mat mờ kuang bàng, cau ling pôs đồng ling sền gàr tiah nhàr lơgar.

Mpồl ling sền gàr tiah nhàr lơgar Daklak

Ồng Y Sao Me-Bí thư Đảng ủy xã Krông Na, kơnhoàl Buôn Đôn pà g^t, lơh jat Adat tiah nhàr lơgar Dà lơgar dê, Kơrnoat boh lam Mpồl ling sền gàr tiah nhàr lơgar, ală jơnau lơh tìs mờ kơrnoat boh lam tiah nhàr lơgar bơh làng bol dê tàm xã neh gơmù uă ngan. Tu\ g^t go\ ală cau sơgràm bơta lơngap lơngai tiah nhàr lơgar, làng bol geh yal mờ Mpồl ling sền gàr tiah nhàr lơgar bal mờ gơnoar atbồ xã in nàng bơsong.

Tàm tơngai tus bol a` geh pơn jat tai lơh jat niam broă atbồ mờ sền gàr gùng nhàr lơgar, sơn tơp jrong kung bè mblàng yal nàng làng bol in ngai sơlơ g^t wă kơnòl broă bơh làng bol dê gơ wèt mờ broă sền gàr gơnoar tờm ù tiah nhàr lơgar bơh Dà lơgar dê. 

Tàm kơnhoàl tiah nhàr lơgar Ea Súp, bal mờ broă sền gròi bơtàu tơnguh lơh sa- mpồl bơtìan, ală  cấp ủy Đảng, gơnoar atbồ kơnhoàl sùm sền gròi tus broă bơt bơtàu mờ sền gàr gơnoar tờm lơngap lơngai ù tiah nhàr lơgar. Tus tu\ do, ală xã tiah nhàr lơgar tàm Ea Súp neh crơng gơs ală mpồl atbồ is, ờdo ờdă thôn, [òn mờ g^t nđờ rơhiang nă cau tus bal rcang sơndră mờ cau lơh tìs mờ bơta ờ niam tàm mpồl bơtìan.

Bơh ală jơnau yal mờ làng bol dê yal mờ gơnoar atbồ [òn lơgar in bal mờ mpồl ling sền gàr tiah nhàr lơgar neh gròi sền gi\t geh broă geh ngan dô gan nhàr lơgar tìs mờ kơrnoat boh lam, g^t go\ mờ ku\p uă cau koh kơl brê, kă bro ma tuý tàm ù tiah nhàr lơgar. Ồng Nguyễn Văn Đông, Chủ tịch UBND kơnhoàl Ea Súp đơs.

Tàm ală nam do, làng bol dô gan tiah nhàr lơgar uă ngan là koh kơl dơm chi mờ ting cuh phan brê. Bol a` neh bal mờ mpồl ling sền gàr tiah nhàr lơgar sền g^t bàr pe nă làng bol lơh tìs. Nàng tơrmù [à broă làng bol lơh tìs kơrnoat boh lam tiah nhàr lơgar, bol a` neh bơyai lơh mblàng yal bơh tô ri mblàng yal jơnau sồ ală xã tàm dơlam ù tiah do dê. Ai ală xã tàm tiah nhàr lơgar, bol a` bơyai lơh ală dơ\ mblàng yal tơn ai làng bol in. Bàr pe xã, bol a` gam bơtàu tơnguh broă lơh mpồl Cau ùr ờ lơh tìs mờ kơrnoat boh lam tiah nhàr lơgar. Bơh ală cau ùr do geh hòi jà làng bol, bơklau kung bè oh kòn ờ go\ di đòm jat cau dô gan tiah nhàr lơgar tìs mờ kơrnoat boh lam, lơh tìs kơrnoat boh lam tiah nhàr lơgar.

Nàng bơ\t bơtàu nùs nhơm rơcang gàr lài sền gàr tiah nhàr lơgar tàm làng bol kơ\ kơl jap, càr Dak Lak neh hòi jà bơcri bơt bơtàu 28 broă lơh bơtàu tơnguh lơh sa- mpồl bơtìan, pơgồp bal mờ broă sền gàr niam bơta dà lơgar mờ lơngap lơngai tàm tiah nhàr lơgar, mờ kờp jơh priă tă lơh ală broă do là rlau 369 tơmàn. Mpồl ling sền gàr tiah nhàr lơgar pơgồp bal mờ ală anih lơh broă, mpồl cau lơh mờr 200 nơm hìu bơta nđàc, “Hìu  cau ling tiah nhàr lơgar”, “Hìu ai cau r[ah tiah nhàr lơgar in”. Mơkung, hòi jà 12.000 ngai lơh broă tus bal lơh broă sa, kham sơm kòp, pà sơnơm ờ sa priă ai rlau 14.000 nă cau in. Kuang bàng, cau ling ală pôs đồng ling sền gàr tiah nhàr lơgar neh hòi jà g^t nđờ rơhiang nă kơnòm bơsram sơrbì bơsram lòt bơsram wơl, tàm hơ\ dờp dong kờl 42 nă kơnòm bơsram r[ah mờ khà priă dong kờl tơl nă oh in dùl nhai là 500 rơbô đồng.

Mpồl ling sền gàr tiah nhàr lơgar càr Dak Lak lòt sền bơta lơngap lơngai tiah nhàr lơgar

Mpồl ling sền gàr tiah nhàr lơgar càr Dak Lak neh dong kờl phan sa, sơnơm tơm ba, lơh gùng che đèng, lơh hìu lơh broă ai ală pôs đồng ling sền gàr tiah nhàr lơgar, Kuang àng càr Mondulkiri, lơgar Campuchia dê in bal mờ kờp jơh priă tă lơh ală broă do là mờr 13 tơmàn.

Đại tá Phạm Quang Hùng, Chỉ huy trưởng Mpồl ling sền gàr tiah nhàr lơgar càr Dak Lak pà g^t, mpồl sùm ngui niam gơnoar broă bơh làng bol dê tàm ală srơh, broă lơh sền gàr gơnoar tờm ù tiah dà lơgar, lơngap lơngai tiah nhàr lơgar. 

Bơta pràn mpồl ling sền gàr tiah nhàr lơgar dê tàm tiah nhàr lơgar pràn kơldang kơ\ kơl jap rlau, tơl làm rlau tai, rài kis làng bol kòn cau geh tơnguh uă, bơta g^t wă bơh kuang bàng, làng bol dê tàm tiah nhàr lơgar neh g^t loh ală gùng dà broă lơh, chính sách bơh Đảng dê. Kuơ màng, mpồl ling sền gàr tiah nhàr lơgar neh geh bơto tơng^t tơl ală bơta nàng lơh gơprah gơpring jơh ală jơnau jòi kai ờ niam, mờ lơh aniai bơh ală mpồl cau ờ niam dê, sền gàr gơl gùng tiah nhàr lơgar bơh càr dê sùm lơngap lơngai mờ kơ\ kơl jap.

 Mờ nùs nhơm sa bal, ơm bal, lơh broă bal bơh Mpồl ling sền gàr tiah nhàr lơgar  càr Dak Lak dê, neh gơ gơs là anih kơldìng pơgồp bơnah bal mờ làng bol tiah nhàr lơgar bơt bơtàu, lơh kơ\ kơl jăp nùs nhơm rơcang gàr lài sền gàr tiah nhàr lơgar tàm gùt  làng bol mờ nùs nhơm rơcang gàr lài sền gàr bơta lơngăp lơngai tàm làng bol.

Cau mblàng K’ Hạnh