VOV4.K’ho - Xã Dak D’rông, kơnhoàl Cư\ Jut, càr Dak Nông tu\ do geh rlau 3.300 hìu nha\ mờ rlau 15 rbô na\ làng bol, làng bol kòn cau geh tus di 85%. Pria\ geh kờp bal bơh làng bol tàm xã ua\ ngan bơh tam phan lơh sa, ròng phan ròng dờng, iar ơda. Bulah rài kis ờ hềt jơnhua, mơya làng bol  gam dùl nùs bal mờ dà lơgar bơcri lơh gùng lòt tàm [òn, pơ gồp  lơh geh bơta pràn bơtàu tơngguh lơh sa mpồl bơtìan.

Lài do,  ua\ ngan ala\ gùng tàm [òn tàm xã Dak D’rông  mìng la gùng ù dềt, mìng tơl dùl nơm rơndeh mat lòt gan. Ala\ gùng do tàm nhai mìu den sùm gơbàn bơ\ mbè, ntiar gơ cồt, ua\ gơl gùng nhơt gơ hòn ua\ ngan, nhai prang den gơbàn  gơ thul kơm buh, lơh kal ke  tàm broa\ lòt rê mờ lơh broa\ sa.

Mut lơh broa\ lơh bơh dà lơgar bè bơt bơtàu [òn lơgar pa, Đảng bộ,  gơnoar atbồ, mpồl  bơtìan tàm xã nhap nhar ngan lam sồr,  mblàng pơlam nàng làng bol git loh bè bơta kuơ bơh broa\ lơh phan bơna [òn lơgar,  ngan la gùng lòt. Broa\ mblàng geh mut lơh mờ ua\ ngan broa\ lơh, bè sa\ tờm tus lam sồr, bơh mờ anih pờ  tơlik jơnau đơs, ala\ bùi  pơrjum [òn tàm ala\ [òn.

Bal mờ broa\ mblàng pơlam, nàng làng bol pin dờ` lơh jat bal, lài jơh tơl cau kuang,  cau geh Đảng tàm Dak D’rông geh lam lài tàm broa\ ai ù lơh gùng. Bè ồng Lý Văn Dịch, Phó Ban broa\ lơh mặt trận [òn 1. Ồng neh ai is ù rlau 100 thơt vuông ù hìu nha\ nàng pờ ơnàng gùng  mut tàm [òn. Ồng  kung neh lơh bal mờ Mpồl atbồ is [òn tus tơl hìu kờ` lam sồr,  mblàng dơ\ ne\ dơ nài ngan kờ` làng bol wa\ wờng mờ go\ loh bơta kuơ màng bơta pờ ơnàng gùng lòt tàm [òn. Bơh broa\ lơh geh kuơ màng ngồn mờ broa\ mblàng di pal ồng dê, làng bol [òn dùl neh dùl nus bal, ai is ù, ta\ pria\, ngai lơh gùng bal mờ dà lơgar lơh gùng lòt.

Hìu nha\ ồng Trương Văn Cán kòn cau Nùng kis tàm [òn 20 la dùl tàm ala\ hìu lam bồ lài ngan tàm srơh ai ù mờ chi tam tàm srơh bơt bơtàu [òn lơgar pa. Bulah lơh sa gam ua\ ngan kal ke, mơya hìu nha\ ồng neh ờ pơ lai ai mơr 5 cuờng ù lơh sa, kơl sang rlau 25 jrong tơnhàu tiêu gam tàm tơngai pic plai,  ai ù nàng lơh gùng mờ  bêtông  [òn dê. Jat ồng,  bơt bơtàu [òn lơgar pa la lơh tam gơl muh mat [òn lơgar mờ bơtàu tơngguh rài kis bơh làng bol. Bulah hìu nha\ kung ờ geh ua\ ù, mơya go\ làng bol lòt rê kal ke, den tàng ùr bơklau ồng  neh chờ hờp ai ù lơh dờng gùng,  ai sa\ tus bal lơh gùng bal mờ gơnoar atbồ, làng bol nàng tuh bê tông gùng lòt.

Ồng Đặng Quốc Khánh, Phó Chủ tịch UBND xá Dak D’rông ai git: Lài mờ tu\ mut lơh broa\ lơh gùng, xã neh bơyai lơh pơrjum làng bol nàng geh yal broa\ lơh, kờp du\ lài pria\ jền, ngai lơh broa\. Tơl broa\ lơh drờm geh bơyai tơr`a, ring bal bơh xã tus hờ [òn, mờ geh yal loh làng ngan  tơl tus hìu nha\ làng bol. Ngan la dơ\ lơh ơpah rơndeh cò cò ring mat gùng, broa\ lơh sền gùng nàng ngui,  pria\ blơi lu\, bràs, sơmang… Kơnờm bơh hơ\ neh lơh geh bơta ring bal jơnhua ngan mờ geh làng bol nhap nhar lơh jat bal. Tàm tơngai tus, xã geh pơnjat tai geh dong lài ai ala\ khà pria\ mờ geh lơh bal  ala\ broa\ lơh nàng geh dong kờl bơt bơtàu [òn lơgar pa, ngan la ala\ gùng lòt tàm ala\ [òn kal ke, tiah geh gal làng bol kòn cau ơm kis.

Jat Mpồl atbồ broa\ lơh bơt bơtàu [òn lơgar pa kơnhoàl Cư\ Jut, xã Dak D’rông la dùl tàm al xã lam lài, lơh niam srơh ai ù lơh gùng lòt tàm [òn lơgar. 6 nhai bồ nam 2017, làng bol tàm xã neh ai is git nđờ rhiang thơt vuông ù,  geh wàs is phan bơna, ai ù, pơ gồp bal git nđờ rbo ngai lơh broa\ lơh geh  rlau 6 kơi sồ gùng kấp phối, 2 kơi sồ mơ gùl gùng bêtông, kờp jơh khà pria\ lơh gùng mờr 2 tơmàn pria\.

Srơh ai is ù nàng lơh phan bơna tàm [òn lơgar tàm Dak D’rông neh cèng geh cồng nha loh ngan. Ala\ gùng pa geh dong broa\ lòt rê, tam tìp gơp bươn boài rlau. Do la bơta kuơ màng ngan nàng dong Dak D’rông bơtàu tơngguh pràn ngan bè lơh sa mpồl bơtìan, gờ` lơh gơs ala\ broa\ lơh gam wơl tàm bơt bơtàu [òn lơgar pa.

                         Cau cih mờ yal tơnggit K’ Brọp