VOV4.K’ho - Poh lài, Quốc hội cri bơyai tàm hìu pơrjum dờng bè rơndăp broă adăt bơto bơtê tam gơl. Bơta niam broă bơto bơtê, broă lơh sră măy; Gùt mpồl bơtiàn tus bal mờ broă bơto bơtê; Pơrlòng, sền wơl jơnau bơsram; Khà di pal cau pơgru… là ală tơngu me geh uă kuang bàng tơrgùm cri bơyai.

Rơndăp broă adăt bơto bơtê tam gơl geh 10 tăp, 121 bơta, tàm hơ\ tam gơl, bơtơl 75 bơta neh geh rơndăp sắp sèng ală tăp, đah, bơta, sèng di pal. Uă kuang bàng đơs, rơndăp broă adăt neh pơn jăt tai broă lơh di pal, ală bơta niam bơh adăt bơto bơtê tu\ do. Mơya, geh ờ uă kuang bàng ờ su\k ơm tài bơh rơndăp broă adăt gam ờ gơtùi tơl^k gùng dà broă bơto bơtê lơgar Việt Nam là bè lơi.

Ồng Trần Văn Nam, mpồl kuang bàng càr Bình Dương đơs là, bơta niam broă bơto bơtê neh geh sền là gùng dà broă lơh tàm ală broă bơto bơtê, geh bơ\t bơtàu tàm 4 bơta tòm là cau, khà broă lơh, tơngu me broă lơh mờ broă bơto bơtê. Pơn drờm mờ khà broă lơh, tơngu me broă lơh mờ gùng dà broă bơto bơtê dơ\ do mờ adăt bơto bơtê geh Quốc hội ring bal pơgăp mờ do 20 nam gơlơh bè ờ tam gơl uă.

Poan bơta tòm kờ` lơh gơs bơta niam broă bơto bơtê tàm rơndăp broă adăt neh loh làng, geh uă bơta niam mơya jơh ală bơta tơnơ\ mờ hơ\ ờ geh gùt dar 4 bơta tòm do mờ gơlơh bè mìng tơrgùm bơsong ală broă. Ồng Trần Văn Nam đơs là:

-Ală bơta tòm geh ai mờ tam gơl pa bè lơi kung ờ sơlèt mờ nùs nhơm niam bal mờ bơta ngăc ngar mờ hơ\ là bơta geh, bơta tòm là bơta niam broă bơto bơtê. Quốc hội neh lơh ngan ai geh 1 dơ\ tam gơl tơl ală bơta den kung pal ai 1 dơ\ tai kơlôi sơnơng is kờ` geh 1 rài bơto bơtê di pal tus mờ ală jơnau kờ` mờ bơta niam bơh broă lơh dơ\ do dê.

Mpồl bơtiàn kơ\p gơn neh jo\ kờ` geh dùl bơta niam broă bơto di pal, tơrgùm bơh bơta chài rơgơi ờs mờng lài do dà lơgar dê mờ nùs nhơm kơlôi sơnơng bơh rài pa kờ` tơwèt gùng dà ai 4 bơta tòm mờ ală jơnau hơ di pal ai jơh broă lơh adăt boh lam in geh tơl naim broă lơh di mờ nùs nhơm bơh bơta niam broă bơto bơtê hơ\ dê. Lơh geh broă bơsram sră bơh tơl nă cau là pal wèt nùs nhơm niam, gơs kòn bơnus jăk chài mờ bơ\t bơtàu dà lơgar.

Ồng Nguyễn Ngọc Bảo, mpồl kuang bàng càr Bắc Ninh đơs là, rơndăp broă adăt bơto bơtê tam gơl tơl bơta mơya uă tơngu me lơh ờ su\k ơm tàm mpồl bơtiàn tơngai do ờ hềt geh đơs tus mờ bơsong broă bơto bơtơl mờ bơsram bơtơl:

-Gơwèt mờ broă bơto bơtơl, bơsram bơtơl rơndăp broă adăt mìng geh ai cau pơgru ờ geh broă rồn bơklơn kơnòm bơsram, bơsram bơtơl kờ` geh priă. Kơrnoăt do ờ bơsong jơh broă do mờ kal ke tàm broă lơh jăt tài kal ke tàm broă tam cah is bè là rồn bơklơn mờ bè lơi là lơh is.

Broă bơto bơtơl geh lơh gơbàn uă ir mờ ờ tơl niam ai kơnòm bơsram in geh nhơl chờ, tơnguh bơtàu tơl ală bơta, ai geh bơta rồn bơklơn bè khà priă tă hìu nhă dê. Mờ lơh gơbàn ờ niam tus mờ bơta niam tàm broă bơto tòm. Den tàng a` sồr geh tơl^k loh tàm rơndăp broă adăt bè broă ờ ai cau pơgru bơto bơtơl kơnòm bơsram bơdìh mờ hìu bơsram mờ bơto sồr broă lơh glài di lah geh tìs.

Gơrềng tus mờ tơngu me bơcri priă, broă priă jền tàm broă bơto bơtê, ồng Nguyễn Thanh Hiền, mpồl kuang bàng càr Nghệ An đơs là, tơngai do, broă sơgràm tă priă tàm ală hìu bơsram lơh ờ su\k ơm tàm mpồl bơtiàn geh bơta tòm bơh broă ală hìu bơsram ờ tơl priă tàm broă bơyai ală broă bơto bơtê. Broă hòi jà mpồl bơtiàn tă priă gam lơh jăt broă “lơh ndrờm bal” bơh ală kơnòm bơsram, lơh tìs mờ khà broă lài ngan bơh gùng dà broă lơh gùt mpồl bơtiàn tus bal mờ broă bơto bơtê mờ bơsram.

Den tàng, ồng Nguyễn Thanh Hiền sồr pal kơlôi sơnơng kờ` geh kơrnoăt bè gùt mpồl bơtiàn tus bal mùl màl kờ` hòi jà geh bơta pràn tàm làng bol tus bơcri priă ai broă bơto bơtê mờ pleh mờ bơta ală hìu bơsram sơgràm tă priă tàm bồ nam bơsram:

-Rơndăp broă adăt pal kơlôi sơnơng kờ` geh ală kơrnoăt di pal kờ` lơh niam wơl broă ờ ndrờm bal, kal ke tàm mpồl bơtiàn bơh ală tiah mờ geh broă lơh glài, cơ chế atbồ sền gròi priă tă, ngui bơta pràn mpồl bơtiàn tus bal.

Bơta ndai pal geh ai tơl^k tai broă lơh jăt kes priă tă hìu bơsram pah nam ai ală cau kờ` gàr niam broă ndrờm bal tàm broă lơh jăt kơnòl kờ` ală hìu bơsram geh tơl bơta pràn lơh broă, bơcri priă lơh niam phan bơna tàm tu\ kes priă dà lơgar gam ờ uă. Mờ geh broă tơmù ha là ờ tă ai ală kơnòm bơsram là hìu rơ[ah, hìu nhă geh sră dong kờl bơh dà lơgar di pal.

Bè ală bơta gơrềng bal tus mờ broă lơh sră măy, uă kuang bàng sồr pal geh ai cơ chế kờ` gàr niam broă ring bal tàm broă sền sơwì mờ ngui sră măy; bè broă ală mpồl lơh broă, ală cau sền sơwì sră măy; Bè mpồl duh broă bal mờ broă sền kờ` g^t, gàr niam broă ndrờm bal tàm broă sền kờ` g^t, k^ ai ngui sră măy.

Geh ờ uă kuang bàng sồr ba` geh ai gùt mpồl bơtiàn tus bal tàm broă lơh sră măy, tài bơta ngăc ngar, nùs nhơm tơn wèt broă lơh, nùs nhơm ring bal kal ke kờ` geh gàr niam ală khà broă neh geh ai broă bơto bơtê in, tàm hơ\ kuơ màng là bơto bơtê phổ thông. Bè đah ală hìu bơsram kung kal ke tàm broă rơwah geh sră măy kờ` bơto di pal. Mò Hứa Thị Hà, mpồl kuang bàng càr Tuyên Quang đơs:

-Broă rơwah broă măy di pal mờ kơnòm bơsram là niam ngan. Mơya, a` go\ broă lùp sền jơnau đơs bơh ală kơnòm bơsram bal mờ mè bèp kơnòm bơsram là ờ hềt di pal. A` ờ g^t loh kơnòm bơsram mờ mè bèp kơnòm bơsram tàm rơndăp broă adăt geh đơs tus là mpồl cau lơi, ha là pah nam geh ai jơnau đơs bơh kơnòm bơsram bal mờ mè bèp kơnòm bơsram kờ` rơwah sră măy tàm broă bơto kơnòm bơsram hơ\.

Di lah bè hơ\, lơh kal ke uă ngan, ờ gơtùi lơh jăt, rơlao mờ hơ\ tai, kơnòm bơsram bal mờ cau mè bèp geh tơl ngăc ngar bal mờ tơl pràn lah ờ kờ` pơgồp bal jơnau đơs, rơwah sră măy niam mờ di pal.

Mò Tôn Ngọc Hạnh, mpồl kuang bàng càr Bình Phước, ồng Lê Quân, mpồl kuang bàng [òn dờng Hà Nội mờ uă jơnau đơs sồr ai lài broă tam cah is, pal kah tus mờ ală kơnòm bơsram tu\ jơh 15 sơnam ờ tơl ngăc ngar kờ` mu\t bơsram cấp 3 mờ bơsram broă lơh.

Đơs tus mờ broă geh uă kơnòm bơsram gam ờ g^t bè tơngu me bơsram sră là bè lơi mờ mìng tơrgùm bơsram kờ` pơrlòng, uă kuang bàng đơs là rơndăp broă adăt pal geh kơlôi kờ` ai geh tơngu me bơsram sră ai kơnòm bơsram in loh làng rơlao. Tơnơ\ mờ tơngai bơsram ndrờm geh sền wơl, pơrlòng, mơya pal bơyai lơh pơrlòng di pal, sền wơl di mờ mùl màl mờ ờ gơbàn hoàc huơr bè tơngai, bơta pràn priă jền làng bol. Pơgồp bal jơnau bè dơ\ pơrlòng jơh bơsram cấp 3 dà lơgar tu\ do, ồng Cao Đình Thưởng, mpồl kuang bàng càr Phú Thọ đơs:

-A` den tus do ba` bơyai lơh pơrlòng jơh bơsram cấp 3 dà lơgar bè tu\ do tai. Broă sền kờ` g^t mờ bơyai lơh pơrlòng jơh bơsram cấp 3 pal jào ai ală Sở Giáo dục mờ Đào tạo, ală hìu bơsram phổ thông ală càr, [òn dờng in lơh is mờ sền gàr broă pơrlòng.

Mìng geh bơyai lơh 1 dơ\ pơrlòng dà lơgar kờ` rơwah kơnòm bơsram mu\t bơsram tàm ală hìu bơsram đại học. Broă do pal geh bơyai lơh nền nòn bơh broă ai tơngu me jơnau pơrlòng, sền pơrlòng, ai khà pơrlòng, rơwah, lơh bè lơi kờ` rơwah di cau, sơbì bơta ờ niam, kờ` cau lơh broă pơrlòng ờ gơbàn bơta ờ niam, ờ khin lơh broă ờ niam mờ ờ kờ` lơh broă ờ niam.

Cau mblàng Ndong Brawl