VOV4.K’ho- Lơh jat broă rơndap lơh srơh đoàn ơruh pơnu, tàm nam do, Đoàn cơ sở Kông ty ồs đèng Dak Lak neh lơh uă broă lơh kuơ màng, gơ hòi gơ jà uă ngan đoàn viên mờ ală chi đoàn gơ wèt Kông ty tus bal. Jơh ală bơnah broă do ndrờm pơgồp bal mờ kơnòl broă lơh, dong kờl mpồl lơh broă lơh gơs ală kơnòl broă lơh sa kă bro.

Jat ồng Phạm Quốc Tiến, phó kuang atbồ Ồs đèng Lak pà g^t, bơh bồ nam tus tu\ do chi đoàn ơruh pơnu neh lam lơh uă broă lơh tàm pơrlòng pơgồp bal mờ broă lơh, di mờ broă lơh ngan ngồn tàm ù tiah dê. Kuơ màng, tàm broă mblàng yal jơnau ngui ồs đèng ờ do ờ dă, lòt sền broă ngui ồs đèng bơh cau năc dê, ki\ wơl sră pơrgon blơi mờ tăc ồs đèng ngui tàm rài kis pah ngai, đoàn viên ơruh pơnu sùm là cau lòt lài.

Gùng dà broă lơh bơh Kông ty dê jàu ai ală chi đoàn ơruh pơnu in bơh ală gah lơh ồs đèng mờ geh ală chi đoàn ồs đèng tus bal jơh nùs ngan. Bè phan bơna den geh lòt sền lài ai tơl hìu bơnhă in, hìu bơnhă hơ\ lơh niam wơl pal geh nđờ nơm bong đèng, pal lơh ală bơta lơi, lơh dùl nơm sră cih mờ bol a` geh dan mờ kông ty nàng ai ală phan bơna do.

Mờ geh sac rơ wah ală ngai ơm rơlô, ngai dơ\ 7, ngai nhờk, hòi jà đoàn ơruh pơnu bơh chi đoàn Ồs đèng Lak pơgồp bal mờ đoàn ơruh pơnu bơh kông ty dê, đoàn pơgồp bal mờ kơnă hơ đang geh pơgồp bal mờ tàm cah ală oh mi nàng lơh niam wơl gùng che ồs đèng ai ală hìu bơnhă in mờ lơh pa ală phan bơna ờ diơng ai ală hìu bơnhă làng bol kòn cau in.

Dùl tàm ală broă lơh mpờl go\ ngan geh lam lơh là tàm nhai 7 nam do, Chi đoàn neh pơgồp bal mờ Đoàn cơ sở lơh niam wơl gùng che ồs đèng ai 50 hìu bơnhă kòn cau M’nông in tàm [òn Dơng Kriêng - Thị trấn Liên Sơn. Mờ ală đoàn viên kung neh jơh nùs ngan bơto pơlam broă ngui đèng tềm pềr, ờ do ờ dă mờ ngui geh cồng nha, bơsong ală jơnau lùp, ală broă bè ngui ồs đèng ai làng bol in.

Bi  H’Nhưm Rơn Ji, ơm tàm [òn Dơng Kriêng, thị trấn Liên Sơn, kơnhoàl Lak, càr Dak Lak, là dùl tàm ală hìu bơnhă geh lơh niam wơl gùng che ồs đèng pà g^t:

Bơh jo\ gùng che ồs đèng hìu bơnhă a` ờ diơng ngan, gùng che ồs đèng tàm hìu gơbàn ờ niam. Ngai do, kơnờm geh gah lơh Ồs đèng mù lơh niam wơl ờ sa priă, hìu bơnhă a` chờ hờp ngan. Ưn ngài gah lơh Ồs đèng neh dong kờl hìu bơnhă a`.

Tàm uă tu\ tơngai tàm nam, ală đoàn viên ơruh pơnu gah lơh Ồs đèng Dak Lak lơh broă ờ geh ngai ơm rlô. Ngai dơ\ 7, ngai nhờk , digơlan geh lời tu\ nàng lòt sền tàm ală trạm biến áp mờ broă kờp sền broă li\p sră, sền gàr công tơ drơng broă lơh sa, lòt sền ală trạm biến áp geh ngui đèng uă ir mờ rơngòt gơlik geh bơta nisơna; ală gơl gùng che ồs đèng hạ thế gơ wèt ală trạm biến áp tàm tiah ờ hềt geh bơcri priă lơh pa wơl.

Tàm nhai 9 mờ nhai 10 pa do, tàm ală ngai dơ\ 7, Chi đoàn Ồs đèng Lak neh pơgồp bal mờ phòng Ka\ bro - tơrgùm bal bơyai lơh lòt ki\ sră pơr gon blơi mờ tăc ồs đèng ngui pah ngai neh jơh tơngai pơrgon tàm ù tiah Thị trấn Liên Sơn mờ xã Dak Liêng. Bơh hơ\, dong kờl ki\ rlau 2.500 sră pơr gon blơi mờ tăc ồs đèng. G^t go\ mờ lơh glài 45 nă năc ngui ồs đèng lơh tìs mờ broă ngui ồs đèng, kờp jơh khà priă ai wơl mờr 56 tơlak priă.

Ồng Phạm Quốc Tiến, phó kuang atbồ gah lơh Ồs đèng Lak đơs, ală broă lơh bơh chi đoàn neh tă pơgồp niam ngan tàm broă mut lơh kơnòl broă bơh mpồl dê, pơgồp bơnah lơh gơs ală jơnau kờ` tàm broă lơh sa, kă bro geh jàu.

Cau mblàng K’ Hạnh