VOV4.K’ho - Tàm Thị xã Gia Nghĩa, càr Dak Nông, ală ngai bồ nam pa 2019 neh bơyai lơh chờ chài rơgơi tà` phan kòn cau Việt Nam dơ\ sơnrờp. Đơs tàm pơrjum, Thủ tướng Nguyễn Xuân Phúc đơs tòm, pal sền tus mờ broă lơh sa bal mờ ală bơta geh pal geh pơrlai tàm tơl pang ồi mờ làng bol he neh tà` gơs mờ ală nùs nhơm pơnyờ să bè bơta chài rơgơi, ală bơta niam chài is geh ai go\ bơh ală pang ồi.

Lơh bè lơi kờ` prăp mờ tơnguh wơl bơta chài rơgơi niam bơne\ do? Jơnau do ngai do geh yal jơnau đơng lam bơh Thủ tướng Chính phủ dê tàm dơ\ lơh chờ chài rơgơi phan tà` kòn cau Việt Nam dơ\ sơnrờp hơ\ sồng bơh tu\ do: “Tơl pang phan tà` gơs là bơta ai tơngo\ chài rơgơi bơh 54 jơi bơtiàn kòn cau tàm lơgar Việt Nam dê”.

Dơ\ sơnrờp, lơh chờ chài rơgơi phan tà` kòn cau Việt Nam geh bơyai lơh mờ uă broă yal bè bơta niam chài geh pơnrơ, bơta chài phan tà` kòn cau Việt Nam. Đơs tàm dơ\ pơrjum, Thủ tướng Nguyễn Xuân Phúc đơs loh, phan tà` kòn cau geh bơh yau tàm broă lơh, geh uă tàm jơnau đơs, jơnau yal is, tơl^k bơta niam chài rơgơi, bơta niam bơh tơl jơi bơtiàn kòn cau, là ù tiah gùt dar, kòn bơnus gùt dar, là bơta kuơ bè bơhiàn ờs mờng.

Yal wơl Nghị quyết sồ 6 tàm pơrjum dà lơgar 4, Ban chấp hành Đảng khoă 12 neh đơs, bơ\t bơtàu bơta chài rơgơi tàm broă lơh sa, lơh geh cồng nha gah lơh sa bơh bơta chài rơgơi, tơnguh bơta niam chài rơgơi tàm ală bơta phan geh nùs nhơm is, niam bơne\ bơh tơl tiah dê, Thủ tướng sồr ală bộ, gah lơh broă dà lơgar:

-Ală bộ, gah lơh broă dà lơgar, kuơ màng là Bộ Văn hoá, Thể thao mờ Du lịch pal tơrgùm bơta chài rơgơi tàm ală bơta phan tà` kòn cau, pơgồp bal mờ tơl tiah, tơl mpồl bơtiàn tàm broă tơnguh bơtàu nhơl chờ. Kuơ màng là ală broă nhơl chờ chài rơgơi mpồl bơtiàn, nhơl sền tiah kơh bơnơm bơh đah tô măt tơngai mu\t, đah tô măt tơngai l^k tus mờ Tây Nguyên. Pal lời kờ` tơl pang phan tà` gơs ndrờm geh ală jơnau yal niam bơne\ bè rài lài do, bè bơta niam chài rơgơi, bè nùs nhơm pin dờn mờ ală bơta kuơ niam neh lơh gơs uă bơta bè chài rơgơi bơh 54 jơi bơtiàn kòn cau oh mi bal.

Thủ tướng kung sồr Bộ Thông tin mờ Truyền thông, ală anih lơh broă yal tơng^t sră [ăo bơh Dà lơgar tus mờ ală tiah pal pơgồp bal tàm broă yal tơng^t mờ ai geh anih phan tà` kòn cau lơgar Việt Nam; ală bơta krơi is, ală bơta kuơ niam chài rơgơi pal geh mblàng nền nòn mờ geh cồng nha tus mờ làng bol, tus mờ cau năc nhơl chờ tàm lơgar bal mờ cau năc tus bơh dunia. Thủ tướng đơs tai:

-Lơh bè lơi bơh tu\ do, dùl tàm ală phan pà bơh Thủ tướng mờ ală kuang bàng đơng lam gơwèt mờ ală kuang bàng dunia tàm ală dơ\ tus còp là phan geh lơh bơh phan tà` làng bol he dê, tàm hơ\ geh làng bol kis tàm càr Dak Nông tà` gơs.

Đơs là, pal geh bơta tam gơl bal pràn rơlao tai bơh ală phan tà` mờ ală bơta phan chài rơgơi ndai, Thủ tướng đơs loh, Chính phủ geh kơlôi sơnơng ală cơ chế, broă dong kờl, kờ` tơnguh uă rơlao tai ală bơta kuơ prăp gàr, tơnguh bơtàu ală bơta kuơ prăp gàr, bơhiàn mùl màl bơh phan tà` dê:

-Chính phủ hòi jà nùs nhơm mu\t lơh boă tàm làng bol, kuơ màng là ơruh pơnu, tàm khà broă pơrlai ală bơta geh lơh sa kă bro phan tà`. Di lah lơgar Việt Nam he ờ geh ală anih lơh sa kă bro lơh gơs phan tà` kòn cau pràn, geh bơta pràn tàm broă atbồ, bơta ngăc ngar broă lơh mờ bồ tơngoh kơlôi sơnơng drà kă bro niam, den phan tà` kòn cau he dê kal ke kờ` geh anih tăc tàm lơgar mờ sơlơ ờ geh bơta pràn kờ` drà kă bro lơgar bơdìh g^t tus.

Bơdìh mờ ală bơta kuơ chài rơgơi niam bơne\, Thủ tướng đơs tòm, phan tà` kòn cau kung pơgồp bal mờ broă lơh gơs nùs nhơm tam klăc bal, bơta uă bè bơta niam chài rơgơi mờ rài lài do bơh 54 jơi bơtiàn kòn cau oh mi. Phan tà` kòn cau Việt Nam kung là phan tơrbo\ bal bơta chài rơgơi mờ ală lơgar tàm dunia. Đơs tòm, tơl pang phan tà` kòn cau tăc geh gam là rài kis broă lơh sa bơh uă cau dê, Thủ tướng kơ\p kờ` mpồl bơtiàn tus bal ai phan tà` kòn cau Việt Nam tus uă rơlao tai mờ làng bol, geh tus bal mờ ală cau năc nhơl chờ, kuơ màng là cau năc tus bơh dunia, tus mờ ală cau chài lơh phan soh dờng mờ dơ\ l^k soh phan niam tàm lơgar mờ dunia. Bal mờ hơ\ là chồl pràn broă yal phan tà` kòn cau Việt Nam tus mờ dunia, pơyoa tàm tơl pang phan tà` kòn cau là ala măt chài rơgơi bơh 54 jơi bơtiàn kòn cau Việt Nam dê.

Bơta chài rơgơi Việt Nam, bơta pràn jơi bơtiàn dà lơgar, là bơta pràn geh is bơh dơlam, là bơta tòm nùs nhơm bơh mpồl bơtiàn, là tơngu me, là bơta pràn chồl broă tơnguh bơtàu dà lơgar. Den tàng, Thủ tướng đơs là, prăp gàr mờ tơnguh wơl bơta kuơ phan chài rơgơi kòn cau là dùl kơnòl tòm tàm broă tơnguh bơtàu bơta chài rơgơi. Tàm hơ\, Thủ tướng sồr pal tơrgùm prăp gàr kờ` pơn jờng ală bơta kuơ niam chài rơgơi phan tà` kòn cau Việt Nam, ưn ngài broă lơh dờng màng bơh ală cau chài bơh ală rơnàng neh bơceh, prăp gàr mờ tơnguh bơtàu broă tà` phan kòn cau kờ` gơs ală bơta niam chài rơgơi niam bơne\ ngan bơh tơl jơi bơtiàn kòn cau tàm ală tiah gùt lơgar dê.

Cau mblàng Ndong Brawl