VOV4.K’ho- Sơrlèt gan bơta kơlôi “mìng kơ` bơsram nàng g^t sră là di” bi Cil Duin (41 sơnam) ơm kis tềng hơđơm jơng bơnơm Liangbiang, thị trấn Lạc Dương, kơnhòal Lạc Dương, neh  jơh nùs ngan tàm broă bơsram, gơ gơs tiến sĩ sơnrờp ngan tàm jơi bơtiàn kòn cau K’ ho tàm càr Lâm Đồng dê. Tu\ do, bi ờ di mìng là dùl nă klau pơgru pơnrơ jak ai cau kơnòm să in đòm jat lơm gời, mơ gam là bơta chờ hờp dờng ngan ai jơh ală rơnàng kòn cau K’ ho dê in tai.

            Deh tàm dùl hìu bơnhă geh tus 9 nă kòn, tus dì tu\ 11 sơnam, Cil Duin sơn rờp cơn đoà jơng mu\t bơsram ơdu\ dùl. Mờ pal tus tu\ bơsram ơdu\ 4, oh klau pơnu r[ah kòn cau K’ho dê hơ\ xong gơtùi g^t sền sră mờ g^t cih dà yoan. Mờ bulah gơ\p bơyô nrơh nrang bal ndrờm rơhời sơrbì bơsram gùl gùng, mơya ờ hềt tu\ lơi Cil Duin geh kơlôi sơnơng kờ` sơrbì bơsram.

            Geh uă ngan bơta gơchồl nàng a` lơh ngan tàm broă bơsram. Sơn rờp ngan hơ\ là bơta kơ\p kờ` bơh hìu bơnhă, mờ ngan ngồn ngan là bơh bèp a` dê. Bèp a` kơ\p kờ` ngan ală oh kòn tàm hìu bơnhă pal bơsram tus gùng tus dà.

 Dơ\ bàr tai, là tài bơh a` kờ` gơboh mờ kơ` lơh pơgru nàng cèng akhar rê tàm [òn lơgar in, he pal lơh krơh niam ală oh in. Mờ broă kờ` lơh krơh niam geh cau iăt den he pal geh cồng nha bơsram jak rlau tai.

Lồi dut là tơnơ\ tu\ sơlơ bơsram dờng den a` sơlơ go\ broă bơsram dờng màng ngan, g^t uă ngan tai bơta pa, ờ di mìng tàm [òn lơgar he dê lơm gời mờ gam tàm ală [òn lơgar ndai tàm lơgar mờ tàm dunia tai.

            Bơta chul chồl hơ\ neh dong Cil Duin lơh broă jơh nùs ngan mờ ờ go\ bòl glar lơi. Mờ ală bơta kơ\p kơnờm hời rơ hời gơlik gơs ngan tu\ bi bơsram jơh gah bơsram Lịch sử, Hìu bơsram Sư phạm Huế mờ rê wơl tàm [òn lơgar tus bal bơto bơtê tàm Hìu bơsram kấp ba Liangbiang.

 Nam 2015, bơta gơ kờ` ngan bơta g^t wă chul chồl sùm, den Cil Duin lơh nền lòt bơsram tai cao học mờ pơr lòng jai tàm gah Lịch sử Việt Nam tàm hìu bơsram Đại học Dà Làc.

Nam 2012, Cil Duin geh rơ wah lòt bơsram tàm lơgar Lo nàng kơlôi sơnơng. Kơnờm să tờm geh nùs nhơm kong jai bơta kal ke, sùm jơh nùs lơh broă, bi neh sền gàr cồng nha luận văn Tiến sĩ bè gah atbồ lơh sa bơto bơtê tàm hìu bơsram Sư phạm lơgar Lo.

Tu\ do, Cil Duin gam at gơnoar broă là Phó trưởng Phòng Giáo dục kơnhoàl Lạc Dương. Bulah lơh broă tàm kơnă lơi, tă pơgồp bal tàm broă bơto bơtê bơh Cil Duin dê gam geh sùm.

Bơsram jơh den a` kơ\p kờ` rê wơl tàm [òn nàng lơh broă. Mờ a` kơ\p kờ` ală oh lòt bơsram den bơsram tus gùng tus dà jơh, ờ sơrbì bơsram gùl gùng. Bè jơnau kờ` bơh sơn rờp he dê là neh jơh bơsram den rê wơl tàm [òn mblàng yal, hòi jà ală kơnòm bơsram, ală sau he dê pơn jat tai lòt bơsram.

Tài bơh ngan ngồn tàm [òn lơgar he dê kung bè uă tiah làng bol kòn cau ndai den bơta geh ngan kơnòm bơsram ờ bài lòt bơsram geh uă ngan.  Bol khai gam kơlôi là bơsram jơh kung ờ geh broă lơh den ờ bài lòt bơsram dờng rơlau tai.

  Den tàng a` kơ\p kờ` mblàng yal hòi jà ală oh in là broă bơsram là kuơ màng ngan, bơsram nàng pơn jat tai g^t uă bơta jak chài mờ tơnguh bơta niam rài kis bơh hìu bơnhă mờ să tờm is he dê.

Tu\ do, bal mờ broă tus bal bơto dà kòn cau K’ho, Cil Duin gam kơlôi sơnơng, jòi sền, bơtơl mờ lơh sră  mblàng bơh dà yoan mờ dà kòn cau K’ho. Bi đơs, uă ngan cau K’ho tàm càr ndrờm ờ hềt g^t akhar jơnau K’ho.

  Kơ\p kờ` bi dê là pơgồp dùl bơnah dà kơlhề nàng mhar ai akhar jơnau cih kòn cau he dê tàm broă lơh bơto bơtê ai kơnòm bơsram tàm [òn in:

A` neh mờ gam lơh, bulah ờ hềt lơh gơs mơya tu\ do neh geh sră cih ing bơh sră mblàng. A` sơn đờm bơh broă kơlôi sơnơng, sền sơwì bơh jơnau đơs K’ ho bơh cau Làc dê lài, tơnơ\ hơ\ hời rơ hời pơ gồp bal mờ bàr pe nă oh mi tàm [òn ndai tàm càr lơh niam wơl akhar jơnau K’ho tờm  đơs bal. Tơnơ\ hơ\ lơh bal cih gơs dùl pang sră bơto dà kòn cau K’ho, mhar dan ai ngui dà kòn cau K’ ho tàm broă lơh bơto bơtê ai kơnòm làng bol kòn cau in.

Ngai do, rài kis bơh mpồl bơtìan kòn cau ơm kis tềng hơđơm jơng bơnơm Liangbiang neh tơl làm mờ bơtàu tơnguh; oh kòn kòn cau K’ ho tiah tàm do uă ngan ndrờm geh lòt bơsram mờ bơsram tus gùng tus dà.

Tàm bơta geh cồng nha hơ\, sùm geh bơta lòt bal mờ jơnau jơh nùs kờ` bơsram bơh Cil Duin dê, dùl nă cau pơnrơ pin dờn tàm rài kis mpồl bơtìan kòn cau K’ho dê nàng tơl nă cau in đòm jat.

Cau cih mờ yal tơng^t K’ Hạnh