VOV4.K’ho - Mờ nùs nhơm gơboh kờ` mờ broă bơceh pa, uă nam do, pơgru Trần Văn Dũng bal mờ ală cau pơgru ndai tàm hìu bơsram Cao đẳng Kỹ thuật càr Dak Lak neh bơceh gơs g^t nđờ 10 broă bơto bơsram geh kuơ. Ală broă lơh do ờ mìng dong kờl kơnòm bơsram [uơn tàm broă wă jơnau bơsram, mờ gam g^t ngui tàm broă lơh mùl màl. “Pơgru lam kờ` gơboh mờ broă bơceh pa” là jơnau yal bè ală broă bơceh pa pơgồp bal mùl màl tàm broă bơto bơsram bơh pơgru Trần Văn Dũng dê.

Tiết bơsram lơh broă tàm gah Điện – Điện tử, hìu bơsram Cao đẳng Kỹ thuật Dak Lak gơhòi geh gal cau sền gròi, gơboh kờ` bơh ală kơnòm bơsram, cau bơsram dờng mờ broă lơh “Anih ơn rơndeh lơh is ngui PLCS7-200”. Broă lơh do ờ mìng dong kờl cau bơsram dờng wă loh rơlao bè broă lơh bơh phan lơh broă lơh lài (PLC) mờ gam geh sền go\ tơn, crăp is tơn, lơh anih ơn rơndeh is tơmù dềt. Niam rơlao tai là broă lơh do gơtùi ngui tàm mùl màl rài kis uă ngan. Cau bơsram Lê Ngọc Sang, ơdu\ 42C Điện công nghiệp, hìu bơsram Cao đẳng Kỹ thuật Dak Lak pà g^t:

-Pơgru lơh uă broă bơto bol oh in kờ` kơlôi sơnơng mờ bơsram. Bwè pơgru Trần Văn Dũng neh lơh phan lơh broă “Măy tồl pơnring ring”, “{làng ơn rơndeh geh lơh is”… ală broă lơh do geh kuơ màng mùl màl ngan tàm rài kis mờ tàm broă lơh sa mờ măy mo\k, dong kờl ală bol oh wă loh mờ kơlôi sơnơng bơceh pa broă lơh, crăp mờ lơh PLC. Broă lơh hơ\ gơboh kờ` ngan, oh kờ` bơsram bal.

Mờr 20 nam bơto tàm hìu bơsram Cao đẳng Kỹ thuật Dak Lak, pơgru Trần Văn Dũng neh kơlôi sơnơng, bơceh pa gơs rơlao 10 broă lơh, phan kờ` drơng tàm broă bơto bơsram geh kuơ màng ngan. Ală bơta phan do ndrờm geh tus bal mờ ală dơ\ pơrlòng phan bơto lơh is ală cấp, tàm hơ\ geh 5 bơta phan geh khà kơnă dà lơgar tàm ală dơ\ pơrlòg.

Geh pơnrơ ngan bè phan “Kơ [àng lơh broă uă bơta PLC geh điện”, “Kơ [àng lơh broă geh gùng che ồs đèng măy tồl pơnring”, “Phan til – pờ is”. Ală broă lơh do kờ` bơto cau bơsram dờng in g^t tàm broă lơh mờ g^t pơgồp bal lơh broă bơh ală môn bơsram tàm broă bơto gah ồs đèng dê, lơh gơs 1 mpồl pơgồp ring bal, nền nòn kờ` lơh gơs phan gơtùi ngui tàm mùl màl.

Pa do ngan, pơgru Trần Văn Dũng bal mờ ală cau pơgru ndai neh kơlôi sơnơng, bơceh pa geh cồng nha broă lơh “{làng ơn rơndeh lơh is PLCS7-200”. Phan do neh geh khà 1 tàm dơ\ pơrlòng phan bơto lơh is kơnă càr, khà 2 dơ\ pơrlòng bơceh pa kỹ thuật càr Dak Lak nam 2017.

Do là phan ngui công nghệ pa mờ ală phan lơh broă (PLC) mờ màn hình cảm ứng (HMI) pơgồp bal mờ ală phan ồs đèng kờ` lơh ală phan ndai ndrờm mờ broă lơh mùl màl. Mờ phan do, ngai 17 nhai 4 do, pơgru Trần Văn Dũng geh tus bal tàm Cung Văn hoá Lao động Hữu nghị Việt Xô, càr lơgar Hà Nội dờp khà pơrlòng bơceh pa kỹ thuật gùt lơgar dơ\ 14.

-Broă lơh do tàm tơngai kơlôi sơnơng mờ lơh gơs di pơgăp 3 nhai. {làng ơn rơndeh do ờ gơrềng tàm cau sền. cau lơi geh rơndeh dờng den geh ai 1 mã số. Tơthòt thẻ là rơndeh geh prăp, hơ\ sồng lòt drà ha là lơh broă, tơnơ\ mờ hơ\ ai tai thẻ rơthòt. Jăt mờ tu\ jơ geh kờp priă. Phan do a` đơs là niam ngan mờ gơboh ngan, tài ờ mìng drơng tàm broă bơto bơsram, mờ kờ` lam sồr ai 1 dà lơgar tơnguh bơtàu jăt broă lơh jăk chài chài rơgơi, niam; hơ\ là ba` sơgràm gùng lòt, jăt gah gùng lòt kờ` ơn rơndeh.

Jăt jơnau đơs bơh Thạc sĩ Hoàng Minh Cương, kuang atbồ hìu bơsram Cao đẳng Kỹ thuật Dak Lak yal, pơgru Trần Văn Dũng là cau lam lài geh pơnrơ ngan tàm broă pơrlòng “Bơto niam – bơsram niam”, là 1 nă cau pơnrơ jăk bè lơh broă bơceh pa.

Bơh tu\ hơ\, pơgồp bal tàm broă kơlôi sơnơng khoa học, bơceh pa kỹ thuật mờ bơceh ală phan bơto bơsram hìu bơsram dê. Thạc sĩ Hoàng Minh Cương đơs tòm, broă lơh do geh bơsram tàp broă lơh ai mpồl cau pơgru in, tơnguh cồng nha broă bơto broă lơh, mờ dong kờl hìu bơsram tơmù kal ke bè phan bơto bơsram, tàm tu\ kes priă ờ uă.

-Broă hòi jà bơh mpồl cau pơgru, công chức, cau lơh broă sa priă nhai mờ kơnòm bơsram, cau bơsram dờng tus bal lơh phan bơto bơsram, hơ\ là broă lơh kơlôi sơnơng tàm broă bơto mờ bơsram sùm geh hìu bơsram ai lơh.

Pơgru Trần Văn Dũng là 1 tàm ală cau lam lài geh pơnrơ ngan bơh ală kuang bàng atbồ, cau pơgru bơto hìu bơsram tàm broă tus bal bơceh pa kỹ thuật phan bơto broă lơh, lơh is tàm broă pơrlòng bơto niam – bơsram niam hìu bơsram dê. Dong kờl bal mờ hìu bơsram tàm broă bơceh pa, crăp ală phan kờ` drơng tàm broă bơto tu\ kes priă hìu bơsram ờ hềt geh tơl di pal.

Mờr 20 nam bơto tàm hìu bơsram Cao đẳng Kỹ thuật Dak Lak, pơgru Trần Văn Dũng neh uă dơ\ geh khà cau pơgru bơto jăk kơnă càr, kơnă dà lơgar.

Mờ nùs nhơm gơboh kờ` kơlôi sơnơng khao học, pơgru neh geh g^t nđờ 10 broă lơh geh kuơ, geh Tổng liên đoàn Lao động Việt Nam jào sră lơh broă bơceh pa, Bộ Lao động – Thương binh mờ Xã hội, UBND càr Dak Lak jào sră jờng rơ mờ dờp khà chiến sĩ thi đua kơnă càr. Mờ khà pơn jờng bal mờ cồng nha bơceh pa neh geh do, pơgru Trần Văn Dũng neh lơh gơl^k nùs nhơm gơboh kờ` bơceh pa ai ală kơnòm bơsram, cau bơsram dờng bal mờ mpồl kuang bàng, cau pơgru tàm hìu bơsram in.

Cau cih mờ yal tơng^t Ndong Brawl