VOV4.K’ho - Bơta tòm broă bơ\t bơtàu adăt boh lam tàm poh lài, ală kuang bàng Quốc hội cri bơyai bè rơndăp broă adăt sơndră, tam dră mờ sa kuề sa koà tam gơl. Jăt ală kuang bàng yal, pal geh ală kơnroăt nền nòn, loh làng bơh broă yal phan bơna, bơsong phan bơna yal, ală cơ chế sơndră mờ sa kuề sa koà… kờ` broă sơndră mờ tam dră mờ sa kuề sa koà geh cồng nha tàm tơngai tus.

Bơh cri bơyai, ală kuang bàng đơs là, rơndăp broă adăt pal geh pơn jăt tai iăt, lơh niam wơl kờ` tơmù ờ uă kơrnoăt gam ờ nền nòn. Mùl màl bè cau yal phan bơna geh, ờ uă kuang bàng ring bal mờ gùng dà broă pờ ơnàng cau yal phan bơna kờ` wèt tus ală kuang bàng, công chức ndrờm pal geh yal phan bơna. Mơya kung mìng pal pờ ơnàng broă yal gơwèt mờ cau geh dờp priă groăt atbồ kờ` pleh mờ broă yal uă ir, kal ke tàm broă sền gròi. Mò Tô Ngọc Hạnh, mpồl kuang bàng càr Bình Phước đơs:

-A` gam ờ su\k bè broă lơh jăt bơh ală anih lơh broă geh jào sền gròi phan bơna mờ broă rơwah khăt bè cau geh sền gròi. A` dan ơla mờ broă rơwah khăt bè mờ broă ngui broă sền gròi mờ tam cah ală mpồl cau yal. Tàm ală bơta yal, kuang bàng geh gonar tàm ală cấp, kuang bàng, công chức bè ờs, viên chức geh at gơnoar.

Ala mờ broă ai tơl^k mùl màl anih lơh broă pal yal phan bơna tàm adăt boh lam, gơtùi lơh tai ală broă, ai tai khà măt bal mờ ală anih lơh broă pal kah tàm broă geh ai sền kờ` g^t phan bơna geh là 1 broă lơh, 1 broă kờ` atbồ cau yal phan bơna jăt mờ gùng dà broă lơh do.

Đơs là 2 gùng dà broă lơh bè anih lơh broă sền gròi phan bơna geh tàm rài kis broă lơh sa gam ờ di pal, Mò Cao Thị Xuân, mpồl kuang bàng càr Thanh Hoá đơs:

-Dùl gùng dà broă lơh ndai di gơlan geh sền là lơh gơs 1 anih lơh broă krơi is bè broă do. Gùng dà broă lơh do là di pal mờ ală broă kờ` bè gàr niam broă lơh is pal geh, tơmù ờ uă ngan broă sơmờm bơh ală anih lơh broă, mpồl lơh broă, tàm hơ\ uă ngan là cau geh kơnòl gơrềng tàm broă lơh do, bơh tu\ hơ\ geh hơ uă rơlao mờ bơta di pal, ndrờm bal.

Mơya, bơta ờ niam bơh gùng dà broă lơh do là pal lơh geh 1 anih pa bơcri priă bè biên chế, phan bơna, priă ờ di pal mờ nùs nhơm Nghị quyết sồ 18 bơh mpồl đơng lam Đảng dà lơgar bè tam gơl pa, rơndăp săp sèng ală broă lơh chính trị dê. Mơya, a` đơs là, bè jo\ jòng gùng dà broă lơh 3 do pal kơlôi sơnơng nền mờ sền wơl broă gơrềng tus bal tơl ală bơta.

Tàm pơn dang mờ mò Cao Thị Xuân, ồng Nguyễn Văn Pha, mpồl kuang bàng càr Nam Định đơs là:

-Tu\ do tàm lơgar he gam geh 3 anih lơh broă sơndră, tam dră mờ sa kuề sa koà cấp cục, hơ\ là tàm Thanh tra Chính phủ, Viện Kiểm sát nhân dân dờng rơlao jơh, Bộ kuang àng.

Di lah he lơh ngan lơh 1 anih lơh broă pa bè lo\ Xuân đơs den pal ai cau bơh 3 anih lơh broă hơ\ geh broă lơh tòm, geh broă mờng chài mờ ờ tơnguh tai biên chế. A` dan Quốc hội pal crơng gơs 1 anih lơh broă sền gròi priă geh bơh kuang bàng, công chức mờ dờp broă đơng lam bơh Uỷ ban Thường vụ Quốc hội dê.

Bè gùng dà bơsong phan bơna geh yal ờ loh làng ha là phan bơna geh tai mờ cau yal ờ yal jơh di pal bơh ală bơta phan do, ală kuang bàng đơs là, do là tơngu me kal ke, mpồl sền sơwì pal kơlôi sơnơng kờ` geh ală kơrnoăt di pal, di mờ sơnoa boh lam, di mờ adăt boh lam.

Ồng Lê Anh Tuấn, mpồl kuang bàng càr Hà Tĩnh, kờ` mờ gùng dà broă lơh 1 bơh rơndăp broă geh ai: gơwèt mờ phan bơna, priă geh mờ cau geh kơnòl yal, ờ yal jơh di pal bè bơta geh phan bơna, mơya dà lơgar kung ờ hềt g^t phan bơna do geh bơh broă lơh di mờ adăt boh lam, den tềng đăp măt, gơtùi sền do là ală phan geh, geh tai mờ cau yal ờ hềt tă dia mờ sồr cau do pal tă dia là di pal tàm bơta tu\ do. Mờ ồng Lê Anh Tuấn sồr tai:

-Di lah rơwah gùng dà broă lơh do pal kơlôi sơnơng nền nòn tàm tơngu me tam cah is bơh phan bơna geh yal ờ loh làng mơya di mờ adăt boh lam mờ phan bơna geh tai mờ cau yal ờ yal jơh bè phan bơna do.

Bè kơrnoăt phan bơna geh pal tă dia mìng là phan bơna geh di mờ adăt boh lam. Jăt mờ hơ\, gơwèt mờ phan bơna geh yal ờ loh làng mơya di mờ adăt boh lam hơ\ sồng g^t hơ\ là broă dô ờ tă dia.

Gơwèt mờ phan bơna geh tai mờ cau yal, ờ yal jơh bè bơta tòm phan hơ\ pal geh lùp sền, kờ` g^t bè bơta tòm bơh phan bơna hơ\, bơh tu\ hơ\ geh g^t bè di adăt boh lam ha là ờ di mờ adăt boh lam phan bơna geh tai do.

Uă jơnau đơs là, sơndră mờ sa kuề sa koà pal loh làng, ndrờm bal bè broă lơh, lơh broă bơh ală anih lơh broă dê. Bơh tu\ hơ\, wèt tus broă lơh loh làng bè kơnòl, gơnoar, bơta kuơ bơh kuang bàng, công chức, viên chức mờ broă ngui phan bơna pah nam bơh anih lơh broă, mpồl lơh broă.

Mơya jăt ồng Lê Thành Công, mpồl kuang bàng càr Vĩnh Long đơs bè broă yal loh làng bè tàm rơndăp broă adăt gam mìng lơh gời, kal ke ngan kờ` lơh jăt:

-Broă yal loh làng pal ơm tàm bơta yal, lir tàm anih lơh broă, mpồl lơh broă, jăt kơroăt tàm điểm a, điểm b bơh khoản 1 là tơl.

Yal loh làng mờ broă yal loh làng, yal tàm ală anih yal tơng^t, yal mờ sră nggal tus mờ ală anih lơh broă, l^p gơs sră bè geh ai tàm điểm c, điểm d, đ, g là ờ geh kuơ.

Den tàng a` dan sơbì ală điểm do tàm khoản 1 bơta 10. Di lah kờ` g^t bè gơnoar, kơnòl cồng nha lơh jăt ală bơta broă bơh 1 mpồl lơh broă lơi, den ngui bơta 13 tàm adăt do là di.

Cau mblàng Ndong Brawl