VOV4.K’ho - Broă kuang bàng là “Broă tòm” bơh “Broă tòm”, tơl^k geh cồng nha ha là ờ geh cồng nha là tài mpồl kuang bàng lơh broă kuang bàng. Ngui bồ tơngoh kơlôi sơnơng Bác Hồ bè broă kuang bàng, tơngai do, Đảng neh sền kuơ broă bơto, bơtơl mpồl kuang bàng, kuơ màng là kuang bàng cấp kuơ màng. Jơnau bơsram geh ai di pal ngan tàm tơngai do pà go\, broă ai rơndăp broă, bơto, bơtơl mpồl kuang bàng cấp kuơ màng là broă lơh kuơ màng ngan.

“Kuang bàng là bơta tòm bơh ală broă”. Nghị quyết Dà lơgar 6 khoă 11 ai go\: “Kuang bàng là bơta tòm tus mờ broă lơh geh cồng nha ha là ờ geh cồng nha kăc màng, pơgồp bal mờ broă lơh Đảng, Dà lơgar bal mờ rài dà lơgar. Broă ai rơndăp broă, rơcang mpồl kuang bàng, tàm hơ\ uă ngan là kuang bàng cấp kuơ màng, geh kuơ màng ngan, là tơngu me kuơ màng, gàr niam broă kuang bàng geh niam, rơcang lài”.

Ală cấp uỷ, mpồl Đảng ngai sơlơ g^t loh rơlao broă ai rơndăp broă kuang bàng, bơto, bơtơl là broă lơh kuơ màng tàm broă kuang bàng Đảng dê, kờ` bơ\t bơtàu mpồl kuang bàng geh nùs nhơm niam, bơta pràn mờ bồ tơngoh ngăc ngar, drơng ngai sơlơ niam rơlao tus mờ broă bơ\t bơtàu dà lơgar. Bơh broă mùl màl tàm càr, Phó Bí thư Thường trực Tỉnh uỷ Phó Thọ, ồng Bùi Văn Quang đơs là:

-Bal mờ khà gơnoar pal geh tàm khà broă kờ` ai, geh sền gròi di pal mùl màl mờ gơtùi was geh. Broă lơh jăt ală khà broă pơgồp bal mờ gơnoar broă bè nùs nhơm niam, bơta pràn kuang bàng. Khà broă kung pal geh ai geh bơta was kờ` ngui tus tơl mờ kuang bàng kờ` tơl kuang bàng geh ai khà broă di pal. Mờ, broă ai khà kuang bàng pal geh lơh tòm, ring bal, tơl ală bơta tàm broă lơh, pal geh broă sền kuơ sră geh dờp.

Gam kah tàm pơrjum Dà lơgar dơ\ 6 khoă 11, tu\ rơcang broă kuang bàng ai pơrjum 12 bơh Đảng, Tổng Bí thư Nguyễn Phú Trọng tơl^k nùs nhơm kơlôi sơnơng: “Ờ lời “gơmu\t” tàm Đảng ală cau geh tơngo\ bơta ờ niam chính trị, sa kuề sa koà, geh kuơ mpồl, ai bơta niam hìu nhă tòm…”.

Mơya tơnơ\ mờ pơrjum dơ\ 12, broă kuang bàng gam “gơmu\t” kuang bàng geh tìs tàm mpồl kuang bàng, geh bal cấp Dà lơgar bal mờ ală càr, [òn dờng. Jơnau kờ` đơs ngan là, geh uă broă tìs bơh khà kuang bàng do gơbàn bơh tơngai lài, mơya tơngai lơh rơndăp broă, ha là broă lơh kuang bàng ờ go\. Geh ờ uă kuang bàng geh ai tàm rơndăp broă, den tơnơ\ mờ hơ\ geh go\ tìs mờ adăt boh lam gơbàn yă, ku\p jàm.

Pal kah ngan kuang bàng jàng lah geh uă bơta niam bè ồng Nguyễn Xuân Anh, là kuang bàng gam kơnòm să, mu\t tàm Ban Chấp hành Trung ương tu\ rơ\p 40 sơnam, mơya tơnơ\ mờ hơ\, gơbàn tơn jơh gơnoar broă Bí thư Thành uỷ, tơn jơh at gơnoar broă Uỷ viên Ban Chấp hành Trung ương, tài tìs mờ kơrnoăt tơrgùm lơh tòm mờ ală kơrnoăt bơh Đảng, Dà lơgar bè broă kuang bàng…

Hơ\ là jơnau bơsram kal ke ngan tàm broă kuang bàng. Den tàng, dơ\ do, kờ` ngan geh dùl broă rơwah kuang bàng di pal mờ geh uă nùs nhơm geh kơnòl kờ` rơcang ai khà broă kuang bàng cấp kuơ màng. Ồng Nguyễn Đức Hà, kuang atbồ Vụ Cơ sở lài do, gơwèt Ban Tổ chức Trung ương đơs:

-Broă ai khà rơndăp broă kuang bàng cấp kuơ màng mờ tơnơ\ do ală ơdu\ bơto. Khoă 12 pơn jăt tai ai khà rơndăp broă. Dơ\ do geh sền wơl, khà broă geh ai pal loh làng, broă lơh pal nền nòn rơlao, bơta niam bơh tơl gơnoar broă loh làng rơlao. Bơh pơrjum 12 tus tu\ do Bộ Chính trị, Ban Bí thư tơl^k ală kơrnoăt, tơngai lơh broă nền nòn rơlao. Đơs là “Ờ gơmu\t” mơya pa do neh lời “Gơmu\t”. Den tàng dơ\ do pal đơs tòm tai “Lơh ngan ba` lời gơmu\t”. Đơs dùl jơnau mơya lơh ờ di [uơn”.

Tàm broă sền wơl, rơwah, yal kuang bàng tơmu\t tàm rơndăp broă. Lài jơh pal sền kuơ bơta niam bè nùs nhơm chính trị, bồ tơngoh ngăc ngar, rài kis niam, g^t lơh jăt adăt boh lam, broă lam lài bơh să tòm; bơta pràn broă lơh pơgồp bal mờ cồng nha broă lơh.

Kuang bàng cấp kuơ màng pal geh nùs nhơm kơ\p kờ` tam gơl pa, tài broă tơnguh bơtàu dà lơgar, tài bơta gơboh gơbài làng bol dê. Tàm broă ai khà rơndăp broă pal geh tơnguh kơnòl bơh ală cấp uỷ, mpồl Đảng mờ ală anih lơh broă pơlam tàm broă pơgồp bal kờ` tơnguh bơta niam lùp sền kuang bàng geh ai rơndăp broă; mờ gah di kơrnoăt, tơnguh broă lơh tòm tàm broă sền gròi, ai tơl^k kơrnoăt kuang bàng geh rơndăp broă; ờ tài kờ` geh gal mờ tơmù bơta niam.

Pal geh cơ chế sền gròi ba` lời “gơmu\t” ală cau geh nùs nhơm chính trị ờ niam, nùs nhơm, broă lơh “tam gơl is”, “bơtơl is”; sơgràm broă chính trị, blơi gơnoar broă, blơi gơnoar atbồ; să tòm hàm kờ`, ờ geh bơta niam; să tòm mờ hìu nhă ờ niam, ờ lam lài lơh jăt gùng dà broă lơh bơh Đảng, adăt boh lam bơh Dà lơgar… Giáo sư, Tiến sỹ Vũ Minh Giang, Chủ tịch Hội đồng Khoa học mờ Đào tạo, hìu bơsram Đại học dà lơgar Hà Nội, Phó Chủ tịch Hội khoa học Lịch sử lơgar Việt Nam đơs là:

-Neh là kuang bàng cấp kuơ màng den dùl nùs nhơm niam kuơ màng hơ\ là geh bồ tơngoh kơlôi sơnơng nền nòn, ngăc ngar. Kờ` sền cau lơi geh tơl ngăc ngar jăk chài lah ờ den pal sền broă lơh bơh ală cau do lơh lài mờ hơ\, kung bè tàm broă lơh, kơrnoăt ha là cồng nha bơh ală cau do.

Dơ\ bàr, kuang bàng cấp kuơ màng pal g^t ngui cau jăk chài. Di gơlan lài do, cau do neh lơh broă tàm cấp do, cấp ndai mơya mpồl bơtiàn đơs là geh bơta ờ niam, rồn bơklơn cau jăk, ờ dong kờl bal, lam sồr cau jăk den ba` ai cau do mu\t tàm cấp kuơ màng, tài di gơlan lơh aniai Đảng tơn. Đơs bè ală cau jăk chài, pal geh sền wơl cau hơ\ geh nùs nhơm g^t jơnau mờ ală cau geh bơta pràn lah ờ.

Is mờ ală dơ\ lài, broă ai rơndăp broă kuang bàng cấp kuơ màng tơngai lơh broă bơh nam 2021 tus 2026 ờ gam lơh jăt bal mờ ală gơnoar broă mờ geh lơh rơhời, ai rơndăp broă gơs Ban Chấp hành Trung ương; tơnơ\ mờ hơ\ tus Bộ Chính trị, Ban Bí thư; mờ du\t ndơl hơ\ sồng là ală groăt tòm tàm Đảng, Dà lơgar.

Do là ală broă rơcang mpồl kuang bàng kờ` geh bơto, bơtơl, tơlòng, lơh tơngu me ai broă lơh kuang bàng pơrjum dờng 13. tềng đăp mờ broă kờ` tơnguh bơtàu dà lơgar kơl jăp mờ tơrgùm bal dunia uă, pal geh bơta niam gơwèt mờ kuang bàng cấp kuơ màng uă rơlao, tơl ală bơta rơlao.

Cau mblàng Ndong Brawl