VOV4.K’ho - Đơs tus ală jơnau ờ su\k ơm tàm broă atbồ, sền gàr brê tàm càr Gia Lai, bol a` go\ là, sa kuề sa koà priă atbồ, sền gàr brê gam là broă gơbàn uă ngan. G^t nđờ jơ\t tơmàn priă bơh kes priă ă ai broă lơh do in geh tơngo\ gơbàn lơh sră ờ di mờ kờ` geh kuơ is tài ală mpồl sền gàr brê. Di gơban, priă sền gàr brê neh mờ gam là priă kờ` geh niam ngan ai broă sa kuề sa koà in mờ kung di gơlan gam geh broă lơh ờ nền nòn tàm broă atbồ kes priă do.

Mpồl atbồ brê rơcang gàr lài Đăk Đoa là mpồl pa ngan gơbàn Thanh tra càr Gia Lai gàn tìs priă jền mờ geh tơngo\ sa kuề sa koà mờr 5 tơmàn 400 tơlăk priă tàm tơngai bơh nam 2013 tus 2018.

        Brê tàm bă brê mpồl atbồ brê Đăk Đoa gơbàn mus kơl, tàm tu\ mpồl lơh broă do tơngo\ sa kuề sa koà g^t nđờ tơmàn priă

Geh pơnrơ ngan, mpồl do lơh broă mờ 3 hìu làng bol tàm xã Hải Yang, xã Đăk Sơ Mei mờ xã Hà Đông ròng di pơgăp 100 lồ brê mờ khà 453 tơlăk priă. Mơya bơh broă sền kờ` g^t mùl màl den 3 hìu làng bol do mìng geh dờp 43 tơlăk priă.

Lơh sră ờ ngan, bơcri priă ờ jăt broă lơh bal kung geh go\ tàm ală broă lơh ơpah, jào sền gàr, ròng brê tam, lơh gùng nhàr kơrian ồs ha là mùs, chu brê geh sền gròi tàm mpồl atbồ brê rơcang gàr lài Đăk Đoa. Ală làng bol kis tàm do geh mpồl lơh broă do tơmu\t tàm khà măt dờp priă kờ` lơh broă atbồ, sền gàr brê, mơya bơh broă sền mùl màl den ală hìu làng bol do ndrờm đơs là ờ g^t, ờ dờp priă mờ kung ờ di akhar cih măt bơh ală cau do dê.

         Tơngo\ geh sa kuề sa koà tàm mpồl sền gàr brê kơnhoàl Ia Grai mờ brê tàm tiah do kung gơbàn mus kơl jơh

Ồng Nguyễn Hồng Quân, cau pa rê dờp lơh PHó kuang atbồ mpồl sền gàr brê rơcang gàr lài Đăk Đoa pà g^t, tìs tàm mpồl lơh broă gơrềng tus 7 nă cau. Jăt jơnau đơs pơn du\t kung bè kơrnoăt bơh mpồl Thanh tra, Mpồl sền gàr brê gam lơh ngan lơh jăt ală broă kờ` toh wơl priă neh tìs do kung bè lơh glài ală cau gơrềng bal:

-Jăt kơrnoăt sồ 130 là tàm 25 ngai mpồl lơh broă pal toh wơl khà priă là 4 tơmàn 700 tơlăk priă. Neh geh ală sră nggal bơh UBND jào Sở NN mờ PTNT, sở do neh sồr mpồl sền gàr brê do là lơh jăt ală broă toh wơl khà priă bơh ală cau gơrềng bal, jăt jơnau đơs pơn du\t sồ 15 là geh 7 nă cau. Tàm gơnoar broă là cau lam bồ anih lơh broă, a` bơyai lơh 3 dơ\ pơrjum anih lơh broă, neh hòi ală cau là kuang đơng lam mpồl sền gàr brê lài do tus kờ` cri bơyai bè bơta broă bơh mpồl Thanh tra.

Kung ndrờm mờ tàm Mpồl atbồ brê rơcang gàr lài Đăk Đoa, mơya broă lơh dờng rơlao là tàm mpồl atbồ brê rơcang gàr lài Ia Grai mờ khà priă geh tơngo\ sa kuề sa koà tus rơlao 19 tơmàn priă tàm tơngai bơh nam 2001 tus 2017. Geh pơnrơ ngan, tàm tơngai do, mpồl atbồ do geh jào tam brê mờ sền gàr 717 lồ brê mờ khà priă bơcri rơlao 17 tơmàn priă.

                                      Tòm chi dờng gơbàn kơl tàm brê rơcang gàr lài kơnhoàl Đăk Đoa

Mơya, mùl màl mpồl atbồ do mìng tam mờ sền gàr mờr 280 lồ, ờ uă rơlao 80 lồ jăt mờ bă ù brê gơbàn ồs sa mờ gơbàn sơgràm ù là 360 lồ. Hoàc huơr mờ siơ\u siar priă jền dà lơgar ndrờm mờ khà priă rơlao 12 tơmàn 400 tơlăk priă. Mpồl atbồ do neh bơyai lơh jào sền gàr brê ờ di cau, ờ di mờ kơrnoăt tàm adăt boh lam, mơya kung gam tơm priă jào sền gàr brê mờ khà 4 tơmàn 100 tơlăk priă.

Uă rơlao, geh tơngo\ mpồl atbồ brê Ia Grai sơgràm mờ broă ờ g^t wă bơh làng bol kờ` k^ ală sră nggal ha là lơh bè akhar cih tàm ală pang sră bơcri priă tam, sền gàr brê mờ kờp jơh khà rơlao 2 tơmàn 600 tơlăk priă.

Ồng Trương Phước Anh, kuang atbồ Sở NN mờ PTNT càr Gia Lai dờp, gah lơh broă do neh ờ nền nòn tàm broă atbồ tơngai jo\, lơh tìs bè priă jền tàm ală mpồl brê gơbàn uă mờ uă cau geh tơngo\ sa kuề sa koà. Tềng đăp mờ bơta do, UBND càr Gia Lai neh đơng lam lùp sền jơh ală mpồl atbồ brê tàm tơngai tus mờ Sở NN mờ PTNT gam pơgồp bal kờ` go\ kung bè lơh niam wơl broă sa kuề sa koà:

-Lơh jăt gùng dà broă lơh bơh Tỉnh uỷ mờ UBND càr tàm tơngai tus, den broă sền gròi, lùp sền ală mpồl atbồ brê gam tai mờ ală công ty lâm nghiệp. Bè broă do, sở kung neh di tu\ sồr ală mpồl neh mờ gam lùp sền, sền gròi kung bè rơcang rơndăp broă lùp sền, sền gròi.

Bơh broă lùp sền, sền gròi neh go\ den ală mpồl atbồ brê pal nền nòn bơsong kes priă dà lơgar kờ` drơng broă ai broă atbồ, sền gàr brê pal di mờ kơrnoăt adăt kes priă kung bè ală kơrnoăt bơh gah lơh sa suơn sre. Tơmù ală broă lơh gam ờ pràn lơh gơbàn sa kuề sa koà.

Mò Trần Thuỳ Thanh, Phó Chánh Thanh tra càr Gia Lai pà g^t, khà priă tìs, geh tơngo\ sa kuề sa koà tàm ală mpồl atbồ brê mìng là bơh priă tơm sền gàr brê. Jăt mò Thanh yal, kal ke là tàm tu\ ală mpồl sền gàr brê neh geh kes priă ngui kờ` tă tàm broă bơcri priă sùm, den pah nam kung gam geh ai khà priă uă ngan bơh priă tơm sền gàr brê.

                             Chi brê gơbàn kơl tàm mpồl atbồ brê rơcang gàr tiah đah tô kơnhoàl Cư\ Pah

Bal mờ broă sền gàr ờ nền nòn bơh gah lơh broă geh gơnoar den ală kơrnoăt bè atbồ tă, bơcri priă gơwèt mờ khà priă do kung ờ hềt nền nòn lơh ală mpồl atbồ brê [uơn ngan tàm broă sa kuề sa koà:

-Priă tơm sền gàr brê ờ di là ờ uă. Uă mpồl atbồ brê neh tă priă do uă ngan, mơya geh geh ai bè broă tă den ờ loh làng. Priă do mpồl lơh broă gơtùi ngui kờ` jào sền gàr brê ha là mpồl atbồ brê ờ jào den mpồl atbồ brê gơtùi ngui priă do kờ` lơh broă mpồl sền gàr brê dê. Mơya bơcri bè lơi, tơngu me bơcri ờ geh đơs loh. Den tàng broă lùp sền bol a` go\ geh uă ngan mpồl atbồ brê sa priă do lềng làng ngan. Mờ broă do ờ geh cih loh den lơh geh bơta niam kờ` sa kuề sa koà gơbàn geh.

Bu\ lah tơm priă sền gàr brê neh geh lơh tus tu\ do 8 nam, mơya ồng Võ Văn Hạnh, kuang atbồ kes priă sền gàr mờ tơnguh bơtàu brê càr Gia Lai kung gam đơs là, do là 1 broă lơh pa mờ broă lơh jăt [uơn ngan gơbàn kal ke, gơbàn tìs. Ồng Hạnh kung dờp là, mpồl atbồ kes priă sền gròi tu\ priă neh jun tus ai ală mpồl atbồ brê in. Tu\ hơ\, priă geh tă mpồl atbồ brê, sền gàr brê lah ờ den gơrềng jơh tàm kuang bàng, kuang đơng lam bơh ală mpồl atbồ brê dê:

-Ai bơh rơndăp broă tam pà pah nam den mpồl lơh broă geh bơ\t bơtàu rơndăp broă kơnòl tă priă kờ` lơh jăt. Kờ` lơh tus tơl kơnòl broă tă priă do den kơnòl gơwèt mờ cau tòm brê, cau atbồ mpồl lơh broă. Gam priă lơh jăt kơnòl broă tă priă do tus mờ bơta lơi, di lah ờ là kơnòl bơh cau tòm brê dê. Mờ tìs den mìng bơh broă kờp sền mờ lùp sền dà lơgar hơ\ sồng go\.

Càr Gia Lai tu\ do geh 22 mpồl atbồ brê mờ kờp jơh bă brê mờr 330 rơbô lồ. Brê den ơnàng, ală broă lơh den kal ke kờ` geh sền gròi, sền kờ` g^t. Tàm tu\ hơ\, khà priă geh ai ală mpồl atbồ brê in uă mờ gam gơtùi tă khăt gơboh, [uơn ngan kờ` wă tài bè lơi ală mpồl atbồ brê tàm càr Gia Lai gơtùi [uơn tàm broă sa kuề sa koà g^t nđờ 10 tơmàn priă tă ai broă atbồ, sền gàr, tơnguh bơtàu brê, tàm hơ\ uă ngan là bơh khà priă tơm sền gàr brê.

Mờ di gơlan tài bè hơ\, broă do ờ mìng geh is tàm càr Gia Lai. Den tàng, bơta pal geh là Chính phủ, ală bộ, gah lơh broă dà lơgar gờ` geh ală broă lơh niam wơl di tu\, leh mờ sa kuề sa koà gơbàn uă tàm ală mpồl atbồ brê, sền gàr brê bè tàm càr Gia Lai tơngai do.

Cau mblàng Ndong Brawl