VOV4.K’ho- Ơ làng bol mờ gơp bơyô! Là [òn lam lài tàm srơh bơt bơtàu [òn lơgar pa bơh xã Dak D’rô, kơnhoàk Krông Nô, càr Dak Nông dê, [òn K62 geh bơcri priă lơh gùng lòt niam, geh uă ngan broă lơh dong kờl làng bol bơtàu tơnguh lơh sa geh lơh di tu\ tơn. Hơ\ là broă lơh lam lài kuơ màng nàng dong bơtàu tơnguh lơh sa, tơnguh rài kis niam ai làng bol in tàm tiah kan kư\ kac màng do in.

Tàm gùng lòt betông gam bô dà sơmang pa ngan, kra [òn Y’Ban chờ hờp đơs: geh gùng lòt niam, mho lơi 2 nă ùr bơklau ồng dê kung jra gai lòt gùt dar [òn. Kah wơl tơngai gùng lòt lài hơ\, ồng đơs dilah ờ geh broă lơh [òn lơgar pa, tu\ do, ồng gam tàm hìu mờ til kơ\ mpồng tài bơh uă  gơthul kơmbuh ngan.

Lài  do, den kal ke ngan, tu\ ờ hềt geh gùng lòt niam den tu\ trồ mìu lòt rê buơn ngan ntiar gơ chồt, lòt sùm bè hơ\ den ngòt rơngơ\t ngan. Tơnơ\ tu\ geh gùng lòt do, pa lơh gơs bàr pe ngai do den chờ hờp ngan, lòt rê khat gơboh, trồ mang lòt ờ rơngòt bơs kăp, ơruh pơnu lòt rê ờ rơngòt gơtìp tam tơm rơdeh tai, geh gùng den tơl bơta kung geh buơn rlau sơl.

Ờ mìng geh bơcri priă lơh gùng lòt lơm gời, [òn K62 kung gam geh bơcri priă lơh dùl  blàng tiah cri tơr`a mpồl bơtìan in bal mờ bă ù 4 sào. Tu\ lơh gơs, do geh là tiah làng bol tus đơs crih tam ya, tàp pràn să jan. Bal mờ broă bơcri priă lơh phan bơna, broă dong kờl rài kis dong làng bol bơtàu tơnguh lơh sa kung geh dà lơgar sền gròi uă ngan.

Tàm tơngai pa do, [òn K62 neh crơng gơs tổ hợp tác ròng kơnrồ, mờ 24 nă cau. Bơh khà priă bơt bơtàu [òn lơgar pa, xã Dak D’rô neh ai 12 nơm kơnrồ dong kờl ai ală hìu bơnhă ròng jat broă tàm trờn bal. Ngan ngồn, tơnơ\ tu\ kơnrồ deh kòn  dơ\ 2 den ai kơnrồ me ai hìu bơnhă ndai in ròng tai.

Là dùl tàm ală hìu geh dờp ròng kơnrồ bơh sơnrờp, tus tu\ do, hìu bơnhă bi Y’ Kim Êban neh geh tai dùl nơm kơnrồ kòn. Bi Y’ Kim Êban đơs:

Mè bèp a` sền gròi niam ngan, sền gròi kơnrồ bè sền gròi cau tàm hìu bơnhă tơn. Tơnơ\ tu\ kơnrồ deh kòn den jơh tơl nă cau tàm hìu ndrờm chờ hờp lơm. Dà lơgar sền gròi, ai he in kơnrồ nàng ròng, nàng bơtàu tơnguh lơh sa bè hơ\ den niam ngan.

Jat mò H’Rem, Bí thư Chi bộ [òn K62 yal, bơh di tu\ jơh bal mpồl bơtìan sơm bat tê bal bơt bơtàu [òn lơgar pa, rài kis làng bol dê geh uă bơta tam gơl, tu\ do priă lơh geh kờp bal tơl nă cau nam 2017 geh 15 tơlak priă tàm dùl nam, khà hìu bơnhă r[ah mìng gam 13%:

Srơh bơt bơtàu [òn lơgar pa tàm tiah bol a` dê geh uă cồng nha niam ngan. Tus tu\ do neh geh uă bơta tam gơl pa bè tơl gah, rài kis làng bol neh geh bơta tam klăc, ring bal bè broă tă pơgồp, bơt bơtàu hìu ơm, lơh gùng lòt… Tu\ do neh geh gùng lòt den hơ\ sồng broă lòt rê kung geh buơn ngan .

Ală bơta tam gơl pa niam ngan bơh [òn K62 dê neh tă pơgồp uă ngan tàm bơta lơh geh cồng nha broă lơh bơt bơtàu [òn lơgar pa tàm xã Dak D’rô. Tu\ do neh geh 11 tàm 19 broa\ lơh tơl khà [òn lơgar pa. Tàm nam 2018 do xã neh ai jơnau kờ` geh tai 4 broă lơh dà lơgar, hơ\ là: broă lơh hìu bơsram, broă lơh Sơnơm tơmba, broă lơh tiah ơm kis mờ broă lơh ròt chính trị mờ adat boh lam.

Ồng Ngô Doãn Lịch, Phó chủ tịch UBND xã Dak D’rô pà g^t, xã gam lơh ngan tus nam 2020 lơh sir broă lơh [òn lơgar pa:

Nàng lơh gơs ală broă lơh gam wơl den bol a` pal geh bơta lơh bal jơh dùl ròt ală broă lơh chính trị mờ geh bơta tă pơ gồp bal bơh làng bol dê.  Dơ\ 2 tai là, Đảng uỷ, Hội đồng geh đơng lam nền nòn rlau tai kờ` srơh [òn lơgar pa geh uă tàm rài kis làng bol dê. Dơ\ 3 tai là, UBND xã geh lơh bơh broă lơh dềt rơhền tus tàm broă lơh dờng, ai tơngo\ bơh ală broă lơh ngan ngồn.

Gơ wèt mờ ală broă lơh neh geh tơl khà den bol a` lơh ngan gàr niam nàng broă lơh do in kơ\ kơl jap rlau tai. Gam broă lơh ờ hềt gơ tùi lơh den bol a` lơh lài ală broă lơh mờ làng bol lơh is gơ tùi  lơh geh…

Bal mờ bơta geh bal ngai sơlơ uă ngan ală hìu dờng niam, broă lơh mpồl bơtìan drơng broă phan bơna mờ nùs nhơm bơh làng bol dê, rài kis tơl hờm ram gam hời rơhời geh tus tàm tiah sar lơgar ngài Dak D’rô, kơnhoàl Krông Nô, càr Dak Nông dê, là tềl tơngo\ loh làng ngan bè cồng nha bơh broă lơh bơt bơtàu [òn lơgar pa…

Cau cih mờ yal tơng^t K’ Hạnh