VOV4.K’ho- Bal mờ lơh gơs niam kơnòl broă lơh sa, kă bro pơgồp bal mờ gàr niam lơngap lơngai mờ sền gàr dà lơgar, ală nam pa do, Kông ty TNHH MTV kơphê 15 gơ wèt quân khu 5, ơm tàm xã Cư Dliê M’nông, kơnhoàl Cư M’gar, càr Dak Lak, lam lơh niam broă lơh kis g^t jơnau g^t adat, dong kờl ală hìu bơnhă chính sách, cau geh màng mờ dà lơgar tàm ù tiah mờ mpồl ling lơh pôs.

Di tơngkah 71 nam Ngai cau ling sồt să, cau ling chơ\t màng, ala mat Kông ty TNHH MTV Kơphê 15 gơ wèt Quân khu 5, rê còp hìu bơnhă cau ling sồt să Y Diu Kbuôr, kòn cau Rơđê ơm tàm tiah pôs đồng kac màng, gơ wèt xã Cư Pơng, kơnhòal Krông Buk, càr Dak Lak. Nam do neh rlau 90 sơnam, să jan ờ gam pràn, lòt rê kal ke, mơya kơnờm geh bơta gròi sền bơh mpồl ling dê, cau ling sồt să Y Diu Kbuôr gơ lơh ram nùs nhơm ngan.

Bi H'pui H'wing kòn ùr ồng Y Diu Kbuôr pà g^t, lài do, hìu bơnhă kis bal tàm dùl nơm hìu mpàn yau, `ha\t dà mìu. Lồi nam 2016, Kông ty TNHH MTV kơphê 15 neh dong kờl 70 tơlak priă, ală gah sơnah lơh broă mờ mpồl cau bal tàm tiah do dê dong kờl tă pơgồp tai 10 tơlak priă nàng lơh dùl nơm hìu pa. Bi H'pui H'wing đơs :

 " Lài do hìu bơnhă ơm tàm hìu mpàn yau den ồng mò lòt rê kal ke ngan. Mơya tu\ do, ồng mò lòt rê neh geh buơn tài bơh Kông ty 15 bal mờ UBND xã Cư Pơng geh lơh ồng mò in dùl nơm hìu ơm niam den lòt rê ờ gam kal ke tai. Tu\ do ồng mò kis chờ hờp, lòt rê ờ duh pal hào ntùng tai den hìu bơnhă ưn ngài uă ngan Kông ty mờ UBND xã Cư Pơng. Hìu bơnhă a` tu\ do chờ hờp ngan.

Pah nam, Kông ty TNHH MTV kơphê 15 gơ wèt Quân khu 5 lơh hìu ơm pà hìu bơnhă chính sách in bơh 6 tus 8 nơm hìu mờ khà priă mờr 100 tơlak priă tàm dùl nơm hìu .

Mò Lê Thị Lan, Kuang bàng lơh broă gah chính sách xã Cư Pơng, kơnhoàl Krông Buk pà g^t, geh mờr 50 hìu bơnhă gơ wèt hìu bơnhă chính sách, cau geh màng mờ dà lơgar. Ală nam do, bal mờ broă lơh bơh Đảng mờ Dà lơgar, ală hìu bơnhă chính sách tàm xã gam geh Kông ty TNHH MTV kơphê 15 pơgồp bal mờ gah sơnah lơh broă mờ ală mpồl cau bal neh lơh geh 8 nơm hìu “ tam klăc dờng” mờ kờp jơh khà priă 500 tơlak.

 "Kông ty dong kờl ờ uă hìu bơnhă chính sách mờ hìu bơnhă geh màng mờ dà lơgar, hìu bơnhă làng bol kòn cau gơ wèt hìu bơnhă r[ah, ală hìu bơnhă do ndrờm ờ geh priă jền nàng lơh hìu ơm. Bơdìh hơ\ tai, tàm ală dơ\ sa tềp den kung gam pà phan bơna nàng làng bol in sa tềp hờm ram mờ geh tơl bơta rlau”

Kông ty TNHH MTV kơphê 15 geh crơng gơs bơh nhai 6 nam 1996, tu\ do kông ty atbồ lơh sa kă bro pơgap 820 lồ kơphê, priă lơh geh pah nam pơgap rlau 115 tơmàn priă. Bơdìh mờ broă gàr niam rài kis ai rlau 1 rơbô 150 nă kuang bàng, kong nhơn viên tàm kông ty in, mpồl kung sùm sền gròi broă lơh gàr tơl niam rài kis mpồl bơtìan tàm ù tiah mờ pôs ling lơh pôs. Ngan ngồn, bơh nam 2014 tus tu\ do, kông ty neh lòt kham sơm kòp mờ phàt sơnơm ờ sa piă ai mờr 1 rơbô 350 nă cau là cau tàm hìu bơnhă chính sách in mờ khà priă 63 tơlak, lòt còp mờ pà rlau 6 rơbô bơnah phan pà kờp mờ priă rlau 1 tơmàn 200 tơlak.

Thượng tá Bùi Xuân Tiến, Kuang atbồ Kông ty pà g^t, mpồl lơh broă sền gròi ngan broă “kis g^t jơnau g^t adat” kờ` ưn ngài cau geh màng mờ dà lơgar; 4 nam do mpồl neh lơh mờ pà 58 nơm “ hìu nùs nhơm”, “ hìu cau lơh broă bal” mờ kờp jơh khà priă rlau 7 tơmàn, mờ pơn jat tai lam lơh tàm tơngai tus:

"Chồl guh ală cồng nha neh lơh geh, tàm tơngai tus bol a` pơn jat dong làng bol tơn jơh jơgloh, tơrmù r[ah mờ ală broă lơh bè: bơt bơtàu ală hìu ơm nùs nhơm kờ` pà làng bol r[ah in, hìu bơnhă chính sách; nam tus do bol a` digơlan lơh tai pơgap 6 tus 8 nơm hìu nàng pà ală cau do in. Dong kờl chi tam, chi sơn tìl ai làng bol in bơtàu tơnguh lơh sa. Tàm ală dơ\ sa tềp bơhìan dà lơgar pơn jat tai geh rơn dap broă lơh bơyai lơh lòt còp pà phan ală hìu bơnhă chính sách in; pà phơng sih, bơto bơtê kỹ thuật nàng làng bol in bơcri lơh broă sa mờ kơ\ kơl jap rài kis.

Rlau 20 nam lơh broă tàm ù tiah Tây Nguyên, Kông ty TNHH MTV kơphê 15 gơ wèt Quân khu 5, bơdìh mờ broă lơh niam kơnòl broă lơh sa, kă bro geh cồng nha pơgồp bal mờ gàr niam lơngap lơngai mờ sền gàr dà lơgar, mpồl gam geh uă broă lơh “kis g^t jơnau g^t adat”, dong kờl ală hìu bơnhă chính sách sơrlèt gan kal ke, ai tơngo\ nùs nhơm “ hùc kah tô dà” bơh jơi bơtìan dê. Bulah tàm ală tiah gah lơh broa\ lơi, ală cau ling wa Hồ dê sùm gàr nùs nhơm mờ ơnà niam bơne\, tam klăc bal rềp mềr mờ làng bol.

Cau mblàng K’ Hạnh