VOV4.K’ho - Ala\ gùng lòt lơh mờ bêtông kloh niam geh  tơrbo\ ala\ blàng  kòi sre mờ [òn làng pas gơs, ala\ hìu sơmang dờng niam lip lơp tàm ala\ sươn kơphe, tiêu, chi sa plai bềng plai… la bơta go\ ngan tàm xã Hòa Xuân, [òn dờng Buôn Ma Thuột, càr Dak Lak tơnơ\ 2 nam lơh gơs broa\ lơh bơt bơtàu [òn lơgar pa. Cồng nha bơh broa\ lơh [òn lơgar pa  lơh geh Hòa Xuân ờ mìng la sa\ bồ. Tiah [òn lơgar pa do gam tam gơl mhar ngan tài làng bol neh lơh pràn khin cha  rlau tàm broa\ sơnơng, broa\ lơh…

            Ồng Phạm Mạnh Hùng kis tàm [òn 1, xã Hòa Xuân đơs,  [òn lơgar pa ngan la broa\ lơh neh lơh tam gơl rài kis kung bè sơnơng lơh broa\ làng bol dê. Dilah lài do,  tàm Hòa Xuân gơ lơh bè mìng tam kơphe lơm, kòi sre mờ ròng phan dềt  rhền, den tu\ do neh geh ua\ ngan hìu lơh sa,  trang trại dờng. Bè hìu ồng Hùng, 2 lồ ù tam mìng kơphe mờ tiêu lơm, tu\ do neh gơs la tiah lơh sa trơ gùm bal, tam bơrlu\ bal chi sa plai bè sầu riêng, bơ, tờ tơnau ròng ka, ròng sềm yến. Mờ broa\ lơh  ua\ bơta chi tam, ua\ phan ròng bè tu\ do, ồng Hùng neh iang nùs ngan bè pria\ geh hìu nha\ dê:

            Tàm nđờ nam do, pria\ kơphe, tiêu gơmù den tàng hìu nha\ a` neh tam gơl broa\ lơh tam bơrlu\ bal tờm bơ mờ sầu riêng mờ tiêu bal mờ kơphê nàng tơnơ\ do dilah ờ geh tơnhàu kơphe mờ tiêu den he kung gam geh phan ndai nàng  kis gơs. 2 nam rềp do,  pah nhai kung jò geh pram, poh tơlik pria\ tàm dùl na\  cau.  Bơta [òn lơgar pa den  rài kis làng bol geh bơtàu tơngguh ua\, dilah ờ geh broa\ lơh do den rài kis làng bol bè gơ tùi bè do. Tus tu\ do geh cồng nha ngan  bơh broa\ lơh [òn lơgar  pa.

             Bal mờ broa\ tam gơl broa\ lơh bơtàu tơngguh lơh sa,  ngui bpta jak chài pa tàm broa\ lơh sa, làng bol xã Hòa  Xuân gam sơbac ngan tàm broa\ jòi geh broa\ lơh tai tàm tu\ tơngai  ru broa\ nàng geh tai pria\ jền hìu nha\ in.

            Bè lo\ H’ Don Ktul, kis tàm [òn Drai Hling,  bal mờ 4 sào sre, 7 sào mir, gam bơsram broa\ lơh lơh jrum châm cứu, bơklau lo\ lơh tai tàm dùl mpồl lơh sa ka\ bro bơt bơtàu. Lo\ H’ Don ai git,  bơh ala\ broa\ lơh do,  pah nhai hìu nha\ geh tai mờr 10 tơlak pria\:

            Bol a` bơsram  lơh jrum châm cứu, bơh sơnrờp den ờ git, mơya kung lơh gơ tùi. A` kơnờm tàm tu\ ru bè gùl ngai, trồ mang tu\ rê lơh broa\. Broa\ do kung  lơh niam, ờ pal jơh pràn ir. Rài kis tu\ do  kờ` pas gơs bè cau dê den  la ờ jai, mơya hờm ram la geh.

            Gơtùi go\ la,  tơnơ\ mờr 2 nam tơl khà [òn lơgar pa,  muh mat bơh xã Hòa Xuân neh geh ua\ ngan tam gơl,  rài kis  bơh làng bol neh bơtàu tơngguh pah ngai. Tu\ do,  khà phan sa geh bơh xã dê tus rlau 12 rbô tấn,  gơguh 2 rbô tấn pơndrờm mờ nam 2011,  kơphe geh gơguh rlau 5 tạ dùl lồ,  kờp jơh rpu, kơnrồ, iar, ơda gơguh tus 2 dơ\ pơndrờm mờ nam 2011, khà hìu nha\ rbah gam hờ đơm 4%. Ồng Y No Knul, kuang  jat jơng atbồ [òn Drai Hling ai git,  ala\ tam gơl hơ\ kơnờm ngan bơh broa\ lơh [òn lơgar pa:

            Broa\ bơt bơtàu [òn lơgar pa neh cèng wơl bơta tam gơl,  bơta chờ [òn in. Làng bol git broa\ tam bơrlu\ bal chi tam bè bơ, sầu riêng, tiêu… tàm suơn kơphe la nàng bơtàu tơngguh pria\ geh. Bal mờ hơ\,  tàm ala\ ngai ơm rlô sa\, bùi mho tu\ rê lơh broa\ làng bol gam git   lơt broa\ tai nàng geh tai pria\ jền,  geh cau lot lơh broa\ tàm ala\ kong ti mpồl lơh sa ka\ bro tàm Bình Dương, Đồng  Nai nàng geh tai pria\ jền hìu nha\ in.. Geh ala\ cau  ndai gam lòt lơh broa\ tàm ala\ mpồl  bè lơh thợ hìu, thờ hồ… Pơndrờm mờ lài neh gơ tam gơl ua\ ngan, làng bol neh git wa\ la ờ ơlah lơh broa\, pal tơryang lơh broa\ nàng geh tai pria\ jền hìu nha\ in.

             Jat ồng Nguyễn Đức Thuận, Chủ tịch UBND xã Hòa Xuân, nàng sùm lơh, gàr kơ\ khà [òn lơgar pa, cấp ủy, gơnoar atbồ mờ làng bol xã  Hòa Xuân neh git ngan broa\ lơh bơt bơtàu [òn lơgar pa la broa\ lơh sùm, jo\ jòng, tài broa\ lơh gơ cèng wơl ngan la bơtàu tơngguh phan bơna, nus nhơm  làng bol [òn lơgar in:

            Tơngguh pria\ geh la dùl tàm ala\ broa\ lơh lam bồ lài. Tu\ neh tơngguh geh den  gơ geh bơtàu tơngguh tơl làm tàm ala\ broa\ lơh ndai. Geh pal wèt tus 43 tơlak pria\, hơ\ sồng 53 tơlak pria\ mờ di gơlan  jơnhua rlau tai. {òn lơgar geh pal kờp du\ tàm broa\ lơh sa, geh gùng ai làng bol in nàng  geh lơh sa phan lơi, tam gơl bè lơi den tàm tơngai tus la pal  bơyai.

             Rài kis hờm ram gam go\ ngan  bal mờ bơta gơlik geh slơ ngai slơ ua\ ngan ala\ broa\ lơh  bơtàu tơngguh lơh sa kơljap tàm xã Hòa Xuân la bơta  go\ ngan tus cồng nha broa\ lơh [òn lơgar pa gơ cèng wơl.

            Cau mblàng K’ Brọp