VOV4.K’ho- Jơh nam 2017, làng bol tàm ală [òn trờn ơm kis pa tàm xã Đak Smar, kơnhoàl Kbang, càr Gia Lai, neh ngan ngồn ơm kis lơh sa kơ\ kơl ja\p tàm tiah ơm pa. Tơl ală bơta gàr niam rài kis bè ồs đèng, gùng lòt, hìu bơsram, hìu sơnơm kung bè ù tiah lơh sa neh geh bơcri niam ngan nàng làng bol in ơm kis mờ lơh sa.

Do là broă lơh kuơ màng nàng tàm nam pa 2018, làng bol Đak Smar pơn jat tai brồ guh bơt bơtàu [òn lơgar pa.

            {òn ntrờn ơm kis pa Krối, xã Đak Smar, kơnhoàl Kbang geh rlau 200 nơm hìu ơm kơ\ kơl jăp niam, sàng goh, ơm rềp bal tàm bàr gah gùng be tông gơlòt song tơn bơh bồ [òn tus lồi [òn. Ală gùng che đèng, dà sàng kloh ngui sa bal mờ ală broă lơh ndai kung neh geh lơh tus tơn tơl hìu bơnhă in, di pal mờ jơnau kờ` ngui sa pah ngai làng bol dê.

Ồng Đinh Nhô, kòn cau Bahnar, ơm tàm [òn Krối pà g^t: tơnơ\ 7 nam ntrờn ơm kis pa, rài kis làng bol neh geh bè ờs, niam uă rlau mờ tiah ơm yau. Ồng Đinh Nhô đơs:

            Lài mờ tu\ ntrờn tiah ơm kis pa, rài kis làng bol ơm tàm brê kal ke ngan. Bơh di tu\ mut lơh tiah ơm kis pa, hìu ma\y pờ tơlik ồs đèng An Khê Kang-Nak rài kis làng bol dê neh tam gơl uă ngan. Hìu đam, gùng lòt, ồs đèng, hìu bơsram geh tơl jơh. Làng bol chờ hờp ngan.

            Bal mờ phan bơna dà lơgar neh bơcri niam ngan, làng bol tàm [òn ntrờn ơm kis pa Krối dê neh geh pà tơl ù ơm, ù lơh sa jat jơnau ai nàng geh bơtàu tơnguh lơh sa.

Ồng Đinh Lớp, Kuang atbồ [òn Krối, xã Đak Smar pà g^t: tơl hìu bơnhă tàm [òn geh pà  400 chuồng ù ơm mờ mờr 2 lồ ù lơh sa. Tam bă ù do, bal mờ ală chi tam bè: kòi sre, tơngời, bùm blàng, tu\ do, làng bol tàm [òn neh tam kơphê, cao su, tiêu mờ ờ uă chi jo\ tơngai ndai.

Ală bơta chi tam mùl màl neh geh tơnhào mờ cồng nha tơnhào uă đau. Kơnờm bơh hơ\, rài kis làng bol dê neh rơhời bơtàu tơnguh.  Ồng Đinh Lớp đơs bè do:

            {òn Krối lài do kal ke mờ r[ah ngan. Bơh tu\ dà lơgar lơh broă ntrờn làng bol ơm kis pa, rài kis làng bol neh gơguh rlau mờ hờm ram. Geh tam uă bơta chi tam den tàng tu\ do làng bol ờ gam ngòt jơgloh tai.

            Nam 2010, xã Đak Smar, geh 3 [òn là cau tàm [òn tờm, bal mờ rlau 220 hìu bơnhă, mờr 1 rơbô nă làng bol, broă lơh ntrờn tiah ơm kis pa kờ` drơng ai broă lơh hìu măy pờ tơlik ồs đèng An Khê Kang-Nak in. Uă ngan ù tiah hìu đam mìr sre lơh sa làng bol dê ơm tàm rơndăp broă lơh tơnau dơng dà hìu ma\y pờ tơlik ồs đèng do dê.

            Tơngai sơn rờp, broă ntrờn tiah ơm kis pa tìp bàr pe bơta kal ke, uă hìu bơnhă làng bol ờ bài kờ` lik bơh [òn yau. Bal mờ broă lơh ngan đah mpồl cau bơcri priă, gơnoar atbồ [òn lơgar mờ kuơ màng ngan là bơta hòi jà, lơh krơh lam lài bơh ală cau geh bơngă pin dờn, kuang atbồ [òn, cau kra [òn, ală bơta kòl yan kung neh geh bơsong. Tu\ do, làng bol ơm tàm ală [òn ntrờn ơm kis pa neh iang nùs ơm kis mờ lơh sa.

Ồng Đinh A Nhé, Bí thư chi bộ [òn Cam, xã Đak Smar, kơnhoàl Kbang, càr Gia Lai, pà g^t:

            Lài do ơm tàm tơnau dơng dà làng bol tàm xã Đak Smar kal ke mờ r[ah ngan. Bơh tu\ ntrờn ơm kis lơh sa den rài kis làng bol he dê neh gơguh di mơ đau. Dà lơgar lơh hìu ơm, sơntèk dà, tờ tơrlung ủy, Ủy ban mờ ală mpồl lơh broă bal tàm xã neh sền gròi dong kờl làng bol he dê uă ngan.

Đơs bal 4 [òn lơgar bơh xã Đak Smar dê ndrờm geh rài kis niam bè ờs. Làng bol geh lơh ngan lơh sa mờ bơtàu tơnguh lơh sa rlau tai.

            Ồng Nguyễn Quý Thao, Chủ tịch UBND xã Đak Smar, kơnhoàl Kbang, pà g^t: đơs ngan rài kis làng bol dê tàm ală [òn ntrờn ơm kis pa tàm xã neh ring niam. Xã neh mờ gam lơh ngan nàng rài kis làng bol in ngai sơlơ niam rlau tai, tàm hơ\, broă tơr gùm lơh ngan là tam gơl rơndăp tap sèng chi tam gam geh sền gròi uă ngan:

            Rơndăp broă lơh tàm tơngai mờr tus, gơ wèt mờ gơnoar atbồ [òn lơgar geh hòi jà ală hìu bơnhă geh bă ù klar den ai tam brê nàng sền gàr tiah ơm kis mờ tơnguh priă lơh geh tai làng bol in. Bă tiah lơi nđiơm gơs niam den hòi jà làng bol tam ală chi geh cồng nha lơh sa uă bè tiêu, kơphê. Ală bă ù lơi gơ kờ` mờ tam kòi sre, bol a` kung sồr làng bol ngui broă tàm kòi sre nang tơnguh tai broă lơh sa.

            Tơnơ\ 7 nam ai ù nàng lơh hìu ma\y pờ tơlik ồs đèng, rài kis làng bol ntrờn ơm kis pa xã Đak Smar, kơnhoàl Kbang neh geh ală bơta bơtàu tơnguh kơ\ kơl jăp. Tàm ù tiah do, ală chi tam jo\ tơngai gam rơhời glòm tơlir tàm mìr tàm sre, gơ jat mờ hơ\ la bơta pin dờn mờ kơ\p\ kơnờm bơh làng bol dê bè dùl rài kis hờm ram tàm tiah ơm pa do.

Cau cih mờ yal tơng^t K’ Hạnh