VOV4.K’ho - Tàm pơrjum bơh Ủy ban Thường vụ Quốc hội  geh bơyai bơyai lơh poh lài, ală kuang bàng neh ai tơngai pơgồp jơnau đơs dơ\ sơnrờp bè rơndăp broă adăt sơndră, tam dră mờ bơta aniai bơh ơlăk, bièr. Ală kuang bàng đơs là: bơta aniai bơh ơlăk, bièr uă ngan tus mờ bơta pràn kơl dang să jan cau `ô, gơwèt mờ bơta niam ờ do ờ dă tàm gùng lòt, niam ờ do ờ dă tàm lơh broă mờ tìs mờ adăt boh lam. Den tàng, pal tơnguh ală broă lơh glài nền nòn gơwèt mờ ală tìs bơh ơlăk, bièr lơh aniai. Mờ pal ai tơl^k loh anih ờ geh tăc ơlăk, bièr.

Tàm pơrjum, ală kuang bàng ring bal broă pal geh tơl^k adăt sơndră, tam dră mờ bơta aniai bơh ơlăk, bièr jăt jơnau yal bơh Chính phủ kờ` lơh gơs adăt bơh broă jăt gùng dà bal mờ ală Nghị quyết bơh Đảng tàm gah sền gàr bơta pràn kơl dang să jan là “Sơndră mờ kòp rơlao mờ sơm kòp”, tu\ mờ broă `ô ơlăk, bièr geh mpồl lơh sơnơm dunia kung bè uă broă kơlôi sơnơng geh dờp là 1 tàm ală bơta lơh aniai tus mờ bơta pràn kơl dang să jan; là 1 tàm 5 bơta lài ngan lơh gơbàn kòp tê jê să, koe\t kơl te mờ chơ\t jê gam gơbàn uă ngan lơgar tàm dunia, tàm hơ\ geh lơgar Việt Nam.

Ờ su\k ơm bè 02 bơta cau ờ geh `ô ơlăk, bièr, tàm hơ\ geh: kuang bàng, công chức, viên chức, cau lơh broă tàm tu\ gam lơh broă, ơm rơlô nggùl tơngai lơh broă mờ ờ geh `ô tàm hìu geh ờ ai tăc ơlăk, bièr, Chủ nhiệm adăt boh lam bơh Quốc hội mò Lê Thị Nga đơs là:

-~ô ơlăk, bièr tàm hìu ờ ai tăc ơlăk bièr. Hìu ờ geh ai tăc ơlăk bièr mơya cau cèng tus `ô geh lah ờ? Dơ\ 2, tàm do geh đơs ờ kờp di lah geh wă năc bơdìh mờ tơngai lơh broă mờ geh cau lam bồ anih lơh broă ring bal. Neh đơs là kơrian ờ ai `ô tàm hìu ờ geh tăc ơlăk bièr mơya di lah cau lam bồ anih lơh broă ring bal kờ` wă năc. Bơta do geh ai ờ loh làng. Nđan lah gam ai `ô?

Mblàng lơh loh bè tơngu me do, Bộ trưởng Bộ Y tế mò Nguyễn Thị Kim Tiến đơs là, hìu kơrian ờ ai tăc ơlăk, bièr là hìu lơh sơnơm; hìu bơsram; hìu sền gàr, ròng siam, anih nhơl chờ ai kơnòm dềt; hìu lơh broă anih lơh sa kă bro… mò Nguyễn Thị Kim Tiến đơs loh:

-Tu\ do, ơlăk geh tàm ală hìu `ô sa hờ bơdìh gùng mờ geh tăc tàm ală tu\. Di lah kờ` den gơtùi cèng tàm ală anih kờ` `ô. Bè hơ\, ơlăk geh tàm ală tiah, ală tu\ tàm hìu, hờ bơdìh gùng, geh bal tàm [làng nhơl chờ, gùng lòt kung geh ơlăk de broă geh ngan tơnguh ngir mờ uă ngan là cau kơnòm să, kơnòm dềt uă ngan.

Den tàng, adăt do tềng đăp măt pal kơrian cau lơh broă, broă Chính phủ geh Nghị định kơrian nền nòn, mơya gam ờ tơl pràn. Tàm broă lơh adăt boh lam geh uă jơnau đơs là, kơrian jơh ờ geh cồng nha den tàng bơtơl gơwèt mờ broă wă năc mờ geh cau atbồ anih lơh broă ring bal.

Ală kuang bàng dan geh ai loh làng mờ sền gròi nền nòn broă yal, tơmù khà priă mờ dong kờl ơlăk, bièr kờ` tơmù broă geh tìp mờ geh lài ơlăk, bièr. Bơdìh hơ\ tai, bơta aniai bơh ơlăk, bièr uă ngan tus mờ bơta pràn kơl dang să jan cau `ô, gơwèt mờ bơta niam ờ do ờ dă tàm gùng lòt, niam ờ do ờ dă tàm lơh broă, tìs mờ adăt boh lam… Den tàng, pal tơnguh ală broă lơh glài tìs `ô ơlăk, bièr lơh gơbàn. Kuang atbồ Dân nguyện Quốc hội mò Nguyễn Thanh Hải đơs là:

-Lơh glài uă rơlao tai den tu\ do ală kơrnoăt bè adăt lơh glài tìs mờ priă geh ală broă lơh glài mờ ờ hềt tơl kờ` kơrian, di gơban tàm adăt do he ai geh jơnau pràn rơlao tai. Broă lơh glài gam ờ pràn gơwèt mờ broă `ô ơlăk, bièr tu\ lơh gơbàn rềs àr tàm gùng lòt ha là broă ndai tài bơta aniai bơh ơlăk, bièr den gơtùi ai tàm adăt do.

Ală kuang bàng kung dan kơlôi sơnơng broă ờ ai tăc ơlăk, bièr tàm internet kờ` lơh gơmù uă ngan broă neh geh lài, [uơn tìp mờ ơlăk, bièr. Mơya, geh jơnau đơs là, kơrnoăt ờ geh ai tăc ơlăk tàm internet ờ geh cồng nha mờ kung ờ ndrờm bal mờ broă kơrian yal tàm internet. Ală jơnau đơs kung dan rơndăp broă adăt pal geh ai tơl^k loh cơ chế kờ` sền gròi mờ ai tơngo\ loh kơnòl lơh glài, pleh mờ broă ai ờ lohy làng bè neh gơbàn mờ adăt sơndră, tam dră mờ bơta aniai bơh jrào.

Cau mlàng Ndong Brawl