VOV4.K’ho-Poh lài, tàm Hà Nội, Mpồl đơng lam dà lơgar bè lơh jat kơrnoat làng bol lơh tờm tàm [òn lơgar bơyai lơh Pơrjum tơn jơh broă bơ\t bơtàu mờ lơh jat kơrnoat làng bol lơh tờm tàm [òn lơgar nam 2018, lam lơh jat kơnòl broă nam 2019. Tus bal pơrjum geh Ủy viên Bộ Chính Trị, Bí thư Đảng dà lơgar, Kuang atbồ Mpồl lam sồr làng bol dà lơgar mò Trương Thị Mai, Kuang atbồ Mpồl đơng lam dà lơgar; Bí thư Đảng dà lơgar, Chủ tịch Ủy ban Mặt trận dà lơgar Việt Nam ồng Trần Thanh Mẫn.

Nam 2018, ală kấp ủy đảng, gơnoar atbồ, mặt trận dà lơgar mờ ală mpồl lơh broă chính trị mpồl bơtiàn pơn jat tai sền gròi đơng lam, atbồ, lam lơh jat ală gùng dà broă lơh Đảng dê, kơrnoat boh lam Dà lơgar dê bè lơh jat kơrnoat làng bol lơh tờm tàm [òn lơgar gơ jat bal mờ broă lam lơh jat “Nam lam sồr làng bol gơnoar atbồ 2018”.

Pal sền ngac là broă lơh bơh Quốc hội, Hội đồng Nhân dân ală tiah pơn jat tai tam gơl pa tơnguh uă cồng nha, ngai sơlơ làng bol lơh tờm, loh làng, ờ ndơ\p mpồn, geh làng bol mờ cau te\ khà đơs niam ngan; broă lơh tìp mat cau te\ khà, gròi sền broă hơ jơnau lùp, jơnau đơs bơh cau te\ khà dê, broă lơh tìp mat làng bol geh sền dờng màng, tơnguh uă cồng nha.

Lơh jat kơrnoat làng bol lơh tờm tàm [òn lơgar tàm anih lơh broă, uă ngan ală mpồl lơh sa kă bro bơyai lơh tìp mat cribơyai broă ờs mờng pah dơ\ tàm anih lơh broă, bơh hơ\ di tu\ tă bơsong kal ke đah cau lơh broă mờ cau ngui cau lơh broă.

Broă lơh jat niam kơrnoat làng bol lơh tờm tàm [òn lơgar neh ngui niam gơnoar broă, pràn bơceh pa bơh làng bol dê, pơn jờng jơh ală làng bol tam dră rơcang sơndră sa kuề sa kùa, pơhì pơhà mờ tus bal tàm ală dơ\ lam sồr, ală srơh tàm pơrlòng kờ` gơboh dà lơgar, bơh hơ\ lơh kơ\ kơl jăp bơta pin dờn, lơh geh bơta dùl nùs bal tàm làng bol, pơgồp bơnah lơh gơs ală kơnòl broă chính trị, lơh sa, niam chài, mpồl bơtiàn, gàr kơ\ lơngăp lơngai chính trị, rơndăp tăp sèng, ờdo ờdă jơh gùt mpồl bơtiàn.

Mơya, ồng Trần Thanh Mẫn, Chủ tịch Ủy ban Mặt trận dà lơgar Việt Nam kung gam kơlôi rơcang sơl.

Làng bol gi\t làng bol bơyai làng bol lơh làng bol sền swì, jơnau đơs do tàm [òn lơgar geh ngan ngồn lơh jat sơl halà ờ. Ală phan bơna gùng lòt, broă lơh dờng màng lơh lài làng bol geh tus bal sền swì halà ờ? Geh ngui niam sơl nùs nhơm làng bol lơh tờm tàm làng bol halà ờ? Bè đah mặt trận, bol a` pơn jat tai sơlơ gròi sền, tă pơgồp jơnau đơs mpồl bơtiàn, tus bal lơh adat gơrềng tus rài kis bơh làng bol dê uă rlau tai.

Đơs tàm dơ\ pơrjum, mò Trương Thị Mai, Kuang atbồ Ban Lam sồr làng bol dà lơgar đơs sùm: Bal mờ ală cồng nha lơh geh, tơngai tus, nàng lơh geh bơta dùl nùs bal bơh làng bol dê tàm tu\ lơh jat kơrnoat làng bol lơh tờm tàm [òn lơgar pal ngui niam gơnoar lơh tờm bơh làng bol dê, lơh bè lơi ai làng bol in tus bal tàm ală broă bơtàu tơnguh dùl bă lơh jat nùs nhơm is. Bal mờ hơ\, Đảng, gơnoar atbồ, ală anih lơh broă chính trị lời ai bơta sền gròi ngan ngồn gơ wèt mờ rài kis làng bol dê, gơnoar kuơ dipal mờ kơrnoat boh lam bơh làng bol dê.

Tàm hơ\, lơh jat dùl ròt bal mờ geh cồng nha ală broă dong kờl lời ai mpồl làng bol geh rài kis kal ke, cau r[ah là cau kòn cau, cau ờ pràn tàm mpồl bơtiàn in. Pal sền gròi bơsong ală dơ\ broă yal yă kal ke geh uă cau jo\ jòng gơrềng tus ù tiah, tiah ơm kis. Bơh hơ\, tus bal jơh nùs tàm ală broă lơh bơ\t bơtàu mpồl tam klac dờng, pơgồp bơnah ai bơ\t bơtàu mờ sền gàr dà lơgar in.

Mò Trương Thị Mai kung đơs là, gơnoar broă bơh mpồl cau cah r`a dê mờ tiah tờm dong kờl kơrnoat boh lam kuơmàng, pal geh broă dong kờl làng bol nàng làng bol in gi\t wa\ mờ tus bal tàm ală broă lơh, ală srơh mờ gơnoar atbồ tàm tiah he dê lam lơh. Mò Trương Thị Mai đơs loh.

Geh uă ngan adat neh ai ngui ală gùng dà broă lơh nàng làng bol in tus bal tàm ală broă lơh do, tu\ do lơh bè lơi lam lơh jat gơ in niam. Tàm ală tu\ lơh jat geh bơta lơi kal ke kòl yan den pơn jat tai tam gơl bơtơl, nàng lơh gơs rơhời gùng dà broă lơh. Gùng dà broă lơh là bơta kuơmàng nàng lơh geh tơngume kơrnoat boh lam, mơya geh cơng tàng kơrnoat boh lam, geh tơngume den lơh geh ală bơta ai làng bol in tus bal bè lơi kung kuơmàng ngan sơl.

Tàm do, gơnoar broă bơh anih lơh broă làng bol lơh tờm dê tàm hơ\ geh quốc hội, hội đồng nhân dân, gơnoar broă bơh ală anih lơh broă ala mat dê bè mặt trận dà lơgar, mpồl lơh broă chính trị mpồl bơtiàn pal lơh geh tơl ală bơta niam ai làng bol in tus lơh bal tơn. Do kung là gùng dà broă lơh kuơmàng. Do kung là ală broă lơh nàng gùng dà broă lơh làng bol gi\t, làng bol bơyai, làng bol lơh, làng bol sền swì gròi sền gơtùi gơ lòt mu\t ngan ngồn tàm rài kis.

Cau mblàng Lơ Mu K’Yến