VOV4.K’ho - Ala\ tiah tàm càr Daklak gam mut tàm tơngai dơ\ 2 broa\ lơh bơt bơtàu [òn lơgar pa, mờ ua\ ngan kal ke neh geh sền go\ mờ ờ ua\ bơta mờng bơh geh cồng nha geh ai tơlik. Mờ tàm ờ ua\ xã tàm kơnhòal Krông Pach, càr Daklak, bơta mờng geh cồng nha dờng ngan rlau jơh, geh wa\ lơyah la: nàng lơh geh cồng nha broa\ lơh bơt bơtàu [òn lơgar pa,  tơl kơnac ù  tàm [òn lơgar neh gơ gơs la dùl pơnai bìang. Ua\ hìu nha\  làng bol tàm ala\ xã Ea Kênh, Ea Yông neh lơh geh bơta kuơ  kơnac ù pơnai bìang tu\ cồng nha mờ broa\ lơh tam bơrlu\ bal chi tam sa plai tàm suơn kơphe, tơngguh cồng nha geh nđờ rlau jơt nđờ dơ\ pơndrờm mờ mìng tam dùl bơta chi tam.

Lồi nhai 10, suơn kơphe bơh ồng Lê Hải Đăng kis tàm [òn Phước Thành, xã Ea Yông, kơnhòal Krông Pach neh go\ lip lơp ala\ ngkur plai kơphe neh dum pơrhê, ai go\ geh  yal dùl kàl tơnhàu pa. Tàm suơn, ala\ wàng iar dềt go\ rah rài tàm tiah ntê kơphe, iar tơng kà rêp chếp. Ala\ tờm sầu riêng geh tam tàm sươn gơ jơnhua rlau tàm suơn bè chi brê. Ồng Đăng ai git,  ròng iar tàm tiah mbur chi la broa\ pa lơh tơ lòng tàm nam do.  Mờ phan bơna geh  cèng ồng in ua\ ngan tơmàn pria\ tàm mờr 20 nam do, hơ\ la kơphe mờ rlau rhiang tờm sầu riêng mờ bơ Booth geh tam bơrlu\ bal tàm suơn:

Cau tam kơphe lơm den  gam bòr ngan. Mơya, tu\ do tam tai bơ Booth, tam tai sầu riêng, la go\ bơta  pas gơs. Bè a` kung blơi geh 2, 3 nơm rơndeh dờng bloh. Oh kòn 3 na\ la geh ròng khi bơsram tus gùng tus dà jơh.

Drờm bè ồng Lê Hải Đăng, ồng Ngô Văn Tam kis tàm [òn Phước Hòa kung gơ gơs cau  pas tơmàn pria\ mờ broa\ mìng tam 1 lồ kơphe geh tam bal tờm plai sầu riêng mờ bơ. Ồng Ngô Văn Tam ai git,  pah nam mờ pria\ sầu riêng bơh 20 tus 30 tơlak pria\ tàm dùl  tấn, hìu nha\ geh kờp bal bơh 600 tus 800 tơlak pria\. Nam lài,  pria\ geh  tus 1 tơmàn 200 tơlak pria\, mờ nam do geh gơguh tus 1 tơmàn 600 tơlak pria\. Pah kàl,  mìng bơh 3 tus 4 tờm sầu riêng, ồng geh tơl 1 kơi  bìang. Ồng Tam boh bơr:

Lơh bè lơi den pria\ geh bơh sơnrờp tàm tờm kơphe, dơ\ 2 la tờm sầu riêng mờ dơ\ 3 la tờm bơ. Tàm hơ\, sầu riêng   tac geh ua\ pria\ ngan, tơl tờm bè do la gơ he tac plai geh 10 tơlak pria\, dùl lồ geh pơgap di 800 tơlak pria\. Mờ kơphe, tơnơ\ geh ta\ kơphe dà lơgar in den gơ gam geh 2 tấn.

Tơnơ\ 13 nam broa\ lơh tam tờm sầu riêng bal mờ kơphe, jơh dùl tiah  tam rlau 400 lồ tàm xã Ea Yong, kơnhòal Krông Pach, càr Daklak la  drờm bè dùl tiah chi che  tàm brê mờ gơ cèng geh cau lơh sa suơn sre tus nđờ rhaing tơmàn pria\ pah nam. Jat ồng Nguyễn Phụng Minh, Bí thư Đảng ủy xã Ea Yông, do la broa\ lơh lơh sa ai go\ ngan ngồn  tàm xã dê. Mut tàm tơngai dơ\ 2 bơt bơtàu [òn lơgar pa, cồng nha do geh cèng geh xã do in geh lơh ua\ làm tàm ala\ [òn:

Bơta tềl go\ ngan bơh lơh sa suơn sre pơnrơ ngan tàm xã la  geh tam  bơrlu\ bal chi sa plai tàm suơn kơphe. Dùl lồ gơ  ai geh tơnhàu bơh 700 tơlak pria\ tus 1 tơmàn 2 rhiang tơlak pria\ mìng bơh sầu riêng, ờ hềt kờp kơphe. Gùt xã geh pơgap di 300 hìu nha\ lơh geh tus khà pria\ geh do. Tài cồng nha geh dờng  ir bơh broa\ lơh tam bơrlu\ bal, den tàng xã neh ai broa\  lơh do mut tàm nghị quyết mờ gam geh mut lơh tàm bơta  ù tiah ơnàng.

Ờ mìng la broa\ lơh mpờl go\ ngan bơh Ea Yông,  tam bơrlu\ bal sầu riêng bơkah tàm suơn kơphe gam la broa\  lơh pơnrơ ngan tàm Tây Nguyên tu\ do. Broa\ lơh do gam chồl guh geh bơta  niam kuơ bơh ù pơrhê bazan, mờ geh pria\ bơcri lơyah, cồng nha jơnhua mờ niam. Ua\ xã tàm kơnhòal Krông pach, càr Daklak mờ ala\ càr Tây Nguyên neh tus Ea Yông bơsram mờ geh lơh  ua\ broa\ lơh do tàm bơta mùl màl, mờ tiah lơi kung geh cồng nha. Dùl tàm ala\ pơnrơ ngan bơh cồng nha pa la tàm xã Ea Kênh, kơnhòal Krông Pach. Ồng Trần Thành Vinh, Chủ tịch UBND xã ai git, tàm 2, 3 nam tus,  geh kờp bal tơl na\ cau gùt xã di gơlan geh gơguh tus mờr 2 dơ\, tu\ mờr 1  rbô lồ sầu riêng tam  bal mờ kơphe gam tơnhàu plai:

Sầu riêng  tus tu\ do, xã neh geh 30 lồ, tơl lồ gơ ai tơnhàu bơh 50 tus 70 tấn. Nam 2018, geh 50 lồ mờ nam 2019 geh pơgap di 1 rbô lồ geh tơnhàu, tài làng bol cau tam bơh nam 2012. Dilah  mờ khà mờ bơta kuơ tu\ do den tàm nam 2018, 2019,  geh kờp bal tơl na\ cau gùt xã geh bơh 50 tus 70 tơlak pria\ 1 na\ cau dùl nam.

{òn lơgar pa geh tus 19 broa\ lơh pal mut lơh,  mơya jơh ala\ drờm wèt tus cồng nha lơh sa mờ bơta kơljap bơh gah lơh sa suơn sre. Plai sầu riêng đơs is, ala\ bơta chi tam tiah duh  sù ìo ua\ mìu đơs bal, drờm gơ kờ` ngan  mờ ù  pơrhê tàm Daklak, mờ  gơ tùi tam bơrlu\ tàm suơn kơphe. Mùl màl,  broa\ tam bơrlu\ do gam  ai bơta kuơ ù bazan tus mờ bơta kơp kờ` bơh tơl cau, dùl kơnac ù, dùl pơnai bìang. Dilah geh lơh ua\ mờ geh ai go\ bơta kờp du\ niam bè drà ka\ bro, do geh  gơ gơs la bơta tờm dờng ngan tàm bơt bơtàu [òn lơgar pa.

                              Cau cih mờ yal tơnggit K’ Brọp