VOV4.K’ho- Jăt jơnau yal bơh Bộ Y tế dê, dơ̆ kòp dơ̆ 4 (gơbàn bơh ngai 27/4/2021 tus tŭ do), khà cau bơtờp pa geh sền gŏ tàm lơgar là 271 rbô 37 nă, tàm hơ̆ geh 99 rbô 730 nă cau kòp Covid-19 neh geh yal bời kòp. Tàm ngai 15/8, geh 5 rbô 519 nă cau kòp geh yal bời kòp, tơnguh jơh khà cau geh sơm bời, là 102 rbô 504 nă. Geh 5 càr neh rlau 14 ngai ờ gŏ cau bơtờp kòp pa tàm lơgar, hơ̆ là: Quảng Ninh, Bắc Kạn, Tuyên Quang, Lai Châu, Hoà Bình. Geh 7 càr mờ ƀòn dờng ờ geh cau lơi bơtờp kòp tàm mpồl bơtiàn tàm 14 ngai do, là: Lào Cai, Kon Tum, Hà Giang, Yên Bái, Thái Bình, Bắc Giang, Hải Phòng. Tus tŭ do, jơh gùt lơgar neh cĭt vaccine rơcăng sơndră kòp Covid-19 geh rlau 14 tơlak 400 rbô ding.

Cau mblàng Lơ Mu K’Yến