VOV4.K’ho - Ală ngai do, Uỷ ban lơh broă bal mờ lơgar ndai Quốc hội neh geh dơ\ tus lơh broă tàm ală càr Tây Nguyên, sền gròi broă lơh jăt jơnau ring bal lơh broă bal bơh 3 lơgar Campuchia – Lào – Việt Nam tàm tiah 3 mum tơnguh bơtàu.

Geh bal tàm tiah 3 mum tơnguh bơtàu, càr Kon Tum geh gùng nhàr dà lơgar jòng rơlao 292 kơi sồ rềp bal mờ 2 lơgar Lào mờ Campuchia. Tu\ do, càr Kon Tum geh 1 mpồng nhàr dà lơgar dunia, 3 mpồng nhàr dà lơgar ing mờ 1 gùng pờ kờ` kă bro mờ lơgar ndai.

Lơh jăt ală jơnau ring bal lơh broă bal bơh 3 lơgar Campuchia – Lào – Việt Nam, bơh nam 2011 tus tu\ do, càr Kon Tum neh k^ hơ bal 34 dơ\ jơnau ring bal dunia jăt broă lơh “Sră nggal kah bal”; bơyai lơh geh cồng nha 3 pơrjum kờ` tơnguh broă lơh bal tơnguh bơtàu; rơlao 7 nam do geh rơlao 2 tơlăk 500 rơbô nă cau mờ 244 rơbô nơm rơndeh l^k, mu\t gan mpồng nhàr dà lơgar; khà kă bro tàm tiah mpồng nhàr dà lơgar geh 1 tơmàn 191 tơlăk đôlar Mỹ, kờp jơh khà tă dia dà lơgar tàm càr geh 1 rơbô 340 tơmàn priă…

Ală gah lơh broă bal ndai bè bơta chài rơgơi mpồl bơtiàn, pơgồp bal sền gàr bơta lơngăp lơngai tàm tiah nhàr dà lơgar, tơmù niam broă lơh sră nggal… geh cồng nha niam.

Mơya, jăt mò Trần Thị Nga, Phó Chủ tịch UBND càr Kon Tum yal, càr do kung gam tìp uă kal ke tàm broă lơh jăt ală jơnau ring bal lơh broă bal bơh 3 lơgar Campuchia – Lào – Việt Nam tàm tiah 3 mum tơnguh bơtàu:

-Dà lơgar bơcri priă kung ờ hềt uă, mìng geh bơh ală pơrjum pah nam. Pa do hơ\ sồng lam sồr geh priă ODA bơh lơgar Nhờk bơcri tàm gah lơh gùng lòt. Tơnguh bơtàu broă tam tòm cao su, càr Kon Tum neh lơh gơs ală suơn cao su. Mơya bơcri priă ai broă lơh gơs phan tu\ do bol a` kung ờ hềt geh.

Ờ tơl cơ chế đơng lam bal bơh 3 lơgar Campuchia, Lào mờ Việt Nam mờ ờ hềt geh broă pơgồp bal bơh ală càr den tàng cồng nha mùl màl ờ hềt uă. Bè đah lơgar Lào mờ lơgar Campuchia den bơta pràn geh di mơ, den tàng broă tus bal lơh là ờ uă ngan.

Tàm dơ\ sền gròi, mpồl kuang bàng lơh broă Uỷ ban lơh broă bal mờ lơgar ndai Quốc hội kung lơh loh tai bè tơngai lơh, bơta [uơn, bơta kal ke tàm broă lơh jăt ală jơnau ring bal bè: gơwèt mờ broă lơh jăt 12 broă lơh ai lài; 8 broă lơh geh khà broă tơnguh bơtàu tơrgùm bal; broă tơnguh bơtàu kă bro, nhơl chờ tàm tiah nhàr dà lơgar; broă tus bal lơh jăt anih yal tơng^t điện tử 3 lơgar…

Mpồl kuang bàng sền gròi kung neh dờp geh ờ uă jơnau đơs, jơnau dan bơh càr Kon Tum dê bè: ai lài priă bơcri lơh gùng lòt, lơh drà tiah nhàr dà lơgar, drà mpồng nhàr dà lơgar; dong kờpl priă ODA ai lơgar Lào in kờ` lơh jăt rơndăp broă tơnguh bơtàu lơh sa mpồl bơtiàn mpồl [òn Đăk Bar, kơnhoàl Đăk Chung, càr Sekong, lơgar Lào; dong kờl priă lam sồr tơnguh bơtàu lơh sa mờ lơgar ndai tàm tiah nhàr dà lơgar bơh lơgar Việt Nam – lào – Campuchia; ai rơndă broă dong kờl tơnguh bơtàu tiah nhàr dà lơgar – Rơndăp broă dềt càr Kon Tum tàm rơndăp broă lơh di mơ tơngai bơh nam 2015 tus 2020.

Tàm càr Gia Lai, UBND càr do neh đơs tus ờ uă kal ke tàm broă lơh jăt ală jơnau ring bal lơh broă bal, mờ dan tàm tơngai tus, Chính phủ 2 lơgar Việt Nam mờ Campuchia mờ ală càr geh gùng nhàr dà lơgar bal tơnguh broă tam gơl jơnau tơng^t, ai geh broă lơh adăt boh lam [uơn kờ` lam sồr anih lơh sa kă bro bơcri priă; dan ală Bộ, gah lơh broă dà lơgar gờ` lơh mờ yal Thủ tướng Chính phủ Hiệp định bè lơh broă. Sền gròi bơh Uỷ ban lơh broă bal mờ lơgar ndai Quốc hội dờp mờ đơs niam broă rơcang lài bơh càr Gia Lai dê tàm broă lơh jăt ală jơnau ring bal lơh broă bal tàm tiah 3 mum tơnguh bơtàu. Ală jơnau dan bơh càr dê geh yal mờ Chính phủ, Uỷ ban Thường vụ Quốc hội in sền, bơsong tàm tơngai gờ` ngan.

Lơh jăt jơnau ring bal lơh broă bal bơh 3 lơgar Campuchia – Lào –Việt Nam, tàm tơngai do, càr Dak Lak bal mờ ală càr gơwèt lơgar Campuchia mờ ală càr đah jum lơgar Lào neh lơh uă sră nggal lơh broă bal geh kuơ bè lơh sa, chính trị uă ngan ai geh bơta niam kờ` lơh geh cồng nha broă geh, bơta kuơ bơh tơl gah dê.

Càr Dak Lak neh dong kờl ling lơgar Campuchia lơh hìu năc ơm tàm tiah ling klàng càr Mondulkiri; dong kờl broă lơh ồs đèng ai 3 pôs ling tàm càr Mondulkiri, lơh ală hìu sơnơm, hìu bơsram bal mờ uă broă lơh drơng rài kis lơgar Campuchia in. Tu\ do geh 4 rơndăp broă bơcri priă bơh ală anih lơh sa kă bro càr Dak Lak gam lơh broă tàm ală càr gơwèt lơgar Campuchia, Lào mờ kờp jơh khà bơcri rơlao 200 tơlăk đôlar Mỹ.

Bơdìh hơ\ tai, ală broă pơgồp bal lơh tàm gah tơnguh bơtàu tam brê, tơn jơh jơgloh tơmù rơ[ah, bơta chài rơgơi mpồl bơtiàn sền gàr bơta lơngăp lơngai dà lơgar bè: broă wah nhàr dà lơgar, tồ `jrong nhàr dà lơgar mờ lơgar Campuchia; pơgồp bal tàm broă tam dră, sơndră mờ cau tìs; pơgồp bal sền gròi, broă lòt rê tàm tiah nhàr dà lơgar; lam sồr làng bol 2 đah gùng nhàr dà lơgar ndrờm geh lơh ring bal, geh uă cồng nha niam.

Đơs tàm dơ\ lơh broă mờ Uỷ ban lơh broă bal mờ lơgar ndai Quốc hội dê, ồng Y Grang Niê K’Nơng, Phó Chủ tịch UBND càr Dak Lak đơs là, cồng nha broă lơh bal tàm broă bơcri priă ờ hềt di pal mờ bơta geh bơh 3 lơgar dê, broă hòi jà bơcri priă gam ờ uă, ờ hềt geh anih lơh sa kă bro bơh lơgar Lào mờ lơgar Campuchia bơcri priă tàm càr Dak Lak, broă bơ\t bơtàu gam uă kal ke, den tàng broă kă bro, lòt rê, lơh broă bal tàm broă lơh sa gam uă kal ke:

-Càr Dak Lak sền gròi ngan tus mờ broă hòi jà bơcri priă, mơya tus tu\ do broă bơcri priă tàm càr Dak Lak kal ke ngan tàm broă hòi jà. Kă bro bal mờ lơgar ndai den ờ hềt geh mpồng nhàr dà lơgar den tàng ờ gơtùi lơh.

Tài bè lơi den tàng ờ geh hòi jà bơcri priă, tài broă bơ\t bơtàu he dê ờ gam tơl pràn tàm pơrlòng. Bơcri priă bơh ală lơgar Campuchia mờ lơgar Lào ală anih lơh sa kă bro ngòt tài ờ ring niam. Hơ\ là kal ke bal ai càr dê kung bè kal ke tàm broă hòi jà bơcri priă bơh 3 lơgar dê.

Tàm tơngu me hơ\, càr Dak Lak dan mờ Chính phủ ai ngui, lơh niam wơl cơ chế dong kờl krơi is ai broă tơnguh botàu lơh sa mpồl bơtiàn tiah nhàr dà lơgar tàm ù gờl di pal mờ broă lơh mùl màl càr dê; ai ngui ală broă lơh geh ai lài, bơsong ală kal ke tàm sră nggal mờ tus bal lam sồr ală anih lơh sa kă bro bơh lơgar Campuchia, Lào bơcri priă tàm càr Dak Lak. Mờ gờ` lơh gùng mpồng nhàr dà lơgar Dak Ruê.

Cau mblàng Ndong Brawl