VOV4.K’ho - Tàm pơrjum ƀăo bơh Mpồl đơng lam rơcang sơndră mờ kòp Covid-19 geh bơyai lơh mho òr (01/11), ala măt Sở Y tế ƀòn dờng Hồ Chí Minh đơs, broă cit sơnơm vaccine ai kơnòm dềt bơh 12 tus 17 sơnam pal geh lơh nền nòn di jăt mờ kơrnoăt bơh Bộ Y tế ai, ờ gơtùi cit ai kơnòm dềt hờ đơm 12 sơnam in.

                 Pơrjum mpồl đơng lam rơcang sơndră mờ kòp Covid-19 ƀòn dờng Hồ Chí Minh dê

Ồng Trịnh Duy Trọng, Kuang atbồ phòng chính trị tư tưởng, Sở Giáo dục mờ Đào tạo ƀòn dờng Hồ Chí Minh pà git, tŭ do gam 236 hìu bơsram gam geh ngui nàng rơcang sơndră mờ kòp Covid-19 ờ hềt geh jào wơl. Kờp dŭ tàm nhai 11 nam 2021 do, jơh ală hìu bơsram do geh jào wơl. Gơrềng tus mờ broă geh jơnau yal bè bơta geh ờ uă hìu bơsram lam sồr cau mè bèp kơnòm bơsram ai cit tơmù ding mờ kơnòm bơsram ơdŭ 6 ờ hềt tơl 12 sơnam nàng geh tơl broă gơglòm sơnơm, bác sĩ Nguyễn Hồng Tâm, Phó kuang atbồ Anih tờm gròi sền kòp tê jê să ƀòn dờng Hồ Chí Minh pà git, broă cit sơnơm ai sơnam do in pal geh jăt mờ jơnau bơto sồr bơh gah lơh sơnơm bal mờ Bộ Y tế dê.

Cau mblàng Ndong Brawl