VOV4.K’ho - Ngai do 22 nhai 10, Quốc hội khoă 14 sơn đờm pơrjum dơ\ 6 kờ` sền wơl uă broă kuơ màng dà lơgar dê. Lài mờ hơ\, tàm poh lài, Uỷ ban Thường vụ Quốc hội neh pơgồp jơnau đơs bè ală jơnau yal tơrgùm bal jơnau pơgồp bal bơh cau te\ khà bal mờ làng bol pơyoa tus Quốc hội. Uỷ ban Thường vụ Quốc hội đơs là: broă mờ làng bol sền gròi pah ngai, hơ\ là broă “sa kuề sa koà dềt”, mờ sồr ală gah, mpồl lơh broă dà lơgar, Chính phủ, Bộ Nông nghiệp mờ Phát triển nông thôn geh jơnau pơgồp bal pràn rơlao tai bè broă bơcri priă bơ\t bơtàu broă lơh, ai geh broă hòi jà tơnguh bơtàu tiah lơh sa suơn sre.

 Bí thư Trung ương Đảng, Chủ tịch Ủy ban Mặt trận dà lơgar Việt Nam ồng Trần Thanh Mẫn pà g^t: Bơh tơnơ\ mờ pơrjum dơ\ 5 tus tu\ do, Mặt trận dà lơgar Việt Nam neh tơrgùm geh 2 rơbô 976 jơnau pơgồp bal bơh cau te\ khà bal mờ làng bol gùt lơgar pơyoa tus Quốc hội. Tàm hơ\ geh 365 jơnau pơgồp bal bơh ală mpồl kuang bàng Quốc hội tàm ală càr mờ 2 rơbô 611 jơnau pơgồp bal bơh làng bol geh yal bơh broă lơh măt trận dà lơgar Việt Nam ală cấp.

Cau te\ khà đơs niam broă đơng lam pràn bơh Đảng, Dà lơgar tàm broă lơh niam gùng dà chính trị mờ tơnguh bơta niam mpồl kuang bàng, công chức, viên chức; tơnguh kơnòl lam lài, nùs nhơm lam lài bơh tơl nă kuang bàng đơng lam, kuang bàng, cau geh đảng, lài jơh là Ủy viên Bộ Chính trị, Ủy viên Ban Bí thư, Ủy viên Ban chấp hành Trung ương Đảng. Uă broă sa kuề sa koà, tìs tàm broă atbồ, ngui ù tiah, phan bơna dà lơgar neh geh lùp sền, sền gròi lơh glài nền nòn, ai geh nùs nhơm pin dờn tàm làng bol; geh ờ uă broă yal yă kal ke, geh pơnrơ jo\ bơh uă rài do neh geh bơsong jơh…

Mơya, bơdìh mờ ală broă lơh niam, cau te\ khà bal mờ làng bol gam ờ su\k ơm tàm ờ uă broă bè: broă lơh sa gơbàn uă kal ke, tơlòng; khà priă gơmù gam di gơlan geh; cồng nha broă lơh, bơta pràn tàm pơrlòng tàm uă gah broă ờ hềt uă; broă di gơlan gơbàn ờ ngăc ngar uă rơlao di lah ờ di tu\ mờ geh broă g^t ngui ală cồng nha khoa học, công nghệ gơguh jăk; [ơ\ tàm tiah kis, tam gơl trồ tiah, mìu càl dờng, dà tih dà cò, trồ prang, gơmu\t dà hang kal ke mờ ờ g^t lài, di gơlan gơbàn uă rơlao tus mờ broă lơh sa bal mờ rài kis làng bol.

Ală kuang bàng tàm Ủy ban Thường vụ Quốc hội ndrờm ring bal mờ jơnau yal jơnau pơgồp bal bơh cau te\ khà. Mơya Chủ nhiệm Uỷ ban Đối ngoại Quốc hội ồng Nguyễn Văn Giàu gam ờ su\k ơm mờ broă lơh sa suơn sre, [òn lơgar:

-Ờ geh tu\ lơi tìp mờ cau te\ khà mờ làng bol ờ yal bè broă lơh sa suơn sre, [òn lơgar. Jơnau yal đơs là, broă lơh sa suơn sre tơnguh bơtàu uă, tơnguh âm bơh 0,68% tus tu\ do neh gơguh dương 3,5% uă ngan tàm 12 nam.

Mơya di lah kơlôi sơnơng nền nòn tàm 17-18 nam do den broă lơh sa suơn sre lơgar Việt Nam tơnguh bơtàu mhar mơya jăt mờ ală broă lơh bơh gah lơh broă ndai den gơmù uă ngan. A` dan mờ ală gah, mpồl lơh broă, Chính phủ, Bộ Nông nghiệp pal geh jơnau a pràn kơl dang rơlao tai tàm broă bơcri priă bơ\t bơtàu, ai geh broă hòi jà tơnguh bơtàu tiah lơh sa suơn sre in.

Kuang atbồ Ban Dân nguyện Quốc hội mò Nguyễn Thanh Hải pà g^t, cau te\ khà gam ờ ring bal tài broă “Sa kuề sa koà dềt” ờ hềt gơmù, uă anih lơh sa kă bro bal mờ làng bol pal tă ală khà priă bơdìh mờ broă geh ai tu\ lơh jăt ală sră nggal. Ală broă tơngo\ ờ niam do mờng geh go\ bơh broă yal, yă bơh làng bol ha là bơh sră [ăo, ală broă do ờ geh go\ bơh broă tam dră is, đơs tìs di mờ tìs geh is bơh kuang bàng, công chức dê:

-Broă mờ làng bol sền gròi pah ngai, hơ\ là broă sa kuề sa koà dềt mờ làng bol sùm gơbàn. Cau te\ khà chờ hờp ngan mờ cồng nha bal mờ broă lơh ngan tàm dră mờ sa kuề sa koà tàm ală broă lơh dờng. Cau te\ khà go\ là tàm tiah do tàm tiah ndai, nùs nhơm ờ niam bơh gơnoar atbồ, jòi priă sa gam geh mờ geh yal uă.

Phó Chủ tịch Quốc hội ồng Đỗ Bá Tỵ đơs là: ală mpồl jơnau pơgồp bal bơh cau te\ khà bal mờ làng bol ndrờm là ală broă dờng mpồl bơtiàn, tàm hơ\, geh ală tơngu me mùl màl ờ su\k ơm, geh pơnrơ uă den tàng pal geh ală broă bơsong di tu\, geh cồng nha. Mơya, kờ` tơl niam, ală jơnau pơgồp pal sền sền wơl, kờ` sền nền nòn rơlao tai ală tơngu me neh tơrgùm pal geh mờ ờ hềt geh kờ` gàr niam di pal, di mờ broă lơh mùl màl.

Cau mblàng Ndong Brawl