VOV4.K’ho- Jăt Thứ trưởng Y tế ồng Nguyễn Trường Sơn yal, tơngai geh sền là kal ke ngan bơh dơ̆ tam dră mờ kòp Covid-19 dơ̆ 4 là bơh ngai 23 nhai 8 tus ngai 30 nhai 9. Tơngai do, gah lơh sơnơm neh lơh jăt broă xét nghiệm geh tơrgùm bal, geh lơh tờm mờ lơh mhar rơlao mờ khà pràn gơtờp bơh virus Sars CoV-2 dê.

Kơnờm mờ hơ̆, khà cau gơtờp pa geh gŏ kờñ ngan, nàng ai geh broă atbồ, sơm kòp di pal. Gha lơh sơnơm kung geh ală tam gơl tàm broă bơyai lơh sơm kòp cau kòp Covid-19 in; ai tàm broă ngui sơnơm rài pa... Den tàng, geh uă cau gơtìp kòp pa, khà cau chơ̆t gơmù mờ khà cau cau geh yal neh sơm bời kòp gơguh pah ngai. Jăt khà kờp bơh Bộ Y tế tus tŭ do pà gŏ, khà cau gơtìp kòp tàm mpồl bơtiàn neh gơmù 44,7% pơn drờm mờ 2 poh lài. Pal kah ngan, neh geh 91% khà cau gơtìp kòp Covid-19 geh yal bời kòp. Neh geh 7 tàm khà 62 càr, ƀòn dờng neh rơlao 14 ngai ờ geh cau gơtìp kòp pa, 12 càr, ƀòn dờng ờ geh cau gơtờp pa gơtìp tai tàm 14 ngai do.

Cau mblàng Ndong Brawl