VOV4.K’ho - Nam 2015, xã Tân Cảnh, kơnhòal Đak Tô, càr Kon Tum, neh geh dờp la xã tơl khà [òn lơgar pa. Bulah bè hơ\,  ala\ broa\ lơh [òn lơgar pa tơngai bơh nam 2016-2020, xã Tân Cảnh gam geh ala\ broa\ lơh lơh geh gam lơyah mờ ờ hềt kơljap. Gơnoar atbồ mờ làng bol gam pơnjat tai lơh ngan chồl guh bơta pràn, attê bal dùl  nùs lơh ngan lơh geh cồng nha broa\ lơh [òn lơgar pa, cèng wơl rài kis hờm ram boh gơbài.

            Xã Tân Cảnh tàm rài tam lơh mờ Mỹ la ù tiah tam lơh cui rcai ngan. Dà lơgar geh tơng klàs, Tân Cảnh la ù tiah bềng lìu ala\ bơtô bồm, mờ geh bal tiah wah wời ờ geh chi kis tài bơh  sơnơm khin đioxin lơh aniai. Nam 2010 tu\ mut lơh broa\ lơh bơt bơtàu [òn lơgar pa, xã mìng lơh gơs 3 broa\ lơh. Mơya, mờ bơta lơh ngan dong kờl bơh dà lơgar, dùl nùs bal, attê bal bơh gùt làng bol, mìng tơnơ\ 5 nam, Tân Cảnh neh geh dờp la tơl khà jat broa\ lơh dà lơgar bè xã [òn lơgar pa tơngai bơh nam 2011-2015.

            Tu\ do, xã geh 8 [òn làn, mờr 1.600 hìu mờ rlau 5.700 na\ cau, tàm hơ\ geh tú smơ gùl la cau kòn cau Sêdàng. Tàm ala\ nam do, kơnờm bơta sền gròi, dong kờl bơh Dà lơgar mờ bơta lơh ngan brồ guh bơh làng bol, ua\ hìu nha\ tàm ala\ [òn làn cau Sêdàng neh git lơh sa, tềm pềr, brồ guh lik klas rbah, rhời lơh pas, dong kờl làng bol bơtàu tơngguh bal mờ geh ta\ pơ gồp bơt bơtàu [òn  lơgar pa. Bi A Đok, cau Sêdàng, Bí thư chi bộ [òn Đăk Ri Yôp, dùl na\ cau pơnrơ ngan tàm srơh [òn lơgar pa tàm xã Tân Cảnh, ai git:

            A` neh bal mờ kấp ủy, gơnoar atbồ lơh ngan mblàng pơlam, lam sồr làng bol tàm [òn tus bal mut lơh ala\ broa\ lơh [òn lơgar pa, nền nòn la lam sồr làng bol lơh hìu chài rgơi [òn,  tus bal lơh gùng, lơh rbàng yồng, tam cao su, kơphe. A` kung mblàng pơlam làng bol in lơh jat niam ala\ gùng dà broa\ lơh bơh Đảng, adat boh lam bơh dà lơgar nàng bơt bơtàu tơl hìu slơ ngai slơ bơtàu tơngguh, boh gơbài hờm ram.

            Mờ broa\ lơh ‘’Dà lơgar mờ làng bol lơh bal’’, làng bol neh ai ù, ta\ pràn sa\ phan bơna, ala\ mpồl cau ling tàm [òn lơgar geh dong kờl bal, lơh tam gơl muh mat [òn lơgar pa Tân Cảnh neh niam,  phan bơna  tàm [òn lơgar neh rhời lơh gơs. Làng bol ala\ kòn cau gam lơh ngan bơtàu tơngguh lơh sa ai tơnhàu ua\ rlau. Tu\ do gùt xã neh geh mờr 1.800 lồ chi tam công nghiệp bè kơphe, cao su, rlau 90 lồ ù lơh kòi sre, làng bol kung gam ròng nàng gơ rơ\ rài rpu, kơnrồ geh mờr 1.000 nơm… Xã rhời gơ gơs 150 anih lơh sa ka\ bro gah broa\ lơh, drơng ơla nàng drơng tàm broa\ lơh sa mờ rài kis làng bol. Tus lồi nam 2017, kờp dù\ pria\ geh kờp bal tơl na\ cau tàm Tân Cảnh geh di 33 tơlak 500 rbô pria\, mờ mìng gam rlau 5% hìu nha\  rbah. Bi A Phun kòn cau Sêdàng, Phó Bí thư chi bộ [òn Đăk Ri Pêng 1 ai git:

            Bè broa\ lơh broa\ sa, den làng bol geh lơh ngan bơsram mờ geh ngui khoa học kỹ thuật, mìng is [òn Đăk Ri Pêng 1 neh tam geh 17 lồ 4 kòi sre 2 kàl, 90 lồ bùm blàng, gùng lòt tàm dơlam [òn kung neh tuh bê tông kơljap, Dà lơgar sền gròi geh dong lơh hìu nùs nhơm ai làng bol in, lơh ờ gam hìu ing tai tus mờ hìu nha\ ua\ ngan kal ke. Bong dà, bơtơt dà neh geh  lơh niam pa, rbàng ỳông neh geh lơh kơljap, hìu chài rgơi [òn neh lơh gơs. A` geh lơh ngan lam sồr, mblàng pơlam làng bol tam kơphe,  lơh ngan tus jơh nam 2018 geh tus  20 lồ.

            Bơt bơtàu rài kis pa. Bơnga\ bơh ala\ kra [òn, cau geh bơnga\ pin dờ` tàm tiah làng bol kòn cau tàm Tân Cảnh geh ai go\ loh ngan. Khi sùm lam lài tàm broa\ lơh lam sồr làng bol  tam klac,  tus bal ala\ broa\ lơh srơh kờ` gơboh dà lơgar, chul chồl gơguh lơh sa,  bơt bơtàu [òn lơgar pa. Ồng A Djoa kòn cau Sêdàng cau geh bơnga\ pin dờ` ngan tàm [òn 3, xã Tân Cảnh, boh bơr:

            Tàm tơngai lài, làng bol tàm [òn 3, xã Tân cảnh tam klac ngan, dong kờl bal, bơt  bơtàu rài kis pa. Ngan la  rnàng kơnòm sa\ tàm do git dờn bơr ngan mờ mò ồng, git jơnau mờ mè bèp. Làng bol tàm [òn sùm lơh geh srơh lơh broa\ dong bal tu\ geh cau gơbàn kòp jê, bè dong lơh nhơt kòi sre, nhơt bùm ờ hềt thàn lơh gơs.

            Mut  tàm tơngai bơh nam 2016-2020, ala\ broa\ lơh [òn lơgar pa geh tơngguh,  xã Tân Cảnh geh 3 broa\ lơh gam ờ hềt pràn kờ` pal mut lơh. Hơ\ la broa\ lơh sồ 6  bè phan bơna gah chài rơgơi, kờ` geh  tiah nhơl nho\ chờ hờp cau kra, kơnòm dềt,  broa\ lơh sồ 13 bè bơyai lơh lơh sa,  lơh sa bal bơtàu tơngguh gam ờ hềt pràn,  broa\ lơh sồ 15 bè lơh sơnơm, pal tơngguh khà  làng bol tus bal blơi bảo hiểm  blơi is. Ồng A Chiến, Chủ tịch UBND xã Tân Cảnh ai git:

            Nàng pơnjat tai gàr kơljap [òn lơgar pa tus nam 2020 den bol a` kung geh ai broa\ lơh geh ờ ua\ bơta  kal ke rlau. Bol a` geh lơh ngan tàm 3 broa\ lơh, nền nòn la: mờ bảo hiểm y tế, tu\ do làng bol kòn cau blơi bảo  hiểm y tế is kung ờ hềt ua\. Bơta dơ\ 2 la bơta lơh sa, jat ala\ xã tàm Tây Nguyên nàng tơl khà [òn lơgar pa la geh tus 41 tơlàk pria\ dùl na\ cau dùl nam, tu\ do bol a` ming  rơp lơh geh tus 33 tơlak 500 rbô. Nàng mut lơh broa\ lơh do, bol a` pơnjat tai lơh pràn sơng ka sền gàr, tam gơl rơndap chi tam pa hơ\ sồng crơng gơs hợp tác xã,  sùm lơh ala\ broa\ lơh sa mờ broa\ lơh sa bal nàng geh  drà ka\ bro niam geh lơh bal  mờ lơh geh  tơl khà pria\ geh. Mờ broa\ lơh chài rgơi den  den bơh tơngai 2016-2020 la geh tiah nhơl nho\ chờ hờp ai tus cau kra mờ  kơnòm dềt, den bol a` gam ờ tơl broa\ do. Bè rơndap broa\ bol a` kung neh geh, mìng gam wơl la khà pria\ bơcri tai den bol a` geh lơh gơs.

            Đảng ủy,  gơnoar atbồ [òn lơgar mờ làng bol ala\ kòn cau xã Tân Cảnh, kơnhòal Đak Tô, Kon Tum gam pơnjat tai lơh ngan  bơta rềp mềr tam klac, lơh ngan  geh trơ gùm tơl  bơta pràn nàng gàr  kơljap ala\ broa\ lơh [òn lơgar pa, bơt bơtàu rài kis hờm ram,  ngap lơngai,  boh gơbài.

                                    Cau cih Nhat Lisa, cau mblàng K’ Brọp