VOV4.K’ho- Mho ngai 24/8, ồng Lê Văn Thành- Phó Thủ tướng Chính phủ bal mờ mpồl lơh broă neh tus lơh broă mờ càr Long An bè broă lơh rơcăng sơndră kòp Covid-19 mờ broă lơh bơtàu tơnguh lơh sa- mpồl bơtiàn bơh càr dê. Tàm dơ̆ lơh broă, ồng Lê Văn Thành đơs là, bơta kòp bơtờp tàm càr Long An gơbàn kal ke, mơya khà cau bơtờp kòp kung gam gơtùi kơryan geh sơl. Tàm tơngai tus, pal lơh jăt kràñ jơnau sồr ơm yah ngài mpồl bơtiàn...kuơmàng kờñ pal mhar lơh xét nghiệm sac rwah cau F0 tàm jơh gùt càr nàng tơrmù ƀà bơta lơh bơtờp kòp.

Mìng is ală kơnhoàl ù tiah ơm yah ngài, wàng se kờñ pal ai tơl phan sa, dà hùc ai làng bol in. Ờ mìng sền do là broă lơh sền gàr lơngăp lơngai rài kis lơm mờ gam là broă lơh rơcăng sơndră kòp sơl. Bè mpồl cau rơcăng sơndră kòp, jăt ồng Lê Văn Thành- Phó Thủ tướng đơs, Dà lơgar geh ală bơta dong kờl geh kuơ ngan, di tŭ ai ală tiah in. Bulah bè hơ̆, càr Long An kung kờñ pal rơcăng lài mpồl cau, ngui ală broă lơh nàng ai lài priă jền ai broă lơh rơcăng sơndră kòp in. Kơryan kòp bơtờp, gờñ lơh wơl broă lơh sa, kă bro.

Cau mblàng Lơ Mu K’Yến