VOV4.K’ho - Poh lài, mờ nùs nhơm pơn jăt tai tàm gơl pa, lơh niam wơl, Quốc hội neh lơh gơs 3 ngai pơrjum lùp mờ hơ jơnau lùp bè broă lơh jăt ală nghị quyết bơh Quốc hội bè sền gròi jăt tơngu me mờ lùp, hơ jơnau lùp bơh bồ tơngai lơh broă tus jơh pơrjum dơ\ 4.

Ală kuang bàng đơs niam bơnah hơ jơnau lùp bơh ală bộ trưởng, kuang atbồ gah broă neh tơl^k geh kơnòl uă, tàm nùs nhơm niam bơne\, tìp mờ ală broă di pal mờ nùs nhơm kơ\p kờ` bơh cau te\ khà gùt lơgar dê.

Kờp jơh 3 ngai pơrjum lùp mờ hơ jơnau lùp tàm Quốc hội, neh geh 135 nă kuang bàng ai jơnau lùp, geh 77 dơ\ kuang bàng tàm kơn dang. Ală kuang bàng tàm Chính phủ, tàm hơ\ geh 19 nă Bộ trưởng, Phó Thủ tướng Chính phủ Trương Hoà Bình, Vũ Đức Đam, Chánh án Tòa án nhân dân dờng rơlao jơh, Viện trưởng Viện kiểm sát nhân dân dờng rơlao jơh, Tổng kiểm toán dà lơgar neh hơ tơn jơnau lùp bè ală broă gơwèt kơnòl atbồ, đơng lam să tòm dê.

Lồi dơ\ lùp mờ hơ jơnau lùp, Thủ tướng Chính phủ neh geh jơnau đơs kờ` lơh loh tai ờ uă tơngu me gơwèt kơnòl bơh Chính phủ mờ hơ tơn ờ uă jơnau mờ kuang bàng geh lùp gơwèt mờ Thủ tướng.

Duh hồl, song dơ pă mờ niam bơne\. Hơ\ là nùs nhơm tơngo\ bal bơh ală kuang bàng bè ală ngai lùp mờ hơ jơnau lùp tàm Quốc hội. ală kuang bàng neh ai jơnau lùp tus tàm bơta tòm ngan gơwèt mờ tơl gah broă, tơl gah lơh. Ală bộ trưởng, kuang atbồ gah broă lơh kung neh hơ song dơ pă tàm ală tơngu me mờ kuang bàng sền gròi.

Ồng Phạm Tất Thắng, mpồl kuang bàng càr Vĩnh Long đơs là: Bơta pa bơh dơ\ lùp mờ hơ jơnau lùp là Quốc hội ờ lùp jăt mpồl broă mờ lùp wơl ală broă gơrềng bal tus mờ broă lơh jăt jơnau hơ bơh ală kuang bàng tàm Chính phủ dê. Uă broă “Gơbàn” tàm mpồl bơtiàn geh ală kuang bàng lùp:

-Lùp mờ hơ jơnau lùp tàm pơrjum nggùl tơngai lơh broă, den tàng broă bơyai lơh lùp mờ hơ jơnau lùp ờ ndrờm mờ pơrjum lài, ờ rơwah gah broă kờ` kuang bàng lùp mờ ală kuang bàng tàm Chính phủ hơ, mờ jơnau lùp dơ\ do geh nùs nhơm sền wơl ală jơnau neh hơ, ală mpồl broă neh geh lùp wơl.

Cồng nha lơh jăt gam pa tài ală gah broă, ală mpồl broă neh geh kuang bàng lùp dơ\ pơrjum lài. Bơta pa là ờ g^t bộ trưởng lơi geh dờp jơnau lùp bơh kuang bàng Quốc hội mờ ờ g^t broă lùp geh ai jơnau lùp gơwèt mờ Bộ trưởng bè lơi. Mờ broă lùp mờ hơ jơnau lùp bè do den Bộ trưởng ờ geh tơngai kờ` rơcang lài.

Geh uă kuang bàng đơs niam tơngu me jơnau lùp, tơngu me mblàng, hơ jơnau lùp bơh ală kuang atbồ gah broă lơh. Broă cri bơyai tơn mờ tàm kơn dang bơh ală kuang bàng kung pơgồp bal tàm broă lơh loh ală broă gam geh jơnau đơs ờ ndrờm bal, geh gal cau te\ khà sền gròi. Ồng Bùi Văn Phương, mpồl kuang bàng càr Ninh Bình pà g^t:

-A` go\ broă tàm kơn dang là pal geh. Tàm tu\ mu\t pơrjum Quốc hội khoă 13, a` neh dan pal chồl pràn broă tàm kơn dang. A` đơs là tàm pơrjum do, broă tàm kơn dang niam ngan là geh cồng nha. A` pin là, tơnơ\ mờ ală jơnau hơ tềng đăp Quốc hội, ală Bộ trưởng ờ gơtùi ơm ing mờ pal lơh ngan lơh jăt jơnau hơ do.

Broă tàm kơn dang bơh kuang bàng Quốc hội geh pơn jăt tai lơh tàm dơ\ pơrjum lùp mờ hơ jơnau lùp. Mùl màl là dơ\ lùp geh lơh uă bơta rơlao mờ nùs nhơm lơh tòm tàm hìu pơrjum. Bơh broă lơh do, ală kuang bàng Quốc hội di gơlan geh lùp tus gùng tus dà ală broă mờ kuang bàng sền gròi, geh bal mờ ală tơngu me pa geh. Ồng Phan Ngọc Thọ, mpồl kuang bàng càr Thừa Thiên Huế đơs:

-A` đơs niam bơneh kuang bàng ai broă tòm mờ mpồl bơtiàn sền gròi. Bộ trưởng mờ ală kuang bàng tàm Chính phủ hơ song dơ pă. Mơya, tàm 3 phút kờ` hơ ală jơnau geh uă den kung pal tơl tơngai kờ` ală kuang bàng hơ di pal. Bơh lài tus tu\ do, he mìng geh ai tàm broă lùp mờ hơ jơnau lùp. Mơya tu\ do tàm nggùl tơngai lùp mờ hơ jơnau lùp mpồl bơtiàn sền gròi, ờ sơbì cau lơi, do là nùs nhơm lơh broă tu\ lơi kung rơcang lài mờ ală bộ trưởng tu\ lơi kung rơcang lài.

Tơn jơh pơrjum, Chủ tịch Quốc hội mò Nguyễn Thị Kim Ngân đơs tòm, dơ\ lùp mờ hơ jơnau lùp do di gơlan geh sền là dơ\ tơn jơh ing broă sền wơl nggùl tơngai lơh broă gơwèt mờ broă lơh jăt ală nghị quyết bơh Quốc hội dê, tơl^k nùs nhơm geh kơnòl bơh Quốc hội tàm broă sền gròi tus gùng tus dà gơwèt mờ ală kơrnoăt bè ală broă kuơ màng dà lơgar dê, ală broă cau te\ khà bal mờ làng bol sền gròi.

Bơh broă lùp kuang bàng dê, broă hơ bơh ală kuang bàng tàm Chính phủ, ală kuang atbồ gah broă dà lơgar neh ai Quốc hội, cau te\ khà gùt lơgar go\ ală broă lơh ngan, geh kơnòl bơh Chính phủ, ală bộ, gah lơh broă tàm broă đơng lam, lam sồr mờ kơnòl bơh ală kuang bàng tàm broă sền gròi broă lơh jăt ală jơnau sồr bơh Quốc hội dê.

Chủ tịch Quốc hội mò Nguyễn Thị Kim Ngân sồr Chính phủ, ală bộ, gah lơh broă dà lơgar kơlôi sơnơng tơl, nền nòn ală jơnau pơgồp bal bơh kuang bàng Quốc hội, jơnau đơs bơh cau te\ khà bal mờ làng bol pơyoa tus ală dơ\ pơrjum, lơh jăt ală broă lơh geh cồng nha, chồl mhar rơlao tai broă lơh jăt mờ tơmù ală bơta gam ờ niam, ờ pràn neh geh đơs gơwèt mờ tơl gah broă kờ` yal mờ Quốc hội tàm ală pơrjum tơnơ\, lơh ngan lơh gơs mờ geh cồng nha ală khà broă, broă geh ai kờ` tơnguh bơtàu lơh sa mpồl bơtiàn jơh tơngai lơh broă mờ Nghị quyết Quốc hội neh ai, ai geh bơnàng jă kờ` dà lơgar pơn jăt tai tơnguh bơtàu kơl jăp tàm ală nam tus.

Cau mblàng Ndong Brawl