VOV4.K’ho- Lơh jat Srơh tàm pơrlòng “ Ling klàng sơm bat tê bal bơt bơtàu [òn lơgar pa” tơngai pa do, kuang bàng, cau ling Sư đoàn 10, Quân đoàn 3, neh lơh uă broă lơh ngan ngồn bal mờ gơnoar atbồ  mờ làng bol càr Kon Tum sơm bat tê bal bơt bơtàu [òn lơgar pa.

Jơnau “ cau ling wa Hồ Tây Nguyên” ngai do, bol he tus bal mờ dùl dơ\ ai cau bơh kuang bàng, cau ling Sư đoàn 10, dong gơnoar atbồ mờ làng bol xã Đăk Hring, kơnhoàl Đăk Hà, càr Kon Tum, tuh bê tông lơh gùng lòt lơh gơlik bơta bơtàu tơnguh tàm broă [ơ\t bơtàu [òn lơgar pa.

Xã Đăk Hring, kơnhoàl Đăk Hà, càr Kon Tum geh 11 thôn, [òn mờ rlau 8 rơbô nă cau. Lơh jat Broă lơh jơnau kờ` Dà lơgar bơt bơtàu [òn lơgar, gơnoar atbồ mờ làng bol tàm xã gơtìp uă ngan kal ke tàm broă mut lơh broă lơh dơ\ 2 bè gùng lòt. Pah nam bulah geh Dà lơgar dong sơ-mang, 70% bràs mờ lu\ rơdeh nàng lơh gùng lòt, mơya broă lam lơh mut lơh ờ buơn dùl êt lơi, tài  bal mờ priă làng bol lơh bal 30% bè bràs mờ lu\ rơdeh, làng bol kung gam pal tă pơgồp bal bè ngai lơh broă nàng lơh gơs gơl gùng.

G^t kal ke bơh [òn lơgar dê, Đảng ủy, Gah đơng lam Sư Đoàn 10, geh kơrnoat dong kờl gơnoar atbồ mờ làng bol xã Đăk Hring lơh gùng lòt tàm [òn. Thiếu tá Nguyễn Văn Cung, Kuang dong broă Ban lam sồr Phòng Chính trị, Sư đoàn 10 dê pà g^t:

Bol a` neh lơh bal mờ kơnă hơ đơm kuơ màng ngan là gơ wèt mờ kấp ủy, gơnoar atbồ xã Đăk Hring kơnhoàl Đăk Hà, bơt bơtàu broă rơndap lơh lơh bê tông gơl gùng lòt. Bol a` ai mpồl ling lòt lơh rlau 300 nă kuang bàng, cau ling rê tàm do pơgồp bal mờ kấp ủy, gơnoar atbồ tiah do dê mờ 3 thôn nàng lơh gơs gơl gùng lơh mờ bê tông. Kuang bàng, cau ling Sư đoàn 10 bol a` sền nền, lài jơh là tơnguh nùs nhơm g^t wă kơnòl broă mờ g^t wă loh làng gơnoar broă hòi jà làng bol. Kuang bàng, cau ling, lơh mbè lơi rềp mềr bal, tam klăc bal mờ làng bol tơngo\ nùs nhơm niam bơne\ bơh cau ling wa Hồ dê tàm nùs nhơm làng bol

Tàm tiah lơh gùng lòt thôn Kon Hnông Jôp

Mờ lơh ngan lơh gơlik bơta krơi is  nisơna tàm broă lơh jat broă lơh dơ\ 2 bè gùng lòt nàng bơt bơtàu [òn lơgar pa, Đảng uỷ, gơnoar atbồ xã Đăk Hring rơ wah lơh gùng bê tông 3 gơl gùng  kờp bơta jòng 2 rơbô 600 thơk tàm 3 thôn: Tân Lập A, Tân Lập B mờ Kon Hnông Jôp. Do là ală gơl gùng lòt mờ làng bol tàm do tu\ tàm kàl mìu pal kong mờ bơta mbè  bơ\ uă, ai kàl prang duh den kơmbuh bơ\ ngan.

Geh Đảng ủy, gơnoar atbồ xã dê sền gròi, mờ geh tai bơta dong kờl bơh kuang bàng, cau ling Sư đoàn 10, làng bol ală thôn cau lơi kung chờ hờp chờ hờn ngan. Bi Bùi Ngọc Bích, Kuang atbồ thôn Kon Hnông Jôp pà g^t, jơh dùl poh lài ngai ngan ngồn ai cau lòt lơh gùng, mờr 300 hìu bơnhă tàm thôn chờ hờp ngan kơ\p mờ wă rò ală cau ling. Hìu bơnhă lơi kung kờ` jà cau ling rê tàm hìu he ơm mờ tơngo\ nùs nhơm ưn ngài uă ngan tus mờ ală cau ling wa Hồ dê.

Làng bol tàm thôn, [òn ưn ngài uă ngan Sư đoàn 10, ală oh mi cau ling dê neh rê tàm do nàng dong kờl ngai lơh broă ai làng bol in. Oh mi cau ling Sư đoàn 10 jơh nùs  mờ nhap nhar ngan. Làng bol tàm thôn tă pơgồp ngai lơh broă mờ tus bal tơn bal mờ cau ling nàng lơh gùng ai gơ in mhar.

Dờp gơnoar jơh ală bơnah broă kal ke ngan rlau jơh 

Nàng gàr niam broă lơh gơs di tu\ tơngai, rlau 300 nă kuang bàng, cau ling Sư đoàn 10 tam pà 3 mpồl at gơnoar broă lơh broă 3 gơl gùng. Tàm sùm tu\ tơngai mut lơh, ngai duh tơngai kung bè ngai mìu, kuang bàng, cau ling mpồl dê sùm lơh jat kơrnoat tu\ jiơ lơh broă mờ bơta chài mut lơh broă.

Bơdìh mờ tu\ jiơ lơh broă, kuang bàng, cau ling gam dong kờl làng bol pơs wàs hìu bơnhă tus broă tam phan, ròng phan bơtàu tơnguh lơh sa hìu bơnhă; sền gròi mờ pơlam ală kơnòm bơrsram, bơyai lơh tìp mat lơh kuèng bơta niam chài rơgơi, đơs crih tam ya, tàp pràn să jan mờ mblàng yal bè gùng dà broă lơh bơh Đảng, chính sách adat boh lam bơh Dà lơgar dê.  

Ồng Vi Văn Khế, dùl nă làng bol ơm tàm thôn Kon Hnông Jôp ngoh rngac đơs, làng bol lơh bal mơya ală wa cau ling dê à` jơh broă lơh kơn jơ\ rê gah he in. Hơ wơl mờ nùs nhơm jơh nùs hơ\, làng bol tàm thôn kung tơngo\ nùs nhơm bơh he dê gơ wèt mờ cau ling.

 Làng bol bol a` cau lơi kung geh dà hùc, den ai ală phan sa tu\ ơm rlô să 15 phuk là bol a` ờ pal tơngkah cau lơi ờ, cau lơi kung g^t kơnòl broă, cau lơi kung geh nùs nhơm lơm. Nùs nhơm bơh cau ling dê mờ làng bol tàm do là rềp mềr, tam klăc mờ niam ngan.

Gùng [òn lơgar pa tàm  thôn Tân lập A hời rơ hời geh lơh gơs

 Mờ nùs nhơm ờ ngòt bol glar kal ke, tơnơ\ 2 poh ai cau mut lơh, rlau 300 nă kuang bàng, cau ling Sư đoàn 10 bal mờ làng bol 3 thôn: Tân Lập A, Tân Lập B mờ  Kon Hnông Jôp, xã Đăk Hring, kơnhoàl Đăk Hà neh mut lơh jơh 2 rơbô 600 thơk gùng lòt dă mờ bê tông [òn lơgar geh bơta ơnàng 3 thơk mơ gùl mờ lơ-ut 18 phơng. Kờp jơh kuang bàng, cau ling mpồl dê neh tă pơgồp 4 rơbô 200 ngai lơh broă kờp mờ priă rlau 800 tơlak.

Gơl gùng neh lơh gơs, làng bol 3 thôn tơn jơh bơta pah nam mbè mờ kơmbuh bơ\. Ồng Lê Văn Hiền, Chủ tịch UBND xã Đăk Hring pà g^t, broă tuh bê tông  lơh gơtùi 3 gơl gùng lơh gơlik bơta bơtàu tơnguh niam ngan tàm broă bơt bơtàu [òn lơgar pa tàm tiah do dê.

Do là broă lơh bơt bơtàu cèng wơl pơrya kuơ màng ngan ai làng bol in kung bè là tă pơgồp bal tàm bơt bơtàu [òn lơgar pa. Ai geh tơl bơta buơn ai làng bol in tàm broă lòt rê, lơh sa, mờ pơn diang phan bơna mờ tơnguh uă priă lơh geh, khà rài kis ai làng bol ală thôn tàm xã dê. Làng bol ưn ngài uă ngan bơta sền gròi, dong kờl bơh mpồl ling Sư đoàn 10 dê neh rê tàm do dong làng bol tă pơgồp bơnah bơt bơtàu [òn lơgar pa bơh xã.

Geh g^t tàm ală nam pa do, Sư đoàn 10, Quân đoàn 3, neh ai mut lơh, lơh geh uă cồng nha ngan ngồn tàm srơh tàm pơr lòng “ Mpồl ling sơm bat tê bal bơt bơtàu [òn lơgar pa” tàm càr Kon Tum. Dà kơl hề bơh kuang bàng, cau ling dê neh pơgồp bơnah bơt bơtàu phan bơna gùng lòt mờ tơnguh rài kis phan bơna mờ nùs nhơm ai làng bol tàm tiah do in. Ală bi di pal ngan mờ bơhìan yau bơh cau ling wa Hồ dê “ lòt làng bol kah, ơm làng bol kờ`”.

Cau mblàng K’ Hạnh