Tus bal ơdŭ bơto pơlam  geh rlau 50 nă cau là ală cau lơh broă lơh lòt nhơl tàm ală anih lòt nhơl, anih ơm wol homestay, ală hìu bơnhă bơcri priă lơh lòt nhơl sền suơn sre, wàng lơh sa suơn sre dờng. Ơdŭ bơto pơlam nàng kờñ dong kờl, lơh gơlik bơta niam ai mpồl cau lơh broă tàm gah lòt nhơl tơnguh jơnau git wă, bơta chài bè lơh phan lòt nhơl tiơng pơn rơ is, pơgồp bơnah lơh gơlik tai uă phan lòt nhơl krơi is, phan pa, phan niam nàng gơ hòi gơ jà nac lòt nhơl tus mờ Dăk Lăk.

Mò Nguyễn Thụy Phương Hiếu, Phó Kwang atbồ Sở Văn hóa- Thể thao mờ Zu lịc càr Dăk Lăk pà git, ơdŭ bơto pơlam geh lam lơh jat broă rơndap lơh bơto bơtê pah nam jat rơndap broă lơh bơtàu tơnguh lòt nhơl càr dê  geh Tỉñ ủy Dăk Lăk ai tơlik bơh nam 2021.