VOV4.K’ho- Bơdìh mờ lơh gơs jak ngan kơnòl broă pơlam tàp ling, rcang lài tam lơh, ală nam pa do, Gah đơng lam mpồl ling klàng kơnhoàl Cư\ Mgar, càr Dak Lak gam mut lơh geh cồng nha broă lơh lam sồr làng bol pơgồp bal mờ sền gàr tơl niam rài kis mpồl bơtìan mờ ală broă lơh ngan ngồn bè: lơh hìu nùs nhơm, lơh gùng lòt tàm [òn, pà chi sơn tìl, kham mờ pà sơnơm sơm kòp ờ sa priă… ai làng bol tàm tiah do in. Bơh hơ\, pơgồp niam ngan tàm broă lơh tơn jơh jơ gloh tơrmù r[ah tàm [òn lơgar do.

Kàl mìu do, ùr bơklau cau ling sồt să, Ơruh pơnu lam lài lài do mò H’ Ber Byă mờ ồng Y Đia Êban ( Cau Rơđê), ơm tàm [òn Pôch B, thị trấn Ea Pôch, kơnhoàl Cư Mgar, ờ gam kơ lôi  tai bè hìu ơm neh sèt mờ `hat dà mìu. Nam do neh rlau 60 sơnam, să jan ờ gam pràn, priă dong kờl pah nhai ờ tơl nàng rcang tàm rài kis 2 nă ùr bơklau dê, tàm tu\ gam pal ròng siam 4 nă kòn.

Mò H’ Ber Byă đơs, bơh lài tus tu\ do, ùr bơklau bol glar kal ke ngan hơ\ sồng geh tơl phan sa, phan soh, ờ geh tu\ lơi kơ lôi tus broă lơh hìu ơm. Bơklau là cau ling sồt să, ờ gam tơl pràn nàng lơh broă tai, mờ ờ bơtoah ngan gơbàn rơndeh tơm, rài kis sơlơ kal ke rlau tai. Bồ nam do, Gah đơng lam Mpồl ling klàng kơnhoàl Cư Mgar dong kờl hìu bơnhă 80 tơlak priă, ai dùl mpồl tiểu đội mù lơh broă dong kờl hìu bơnhă lơh mờ pà hìu ơm ơnàng 100 thơk vuông. Mò H’ Ber Byă đơs:

 A` lài do hìu bơnhă r[ah ngan, bơklau gơtìp rơndeh tơm den mìng ơm dùl anih lơm, bơh nam 2007 tus tu\ do bồ tơngoh ờ kah phan lơi tai mìng ơm dùl anih lơm. Lài do hìu ơm lơh mờ mpàn `hat dà mìu den mpồl ling neh lơh hìu ơm ai hìu bơnhă a` in, dilah ờ geh bơta dong kờl do den a` kung ờ khin kơlôi là geh hìu sơmang nàng ơm, tài  a` là  cau ùr neh kra. A` ưn ngài mpồl ling klàng kơnhoàl Cư Mgar neh lơh hìu ơm do ai hìu bơnhă a` in.

5 nam do, Gah đơng lam Mpồl ling klàng kơnhoàl Cư Mgar lơh geh cồng nha broă lơh lam sồr làng bol pơgồp bal mờ sềr gàr tơl niam rài kis mpồl bơtìan  

Hìu bơnhă bi H’ Mui Niê, cau Rơđê là dùl tàm ală hìu gam kal ke ngan rlau jơh tàm [òn Pôch B, thị trấn Ea Pôch, kơnhoàl Cư Mgar. Priă lơh geh tờm bơh hìu bơnhă bi mìng kơnờm tàm 2 sào ù lơh kòi sre mờ priă lơh ơpah bơh  ùr bơ klau bi dê. Bồ nam 2016, Gah đơng lam Mpồl ling klàng kơnhoàl Cư Mgar dong kờl hìu bơnhă bi in 2 nơm be sơntìl mờ 2 tơlak priă lơh wàng ròng be.

Bi H’Mui Niê pà g^t, kơnờm geh mpồl ling pơlam broă sền gròi den tơnơ\ mờr 2 nam, be  ròng  neh deh 4 kòn, pah dơ\  deh 2 kòn, pơgồp uă ngan tàm priă lơh geh hìu bơnhă dê.

 “ Mpồl ling klàng kơnhoàl Cư Mgar neh pà hìu bơnhă bol a` in 2 nơm  be me  ròng nàng bơtàu tơnguh lơh sa. Hìu bơnhă a` kung dờp wơl 2 nơm kòn be ai cau ling in. Bol a` neh ta\c 4 nơm be geh 7 tơlak priă, tu\ do bol a` gam ròng 3 nơm  be. Bơdìh hơ\ tai cau ling gam pà priă blơi sơlo lơh wàng be in. Kơnòm geh tai khà priă ta\c be mờ hìu bơnhă tơrmù dimơ kal ke. A` ưn ngài cau ling uă ngan”.

Pơgap 1 rơbô ngai lơh broă neh geh lam sồr nàng lơh gùng lòt tàm [òn

Jat ồng Trần Đăng Quế, Bí thư Đảng ủy thị trấn Ea Pôch, ală broă lơh bơtàu tơnguh lơh sa bơh Gah đơng lam Mpồl ling klàng kơnhoàl Cư Mgar dê lam lơh dong kờl tàm ală nam do neh dong kuơ ngan ai làng bol tàm tiah do in. G^t nđờ jơ\t hìu bơnhă chính sách neh geh hìu ơm kơl jap, uă hìu bơnhă làng bol kòn cau r[ah neh geh tơl bơta bơtàu tơnguh lơh sa brồ guh.

“Gah đơng lam Mpồl ling klàng kơnhoàl neh lam lơh dùl ròt uă tơngume bè: dong kờl chi sơntìl, phơng sih, ală kơnrồ sơntìl, be sơn tìl niam cèng wơl cồng nha lơh sa uă  nàng làng bol lơh jat: bơdìh hơ\ tai gam ai kuang bàng, cau ling geh bơta jak chài, g^t wă bơta chài lơh sa suơn sre tus tơn  nàng pơlam làng bol. Kuơ màng, ală cau ling ờ ngòt kal ke, bòl glar neh mù tơn tàm [òn ơm bal sa bal mờ làng bol tàm [òn nàng dong làng bol, do là ală broă lơh geh pơrya niam dong làng bol brồ guh lik klàs r[ah”

Gah đơng lam ling klàng kơnhoàl Cư Mgar pà be ai hìu bơnhă r[ah tàm [òn Pôch B.

5 nam do, Gah đơng lam Mpồl ling klàng kơnhoàl Cư Mgar neh pà 10 nơm hìu nùs nhơm, kờp mờ khà priă rlau 800 tơlak; pà rlau 30 nơm kơnrồ sơn tìl, g^t nđờ jơ\t yô be me mờ ală bơta chi sơn tìl bè: Kơphê, tiêu, kòi, tơngời sơntìl pa. Mpồl hòi jà g^t nđờ rơbô dơ\ kuang  bàng, cau ling tus bal lơh broă lơh gùng lòt tàm [òn, dong kờl lơh geh 1.400 thơk gùng bê tông kờp mờ khà priă rlau 250 tơlak. Mơkung, bơyai lơh kham sơm kòp mờ pà sơnơm ờ sa priă ai mờr 500 nă làng bol kòn cau r[ah in mờ ală hìu bơnhă chính sách.

Pa do ngan rlau jơh, di dơ\ tơngkah 71 nam Ngai cau ling sồt să cau ling chơ\t màng, mpồl tă rlau 100 tơlak priă nàng lòt còp, pà phan ală mè Việt Nam khin cha jak chài in, Cau ling phàu crong khin cha jak chài, cau geh màng mờ dà lơgar, cau ling kòp tê jê să mờ cau pròc mhàm mờ ală hìu bơnhă cau ling chơ\t màng tàm tiah do dê.

Pà kơnrồ ròng dong kờl lơh sa ai làng bol tàm ù tiah lơh pồs đồng dê 

Thượng tá Hoàng Thanh Tùng, Chính trị viên Gah đơng lam Mpồl ling klàng kơnhoàl Cư Mgar pà g^t, tàm tơngai tus, mpồl geh pơn jat tai lơh broă lơh lam sồr làng bol pơgồp bal mờ dong kờl làng bol mờ gơnoar atbồ tiah do tàm broă lơh tơn jơh jơ gloh tơrmù r[ah, bơt bơtàu [òn lơgar pa.

 “{ol a` pơn jat tai đơng lam mpồl ling sền gàr [òn lơgar, ală kuang bàng làng bol tàm mpồl lam lơh gùng lòt bơt bơtàu [òn lơgar pa dong làng bol; pơgồp bal mờ [òn pơn jat tai kờp sền tai ală hìu bơnhă r[ah nàng bal mờ gơnoar atbồ [òn lơgar geh broă lơh dong kờl chi sơn tìl,  phan ròng nàng dong làng bol bơtàu tơnguh lơh sa. Lơh ngan pơn đơl pràn pơgồp bal mờ gơnoar atbồ [òn lơgar nàng tơn jơh ală hìu bơnhă r[ah tàm ală nam tus do. Bơh hơ\, bơt bơtàu bơta tam klăc bal đah ling klàng mờ làng bol sơlơ đềt mềr rlau tai”.

Bơdìh mờ broă lơh gơs jak ngan kơnòl broă pơlam tàp, rcang lài tam lơh, ală nam do, Gah đơng lam Mpồl ling klàng kơnhoàl Cư Mgar, càr Dak Lak gam lơh geh cồng nha broă lơh lam sồr làng bol pơgồp bal mờ dong kờl sền gàr tơl niam rài kis mpồl bơtìan.

Ală broă lơh niam mờ ngan ngồn do geh kấp ủy, gơnoar atbồ [òn cih dờp, Bộ Quốc phòng pà sơn đan là “ Mpồl tàm pơrlòng jơh nùs jai pha 5 nam sùm”. Khà jờng do là bơta pràn nàng ală kuang bàng, cau ling Gah đơng lam Mpồl ling klàng kơnhoàl Cư Mgar pơn jat tai lơh jat niam rlau tai gơnoar broă, kơnòl broă mờ nùs nhơm niam bơne\ bơh “ cau ling wa Hồ dê” tàm rài lơngap lơngai nàng bal mờ làng bol bơt bơtàu sền gàr Dà lơgar.

Cau mblàng K’ Hạnh