VOV4.K’ho –Jơh gùt ù tiah càr Kon Tum tu\ do geh rlau 546.000 lồ brê geh is mờ pơgăp 20 rbô lồ brê tam. Tơngai lài, càr neh lam lơh uă broă lơh krà` cê jơh nùs ngan nàng atbồ mờ sền gàr brê. Cồng nha pà go\, jơnau lơh tìs Adat Sền gàr mờ Bơtàu tơnguh brê tàm càr gơmù ngan, bal mờ hơ\ brê neh cèng wơl priă jền ai làng bol in.

Bal mờ jơnau kờ` tơrmù [à khà dơ\ lơh tìs Adat Sền gàr mờ Bơtàu tơnguh brê, tàm 7 nhai bồ nam 2018, Chi cục Kiểm lâm càr Kon Tum mờ gơnoar atbồ ală tiah neh lam lơh mờr 2 rbô dơ\ lòt jòi ku\p kơryan, lơh ngan jơh nùs lơh geh wơl bơta rơndăp tăp sèng tàm gah broă lơh atbồ mờ sền gàr brê.

Tam gơl bơh sơnrờp [ươn ngan sền go\ là khà dơ\ lơh tìs adat brê bơnơm gơmù ngan. Tàm 7 nhai bồ nam, jơh gùt càr Kon Tum geh 79 dơ\ lơh tìs adat brê bơnơm, bơnah dơm chi gơtìp ku\p ai là rlau 127 khối, bă brê gơtìp mus aniai mờr 5 lồ, gơmù rlau uă ngan pơndrờm bal dùl tu\ mờ nam lài.

Geh jơh ală bă brê geh is rlau 106 rbô lồ mờ là do neh geh tu\ là tiah pơneh ngan bè broă mus brê tìs mờ kơrnoat boh lam, ồng Trịnh Xuân Lộc, Phó Chủ tịch UBND kơnhoàl Đăk Glei pà gi\t, kơnờm bơh ală gùng dà broă lơh jơh nùs, brê neh geh sền gàr niam rlau.

Kơnhoàl neh geh ală gùng dà broă lơh niam ngan bè broă crơng gơs ală anih gròi sền. Hơ\ sồng broă lơh mblàng yal hòi jà ai làng bol in. Jơnau gi\t wa\ bơh làng bol dê kung neh geh ală bơta tam gơl uă ngan.

Geh priă jền drơng broă sền gàr brê, làng bol kung geh tam gơl pa broă lơh broă sa ờ go\ gơrềng ờ niam gơ wèt mờ bă brê tu\ do gam geh tàm ù tiah kơnhoàl dê. Gơ wèt mờ bă brê gam geh tu\ do, broă lơh atbồ sền gàr brê geh sền là bơh jơh ală anih lơh broă chính trị dê, ală kấp, ală gah lơh broă dê tàm broă sền gàr mờ bơtàu tơnguh brê bơh kơnhoàl dê.

Nàng brê ngan ngồn geh cau atbồ kung bè làng bol gơtùi bơtàu tơnguh lơh sa bơh brê, càr Kon Tum neh jàu rlau 193.000 lồ brê ai làng bol in atbồ sền gàr. Jàu brê gơ jat bal mờ ù brê geh mờr 1.400 lồ mờ ai apah mờr 5 rbô lồ brê.

Bơta geh ngan pà go\, tu\ làng bol geh priă jền bơh brê den broă atbồ mờ sền gàr brê niam rlau. Ờ dùl êt bă brê tàm do lài do gơtìp làng bol mus koh kơl aniai ai ù lơh sươn mìr, den tu\ do neh geh atbồ mờ sền gàr tơlir niam wơl.

Bi A Cút, ơm tàm [òn Đăk Lei, xã Đăk Choong, kơnhoàl Đăk Glei pà gi\t, [òn bi dê dờp 700 lồ brê bơh Ban atbồ Tiah sền gàr brê bơnơm geh is Ngọc Linh dê jàu. Pah nam, [òn bi dê dờp geh mờr 300 tơlak priă drơng broă sền gàr brê. Geh priă jền bơh brê, ờ dùl nă làng bol lơi tàm [òn gam kơlôi tai tus broă mus brê.

Lài do, làng bol he mus brê khat gơboh gơlềng gơlàng ngan. Tu\ do neh geh sền gàr gơ dê, rwàng gàr sền gàr brê geh lơh is ngan. Làng bol he lơh jat niam ngan ờ go\ mus kơl brê tai. Brê tàm do lài do gơtìp mus kơl den tu\ do brê gam kis wơl niam ngan.

        Bal mờ uă gùng dà broă lơh krà` cê jơh nùs, dùl ròt bal nàng atbồ mờ sền gàr brê, broă càr Kon Tum lơh jat geh cồng nha broă tơm priă drơng broă sền gàr brê  kung gam lơh geh bơta tam gơl uă ngan tàm gah broă lơh brê bơnơm. Tus tu\ do, jơh gùt càr geh rlau 361 rbô lồ brê geh dờp broă dong kờl tơm priă sền gàr brê.

Mờ priă lơh geh digơlan là 248 tơmàn tàm nam do, do là bơnah priă kuơmàng nàng 22 mpồl cau tờm brê in là mpồl cau, 74 UBND xã, thị trấn mờ mờr 3.600 hìu bơnhă, 21 [òn lơgar geh Dà lơgar jàu ù, jàu brê pơn jat tai atbồ sền gàr brê niam rlau.

Ồng Võ Sỹ Chung, Giám đốc Ban Atbồ Brê dà lơgar Chư\ Mom Ray, là mpồl geh rlau 9.500 lồ brê geh tơm priă drơng broă sền gàr brê pà gi\t.

Gơ wèt mờ làng bol atbồ sền gàr brê geh priă jền. Dùl bơnah bol a` atbồ sền gàr is, bol a` geh ai priă jền do nàng blơi phan bơna nàng gròi sền broă lòt sền mờ ngui công nghệ thông tin tàm atbồ sền gàr brê.

Nàng brê pơn jat tai geh sền gàr mờ bơtàu tơnguh sùm, bal mờ tơnguh uă cồng nha atbồ Dà lơgar, càr Kon Tum kung gam lam lơh broă lơh bơtàu tơnguh gah lơh broă brê bơnơm jat gùng dà kơ\ kơl jăp. Tàm hơ\, sền dờng màng lơh geh broă lơh, tơnguh uă priă lơh geh ai mpồl cau mờ làng bol tus bal atbồ sền gàr brê in. Do là ală tềl tơngo\ niam ngan tàm broă lơh atbồ mờ sền gàr brê bơh càr Kon Tum dê.

Cau mblàng Lơ Mu K’Yến