VOV4.K’ho- Bộ Y tế pà git, bơh tŭ do tus lồi nam 2021, khà sơnơm vaccine rơcang sơndră kòp Covid-19 geh gơ rê uă, den tàng ală tiah pal rơcang lài cau lơh broă, phan bơna mờ ală bơta pal geh nàng tơnguh mhar broă cit sơnơm vaccine kờñ tơnguh mhar khà cit sơnơm vaccine tàm uă tiah. Bơh hơ̆ lơh gơlik bơta ƀuơn kuơmàng nàng ờ mìng gơ rờm bal ờdo ờdă mờ kòp bơtờp, mờ gam bơtàu tơnguh lơh sa- mpồl bơtiàn.

Jat jơnau yal bơh Cục Y tế dự phòng mờ Viện Vệ sinh dịch tễ dà lơgar dê, tus jơh ngai 10/10, Việt Nam neh dờp rlau 87 tơlak ding sơnơm vaccine rơcang sơndră kòp Covid-19 mờ neh lam lơh 57 dơ̆ tam pà, kờp jơh geh 81 tơlak 700 rbô ding sơnơm vaccine ai ală tiah in. Kờp dŭ tàm tơngai tus, khà sơnơm vaccine geh blơi rê uă. Nàng gàr ngui sơnơm vaccine mhar, geh cồng nha, Bộ Y tế sồr ală càr, ƀòn dờng sền broă lơh cit sơnơm vaccine rơcang sơndră kòp Covid-19 là kơnòl tờm, là broă pal lơh lài ngan tàm tơngai tŭ do.

Cau mblàng K’Duẩn