VOV4.K’ho - Đơs tus ồng Huy (Sa\ tờm la Y Yơh Kbuôr) làng bol kòn cau Rơđê kis tàm xã Ea Tu, [òn dờng Buôn Ma Thuột, càr Daklak drờm pơnỳơ sa\ ngan, ồng la cau lơh broa\ jơh nus tài bơta ngap lơngai [òn làng, dong tơl cau lơh sa bơtàu tơngguh, mut  lơh niam ala\ gùng dà broa\ lơh bơh Đảng, adat boh lam bơh dà lơgar.

                Nam do neh mờr 80 sơnam,  mơya ồng Huy gam lơh broa\ jơh nùs broa\ lơh mpồl. Mờr 20 nam lơh broa\ gah mặt trận, Chủ tịch mpồl cau kra [òn xã Ea Tu, ồng sùm geh mblàng pơlam, lam sồr làng bol ờ pin, ờ lơh jat  cau ờ niam lơh tung lơtang [òn lơgar, tam klac sền gàr ngap lơngai [òn lơgar, lơh ngan bơtàu tơngguh lơh sa:

                A` mut lơh kra [òn, atbồ gah mặt trận [òn dê bơh nam 1988.  Bơta pràn a` dê kung ờ hoan ngan, a` kung neh ua\ sơnam bloh,  mơya a` lơh ngan, lơh ngan lơh broa\ mờ kơnòl mờ [òn lơgar. Tơl ala\ broa\ lơh bơh Đảng mờ Dà lơgar a` drờm geh mut lơh ai tơl cau tàm [òn geh lơh niam. Tàm pah dơ\ pơrjum [òn, a` kung sùm bơto bơtê mờ tơl cau tàm [òn geh mut lơh niam. Tàm pah dơ\ geh pơrjum [òn, a` sùm geh bơto bơtê tơl cau lơh ngan lơh sa,  bơtàu tơngguh phan bơna. Sền gàr ngap lơngai chính trị la dùl tàm bơta kuơ màng den tàng a` sùm geh đơs wơl  ua\ dơ\ nàng tơl cau sùm kah lơh ngan  lơh sa bơtàu tơngguh.

                Kờ` làng bol lơh jat, pin dờ`, ồng Huy sùm la cau lơh lài. Bơh rài kis lơh broa\ sa ơm kis pah ngai bè ờ `ô ơlak, ờ` chu jrào, tus broa\ geh ngui khoa học kỹ thuật tàm lơh sa tam kơphe gơ ai cồng nha jơnhua, mờ bơto bơtê kòn sau drơng broa\ bơsram sra\, lơh ngan lơh sa, lơh jat gùng dà broa\ lơh, adat boh lam bơh Đảng, Dà lơgar. Mờ lơh ngan he dê mờ bơnga\ he dê, ồng Huy neh cah r`a geh cồng nha  ua\ ngan dơ\ tam gơ jra` kơ uềng tàm [òn.

                Ồng bèp Rem atbồ [òn Kmrơng  A, xã Ea Tu ai git, ồng Huy sùm sền gròi ngan tus ala\ hìu nha\ kal ke, lam sồr làng bol lơh ngan tàm broa\ lơh sa, dong bal sang sơbì jơgloh tơmù rbah. Ồng gam nhap nhar tus bal tàm mpồl dròng cing bơh [òn dê nàng bal mờ làng bol sền gàr bơhìan yau kòn cau. Bèp Rem boh bơr:

                Tơl cau tàm [òn cau lơi kung pơnỳơ sa\ ngan bè ồng Huy. Ồng la dùl na\ cau lam lài nàng làng bol đòm jat. Ồng sùm bơto bơtê tơl cau pal git tam klac, dong bal, mut lơh jat pơrgon bơh [òn dê, sền gàr  bơhìan niam chài chài rgơi bơh kòn cau he dê. Kơnờm bơta sền gròi, bơto bơtê nền nòn ngan  bơh kra [òn, tàm [òn ờ geh cau lơi iat jat jơnau  bơh cau ờ niam, sơndra\ wơl dà lơgar.

                Xã Ea Tu, [òn dờng Buôn Ma Thuột, geh 12 [òn mờ rlau 3.400 hìu, tàm hơ\ geh 6 [òn làng bol kòn cau Rơđê geh tus mơ gùl khà kờp làng bol. Mờr 20 nam lài, do la tàm dùl mờ tiah ờ suk ngan bè ngap lơngai [òn lơgar tàm càr Daklak bơh làng bol gơbàn cau ờ niam sơmờm, hòai jà, chul chồl lơh tung lơtang. Tu\ do,  làng bol tàm xã Ea Tu sùm gàr niam nùs nhơm tam klac, gàr niam ngap lơngai chính trị, lơh ngan lơh broa\ sa. Cồng nha hơ\ geh bơta ta\ pơ gồp  ua\ ngan dà kơlhề bơh ồng Huy, dùl na\ cau sùm jơh nùs tài bơta hờm ram, ngap lơngai bơh [òn lơgar. Ồng Lưu Quang Hòa, Chủ tịch Ủy ban  mặt trận dà lơgar Việt Nam xã Ea Tu, [òn dờng Buôn Ma Thuột, càr Daklak đơs bè ồng Huy bè do:

                Ồng Huy la cau kra [òn lài do neh at  gơnoar broa\ ua\ ngan, mờ là atbồ gah mặt trận [òn, mờ la kra [òn, cau geh bơnga\ pin dờ` tàm [òn Kmrơng, Atbồ mpồl cau kra [òn bơh 6 [òn tàm xã Ea Tu. Mờ ala\ srơh tam pơr lòng kờ` gơboh dà lơgar, ala\ dơ\ lam sồr bơh mặt trận dà lơgar Việt Nam lam lơh, broa\ lơh mặt trận, ala\ broa\ lơh lơi…ồng Huy sùm geh chồl guh geh bơnga\  he dê.

                Ala\ ta\ pơ gồp bơh ồng Huy geh ua\ kơna\, ua\ gah bơh dà lơgar tus mờ car jờng. Mơya, rlau jơh mờ hơ\, gơ wèt tus mờ ồng, broa\ chờ dờng ngan pah ngai la go\ [òn  làng slơ tam gơl pa, hờm ram mờ boh gơbài rlau:

                A` chờ ngan tài tàm ala\ nam rềp do,  rài kis bơh tơl cau tàm [òn ngap lơngai, boh gơbài, ngan la tàm [òn êt ngan  geh bơta tam lah tam pờng… Làng bol tàm [òn iang nùs lơh sa, ờ cau lơi iat jat jơnau bơh cau ờ niam bè Đảng mờ Dà lơgar. 

                                    Cau cih mờ yal tơnggit K’ Brọp